6.30.2008

越南‧愛pho之旅(三)

六月九日 - 星期一

是日下午便要飛到芽莊,所以我們把握少於半天的時間繼續遊走胡志明市,第一站原本計劃到友人介紹的boutique買Dior Homme或D&G(off season)。友人很體貼,一早在博客中留低了店名、地址及電話,由於擔心言語不通,未能清楚指引的士司機到目的地,出發前我們已“懶醒目”地勞煩酒店工作人員致電該boutique以確保資料無誤。聽到工作人員以一輪越南語跟電話另一方的職員對話後,得到的答案是資料完全正確。那麼以為一切該會順利吧,誰料當計程車駛至目的地之時,探頭一望.. 咦,爛舖一間?!明明地址是正確的而酒店工作人員又跟點店員溝通過,難道店舖在15分鐘內清拆了?此時MM提意打電話到店舖問過究竟,但“雞”又豈能跟“鴨”溝通呢,雙方經過一輪問東答西九唔答八的對話後也得不出結果,最後店員給了MM另一個電話號碼,說那位同事懂一點國語。以下是MM跟那人的對話..

MM:你好,我現在就在那條xx街,你們的店子就在那裡嗎?
店員:對,地址沒錯..
MM:但店子好像在裝修吧?
店員:哦.. 地址是沒錯..
MM:....... 我的意思是.. 我們已在那裡,但店子好像沒有了..
店員:沒有?errrr~~ 地址是沒錯..
MM:(反眼)
店員:店子在裝修,兩個星期才重開..
MM:甚麼?但是剛才我們打這個電話xxxxxxxx問過,那邊沒有說店子在裝修..
店員:xxxxxxxx是河內的電話,不是胡志明這邊的..
MM:.......... 那謝謝好了...

故事到此為止,多謝!

無得shopping,唯有逛逛附近的街道..

左上:接著到了城中最具規劃的市場(即我們的街市),那裡是沒有空調的,好熱呢;右下:好驚,all you can豬攤檔,有豬腦、心、耳、肝、潤、肺、腸、腳..
左上:這裡就像一間大型百貨公司,除了吃的,還有家居擺設、首飾、化妝品、衫褲鞋襪等等,我用了HK$65就買到一條超大size的pashmina與葉老太;右上:售買各式越南咖啡豆的攤檔;左下:成條走廊都是“莎莎”;右下:還有pho吃..
越南曾是法國殖民地,當然要試試法國菜..
左上:勁大塊pâté只是HK$20;左下:烤牛仔肉;右上:烤豬排w/法式芥末汁;右下:法式薄餅w/果占;2人前4道菜,盛惠HK$130..
吃過午餐便要匆匆趕往機場乘搭內陸機到芽莊;左上:我們乘坐的是小型空中巴士;左下:澄清啟事 - MM手上的那個shocking pink laptop case是我的..
從胡志明市飛芽莊只需約一小時;從飛機上俯瞰芽莊已見燦爛陽光,心情也開始興奮起來..

芽莊(Nha Trang)其實是越南中南部沿海的一個城市,是慶和省省會。芽莊因擁有高質的海灘和優越的潛水地域而成為很受歡迎的國際渡假聖地,近年旅客數字更不斷攀升。市內現約有30萬居民,據統計部門預計到2020年時人口將增長至50萬到60萬左右。08年的環球小姐競選將於芽莊舉行(7月14日),相信選美會結束後會進一步帶動旅遊業,吸引更多遊客到訪。

左上:落機後要乘答巴士到terminal;右上:好像我小學時乘坐的校巴呢;左下:這個terminal簡陋得可以;右下:我們的酒店附有接送服務,這個是接待counter..

左上:機場外貌;右下:這架7van是mercedez來啊..

我們入住的Melia Sunrise hotel是芽莊其中一間5星級酒店,地點好,跨過酒店前的馬路便是海灘..

左上:我們選擇的不是頂級房間,但也尚算寬敞;房間還有小露台一個,景觀絕靚..

夕陽無限好.. 好好好..

安頓行李及小休一會後,吃晚飯是時候;在街上看到很多小攤檔.. 左上:賣甜粟米的;左下/右上:賣汽球的;右下:賣小飾物的..

左上:芽莊是沿海城市當然盛產優質海鮮,所以市內隨處到可見海鮮飯店,而這家飯店是Lonely Planet推介的。左下:我們選擇了2樓的露天位置,而每張檯也有獨立風扇..

左上:炒雜菜;右下:檸檬魚;右上:lemon grass煮大蜆;右下:海鮮炒飯;原想多點幾道菜,不過有人無帶銀包囉,我的現金又唔多夠囉,驚唔夠錢埋單囉,所以唔敢叫囉..

越南‧愛pho之旅(二)
越南‧愛pho之旅(一)

26 comments:

Wordy said...

個 shocking pink laptop case 幾襯 MM,拎起黎充滿自信!

你成日從後偷……影

芽莊那家酒店很漂亮;lemon grass 煮大蜆得唔得?


PS 前兩篇好似唔記得 link 番舊文

Fun said...

我成日叫佢著d sharp既colour架,不過..

這是我的專長,多謝!

lemon grass煮大蜆好食呀,個湯底滲出陣陣既清香.. 其實個炒飯都好高分,每一粒飯都包住蛋架~

Wordy said...

其實,我覺得你老友攬住個 case,加埋表情,有少少喜劇效果 :p

咁,偷影好喇

好想食餐越南野,香港(島)有冇好介紹?

CH Mak said...

Maybe I should start to add shocking pink into my wardrobe then. :p

Fun said...

to wordy,
清亭/燕萍(近總統戲院)雖跌左少少watt但都幾ok。燈籠街(近time sq)個間Pho Hoa都好味.. 另外中環威靈頓街既nha trang都唔錯..

to MM.
你晨早要買過D(鮮色)既衫啦~

naruto said...

今日呢篇令我對越南有番興趣,你可以做越南胡慧沖啦!
ps:你副係咪ray ban aviator?戴得幾好睇:)

Fun said...

to naruto,
哈哈.. 之前個兩篇睇得你好唔開胃咩?

無錯係ray ban黎,幾年前響美國買架.. 話時話我好似仲有一副新既未帶過喎~

CH Mak said...

我怕太鮮色太姣姐,哈哈哈

有副新既太陽鏡?我要我要。。。

Fun said...

to MM,
嗱你又黎啦,鮮色唔等於姣架.. 不知幾多男仔著粉紅色著得幾靚..

我副超係shocking pink架喎,你係咪要先?

Wordy said...

Fun:
清亭/燕萍搬左喇,好很多人,未去過。可能試 Pho Hoa,位置方便少少,一個人吃碗粉都得。

M:
鮮色唔代表姣得起,你即管試試,可能幾得意,記得俾人偷影放上黎噃 :)

Wordy said...

BTW,我咁 dull 都有粉紅恤衫同 polo shirt,但唔係 shocking 囉

CH Mak said...

你大我gum話拿。。。
Shocking pink 咪 shocking pink lor...

喂,不如去遊船河咯。。。

naruto said...

你遊雙人船河呀?
我星期五跟shooting有得遊船河,嘻嘻!
不過著住件TEE做野實哂到成個印

Wordy said...

M:
subject 不明,邊個同邊個遊船河?
好,聽日就著粉紅色番工 ~

Fun said...

to naruto,
我諗佢既意思係叫我搞船河.. 你可以赤住膊跟shooting架嘛..

to wordy,
咁你係咪著緊粉紅色?

naruto said...

做野唔得。。。扮專業好D

Wordy said...

今日太攰,APC 血橙 polo,「撐醒」自己……

CH Mak said...

同楼主去乘风破浪咯。。。
仲要戴荧光粉红的太阳镜。。。

Fun said...

to naruto,
你一唔著衫就唔專業架啦?

to wordy,
血橙.. 血紅就知係點,血橙就..

to MM,
你去搵隻船返黎先講啦~

Wordy said...

紅紅橙橙咁囉

螢光粉红太陽镜……諗起舊時騎樓底玩具檔賣果 d 塑膠玩具太陽鏡 @_@

Anonymous said...

I saw MM once at the Film Festival with a orange Tee and he looked just great.

naruto said...

就嘢要形象架!

Jophine said...

I like 大蜆 very much. Wish I could try lemon grass煮大蜆...

Anonymous said...

When ѕomеone writes an ρost
he/ѕhе maintainѕ the plan of a user in
his/her brain that how a user can knοw it. So that's why this article is outstdanding. Thanks!

my site ... online payday loans
My website - Online Payday oan

Anonymous said...

While уou do complete immigrаtіon anԁ κnow my spοuse's attorney or you feel safe being around you! His reputation will make it mandatory to revoke a delegation of parental rights, obligations and propose individual classes of motion.

Also visit my weblog: http://aviku.com
Also see my web site: click site

Anonymous said...

I knοw thiѕ site provides quality baѕed poѕts аnd additional information, is
there any оther web sіte which presentѕ these
kinds of things іn quality?

Hеre is my homepage: garden center jobs