10.31.2007

玩得開心啲啦

張嘉兒,你去三亞玩得開心啲啦..

我去到世姐既時候會盡量避開啲6呎高既佳麗架啦..
其實我塊面瘦咗啲啦...
唔信?俾個近鏡你睇吓喇...

10.29.2007

港姐vs亞姐


一年一度的亞洲小姐競選又劃上句號了,結果由港產的張家瑩首度奪魁!且不談昨晚整個節目的質數如何,我們還原基本步看看參賽佳麗的質素,那幾位港區代表實在不俗,雖談不上天姿國色,但個個都有高度有學歷有前有後,我擔敢說她們絕對可以砌低今年的港姐。單以冠軍論,先睇亞姐冠軍張家瑩,23歲、身高5呎7吋半、三圍35-23-34、大學畢業;再望望港姐張嘉兒,23歲、身高5呎4吋半、三圍33-24.5-34、大學畢業。鬥樣貌,大家同屬闊面型,五官加埋,張家瑩的可塑性較高,稍勝一籌。鬥身材,張家瑩身高腿長、應大則大。那邊廂的張嘉兒腰肢圓潤、大腿壯碩、身高也矮一截。而港姐一向所標榜的大方談吐,我覺得兩者都半斤八兩。那麼綜合以上幾項比試,各位,今年亞姐勝!

張家瑩除獲冠軍外還得完美體態獎

另外,有一件很慘不忍睹的事情亦即將發生,應屆港姐冠軍張嘉兒很快就要代表香港到三亞角逐世界小姐喇!近日瀏覽世姐官方網頁,過百位參選佳麗的照片及個人資料亦已上載,經過翻閱後發現張嘉兒的高度在所有參賽者中是排名尾二,只僅僅高過直布羅陀小姐。唉..... 無樣無身材無高度...... 我們還得求神拜佛祈求無記醒醒定定,不要設計一件鬼五馬六晚裝給張小姐,要不然真是雪上加霜啊................

在世姐官方網頁內找到以下3張張嘉兒的照片:

大家好,我係張嘉兒..
我會盡力為港增光,多謝..
唔好成日話我似黃宇詩啦..

10.28.2007

全城哈囉喂

究竟從甚麼時候開始香港人對萬聖節是那麼狂熱的呢?氣氛之濃烈絕對直迫聖誕及農曆新年喎.. 星期六下午時份路經中環石板街近史丹利街的一段,嘩.. 人頭湧湧,一眼望見有老外、青年男女、阿媽拖著來的小朋友等等.. 原來那裡有兩三檔長駐擺賣扮鬼扮馬派對服飾的小舖已全線換上哈囉喂服裝及有關props,睇得人眼花撩亂。

很想把這個鬼魂燈籠買下
借過借過..
埋嚟睇埋嚟揀啦..
這幾頂巫婆帽也很搶眼

10.26.2007

東京からのギフト

手帕交Artshop剛從東京回來,送了我一些小禮物,好窩心,同大家分享下先!

1.
OGAWAKEN(小川軒)餅乾
記得數年前某日本朋友曾送我及Artshop這款餅乾,一吃難忘!但後來朋友消聲匿跡了,餅乾的下落亦從此不明,這些年來我們都曾嚐試尋找它的蹤跡但都不成功。直到今趟Artshop得到另一日本友人能重さん相助,終於再遇OGAWAKEN餅乾啦!這款餅乾叫“Raising Wich”(即“提子乾三文治”的意思),兩層脆卜卜的餅乾夾著軟滑忌廉及提子乾,而提子乾更加用酒浸過,一口咬下,4種感覺同步襲擊味蕾 - 又脆又軟又甜又香,很爽。昨晚嚐試上網翻查資料,終於給我找到了,原來OGAWAKEN在東京分別有2間店舖,分別在新橋及目黑,而除了“Raising Wich”外,還有很多精緻的餅乾及蛋糕。下次到東京我務必親身現場掃貨。

每塊也有獨立包裝
你話點忍得口..

2. 中村屋 - 綠茶冬甩(限定)
相信很多港人對中村屋這家明治時代已出現的百年洋菓子店都不會陌生,尤其是座落於新宿大通,紀伊國屋書局斜對面的本店,每次行新宿,你總會在其門前經過。中村屋其中一大特色是經常會推出乜乜限定或物物限定作招徠,本店門前亦經常會有小攤檔擺賣這些限定食品。Artshop今次帶給我的是綠茶冬甩,這個冬甩份量不少,好重手,而每個更有獨立包裝。通常搭過飛機的pastry(沒有真空處理那些)都會有點變質,這冬甩亦不例外,昨晚我一口咬下發覺質感有點怪怪,於是我用微波爐翻叮。出前一叮之後果然回復鬆軟,濃烈的綠茶味亦隨隨滲出來。


冬甩有一層薄薄的綠茶糖衣包著

3. 加藤茶電話繩
早前曾經介紹過我有幾愛這個加藤茶 (前文可按這裡),這次我得到的加藤茶,他化身為日本傳統歌舞伎,卡哇依死了。

有辨架佢..

4. 小飛俠鎖匙扣
首先聲明,在我心目中,小飛俠是永遠叫小飛俠,我是不會喚它作阿童木的。小飛俠是我其中一個最愛的卡通人物,一向唔覺唔覺買下不少跟它有關的精品,例如:tee、衛衣、袋、帽、銀包、figure、電話繩,總之一櫃桶都係,藏量拍得住加藤茶。這條鎖匙扣是COMME CA DU MODE 的出品,那些手手腳腳是可以郁動的啊!

沉睡中的小飛俠

10.25.2007

有無脫衣舞男介紹先?

身在楓葉國的好友EC某日MSN我,他說女友的妹妹要在香港結婚了,姊妹們想為她籌備一個驚喜bachelorette party,其中一大“驚喜”是想找個male stripper於派對中突然彈出來,跳隻辣身舞嚇嚇準新娘。EC問我有沒有門路可找一個高大、肌肉型、靚仔同大X的老外male stripper,我心諗:哇,叫我訂購演唱會飛或找婚宴司儀還可理解,舞男喎,與我何干呀?不過既然你問得我,我亦儘管試試,跟手我click開了MSN,望住個list,看看那一個最有機會有門路,um... MM有機喎!

我:喂,你知唔知點樣揾老外male stripper?
MM:吓?你要?
我:幫個frd揾啫..
MM:等我問R先,佢bf以前有兼職跳吓咁,雖然離開咗香港,不過可能會識啲人..
我:(驚訝)咩話?R個ex係stripper????
MM:兼職啫..
我:(....)哦..咁你幫我問啦!
(2小時後)
MM:喂,R話佢而家淨係識一個咋喎,你上呢條link睇睇,其實佢主力係表現魔術同跳舞,不過都會strip囉..
我:哈哈.. 即係Harry哥哥?等我check check先..
(5分鐘)
我:嘩..............
MM:好唔得呀?
我:唔啦~~ 咁既樣,點算好?
MM:無計喎~
我:咁問過第二個啦唯有..

繼而我再上網尋找舞男但遍尋不獲,於是我buzz了EC..
我:喂,揾唔到添..
EC:係呀,咁點好?
我:errrrr..
EC:你識得人多喎..
我:..........
EC:你有無frd想揾extra money,哈哈哈..
我:..........

我再反覆想想那個朋友會有門路,最後腦海突然閃出敝公司靚女(前)公關Malayer..
我:靚女,我想幫人揾老外male stripper,你有無source?
M:哈哈,點解會揾我架?
我:你靚又識得人多嘛..
M:妖.. 等陣啦..
我:唔該唔該..
(數分鐘後)
M:哇,我真係估唔到,真係俾我揾到,我舊同事有source.. 你要white or black?
我:犀利.. err.. white啦..
M:等等..
(數分鐘後)
M:你抄低個email同電話啦,價錢同相你自己問佢.. 好PK囉,我估唔到自己真係有source呀,哈哈哈哈..

於是我將資料傳了給EC,誰知今早就有update:
EC:喂..
我:係..
EC:揾到stripper啦..
我:就係我幫你揾o個個?
EC:唔係呀,我上啲forum有人講呢個話題,跟住見有人留咗個email.. send張相你睇啦..
(數分鐘後)
我:嘩,呢個好喎..
EC:係呀,幾hot..
我:幾銀?
EC:30分鐘$3000..
我:哦.. 有無問size?
EC:無喎,應該ok掛,不過佢都唔會剝晒架啦,底線係G-string..
我:俾佢既聯絡我做番個reference啦(笑)..

就是這樣我跟脫衣舞男聯繫上了,原來那個6-degree-theory真的錯唔晒,假若大家有興趣找male stripper,可以給我留言,我會係咁易收些微介紹費的,多謝!

10.24.2007

今年生日飯局(二)

20號晚癲喪過後,21號晚約了另一班比較“靜態”的朋友吃飯,地點由我扑鎚決定去日式燒鳥店 - 和幸(WAKO)。在和幸還未登陸的時候,銅鑼灣區最有名的日式燒鳥店必定是“盛八”又或是伊呂波。兩者我都曾光顧。“盛八”的食物大緻不錯,但地方較為侷促,週末更經常出現人貼人情況。至於伊呂波,食物質數是上佳的,但價錢實在乸脷,嚇怕不少食客。而“和幸”的定位則屬於兩者之間,地方又寬敞、格局很“日本”,置身其中彷如去了新宿一樣。此外,價錢亦ok、食物質數又好、更營業到凌晨4點,愛燒鳥的朋友絕對要一試。

是晚我們共8人被安排坐在房間內,點了一檯食物,包括:雜錦野菜/鮮茄沙拉/南瓜沙拉/北京豚燒/雞翼(柚子汁)/雞肉(麵豉汁)/黑豚頸肉/和牛/牛肋骨/芝士豚燒/厚切牛舌/北海道拉麵等等。

當中我認為最值得推介的有:
1. 雞翼 - 配上柚子汁,酸酸的味道很令人回味。
2. 黑豚頸肉 - 很肥美但一口吞下又沒有膩的感覺,質感亦很鬆化。
3. 北京豚燒 - 像北京填鴨般,豚肉要跟薄餅再混入甜醬及蔥同吃。
4. 芝士豚燒 - 勁勁勁芝士味。
5. 雞肉 - 超嫩口,滑一滑。

由於本人戒吃了牛所以沒有品嚐那些和牛、牛肋骨或牛舌,但看到友人每個也吃得點點頭,很滿足的樣子,就知味道一定不錯。 最後要感謝MM為我預備的Bananna Chocolate Mousse Cake(購自Teresa Festival)、一落機就出席飯局的LT、AM及MM,當然還有Clarence & BJ。最後最後最後要感謝的是GT,家有要事也過來一賀,畢生銘感。

左上:鮮茄沙拉/右上:雜錦野菜/左下:和牛&雞肉/右下:雞翼
左上:北京豚燒/右上:北京豚燒正在燒/左下:豚燒被包在薄餅裡/右下:雞翼燒好了
左:芝士豚燒 /右:厚切牛舌
今年第二個生日蛋糕,多謝晒
左:GT/LT/AM/BJ,右:GL/Fun/MM/Clarence
我們一起burn burn burn

10.22.2007

今年生日飯局(一)

有些朋友到了某一個年紀開始就不喜歡慶祝生日,但我每年生日都仍希望跟談得來的朋友一同渡過,吃吃飯喝喝酒跳跳舞,生日嘛,是件開心事啊!

今年多得葉露比擔大旗負責找地方,她建議到中環擺花街附近的上樓私房菜 - D Corner。這位友人很愛吃,不論平貴、地方靚好地踎好,總之好吃就是了,她推介的都肯定信得過!D Corner地方細細,大概有500多呎左右,呈長方形,如果湊夠16人即可包場,價錢收$300一位,共4個course,不收家一,還不收開瓶費,以包場價來說算是很相宜,我們一行17人就剛好霸了兩張長檯。廚房算是半開放式的,可清楚看到主廚和副手做菜的情形,至於招待人客的是面上總掛著笑容的Debbie,她不時會跟人客閒談但卻不會過多,而且更要一腳踢負責接洽、落單、傳菜及所有大小事務,很能幹。

是夜的菜單一早已傾妥:
Starter -
1. Baked stuffing escargots tomato OR
2. Baked seafood pocket AND
3. Pan fried foie gras with peach salad

Soup -
1. Wild mushroom soup OR
2. Minestrone OR
3. Pumpkin soup

Main Course -
1. Roast king prawn with pesto sauce OR
2. Grilled US chilled Kurobuta pork with honey pommery sauce OR
3. Roast duck breast with scallop and herbs sauce OR
4. Roast Cornish game hen with rosemary sauuce

Dessert -
Daily Dessert

Beverage -
Coffee or Tea

我點了Baked seafood pocket、Pan fried foie gras with peach salad、 Pumpkin soup及Kurobuta pork。Seafood pocket,賣相像一個小荷包,其實是以薄薄的脆皮包著蝦及蔬菜,味道不俗。鵝肝應該不是貴價貨,不過依然做到入口即溶的效果,收貨。Pumpkin soup好creamy,而且做到最重要的一點 - 夠熱,和和暖的湯我會打大交叉!Kurobuta pork,即黑豚肉,Debbie大力推介,肉質的確鮮嫩,一刀切開還可見肉汁,配上蜜汁,很匹配。至於另一主菜燒小春雞,坐在隔鄰的友人說很“嚡”,我試了一口,確實有點嚡口。我將情況主動告訴Debbie,她很有善地說可為點了春雞的賓客多燒一隻作補償,雖然我們表示不需要,但得到她這樣誠懇的服務,立即加了不少分數。甜品方面是暖心巧克力蛋糕,um... 好吃但不太impressive。如果大家想靜靜地在中環找個地方撐檯腳或包場開派對,這家D Corner是絕對可以被提名的。

對於這頓生日飯委實滿意,有好朋友、好酒、好食物、好地方.. 仲想點?

頭盤之一: 鵝肝配蜜桃沙拉
南瓜忌廉湯
主菜:黑豚肉
主菜:燒小春雞
主菜:燒老虎蝦
甜品:暖心巧克力蛋糕
來自Zoe的生日蛋糕
Fun & Debbie

10.21.2007

多謝晒

又係多謝街坊既時候..
多謝露比arrange地方食飯..
多謝有嚟食飯或飲野既朋友 - DL, BN, AW, LL, KI, KN, HF, AL, RY, ST, BP, DC, KC, DY, KC, RL, ET, WL, JK, BW & Nico ..
多謝後尾有請我飲酒既朋友..
多謝有俾我亂錫但係無推開我既朋友..
多謝無嚟但有sms我既朋友..
總之多謝晒囉..
我好開心呀真係..

Fun & HF
Fun & KC
Fun/KC/DC/WL
我的生日蛋糕
許願前影張相先
大合照
開始發癲
呢幅相6個人,你估邊個最清醒

10.18.2007

巧克力乳酪芝士蛋糕

話說友人AM生日,想不到買他甚麼禮物,心血來潮決定DIY一個生日蛋糕與他。晚飯前一晚放工後即去citysuper買材料,然後急急腳返家開工。這個『巧克力乳酪芝士蛋糕』的食譜由鄧豆提供,成功率相當高,適合初入廚房焗餅的朋友。

材料:
- 原味乳酪;250g (我一般會選用明治北海道乳酪)
- 忌廉芝士(室溫);500g
- 糖(caster sugar);0.5 cup
- 3隻蛋(室溫)
- 黑巧克力(unsweetened);20g
- 巧克力frosting (我一般會選用pillsbury chocolate frosting)

做法:
1. 將焗爐預熱至250F
2. 將忌廉芝士及糖一起打勻
3. 加入乳酪打勻 (過多乳酪會令蛋糕變得鬆散)
4. 將蛋逐一放下然後打勻
5. 把黑巧克力佐溶 (切忌直接用明火煮溶),然後加入(2)+(3)+(4)中
6. 放入焗爐烤40分鐘左右
7. 放涼後把蛋糕放入雪櫃冷藏約2-3小時
8. 將巧克力frosting塗上蛋糕面


左上:步驟(2)+(3)+(4)/右上:步驟(5)/左下:步驟(6)/右下:步驟(7)

製成品

10.17.2007

王君馨の相簿@國際小姐07決賽

穿著大紅旗袍顯得相當神氣
王君馨的體態似乎比參選港姐時有進步 擺甫士及貓步是王君馨的強項
若飛甩頭上雞毛,效果應該更佳
接受加冕成為友誼小姐
左:入選15名後需預備一段演詞/右:手持友誼小姐獎牌

港姐王君馨載譽歸來


(太陽報訊) 應屆港姐亞軍王君馨,早前以香港代表身份到東京參加《第47屆國際小姐競選》,成功贏得友誼小姐,為香港區連續四年奪得此殊榮。昨午她由東京返港,冠軍張嘉兒和季軍周美欣帶同鮮花前往接機,三人見面即「雞啄唔斷」。 提及是次與67個國家的佳麗比賽,其中一名佳麗更是啞巴,王君馨說:「佢隨身有翻譯,但講西班牙文,其實咁多國家既佳麗,主要用身體語言溝通,贏左友誼小姐好意外,我只係做番自己,仲代表香港入選最後15強,22年冇試過!」她又表示有佳麗已承諾在聖誕來港一聚。

(東方日報訊) 港姐亞軍王君馨前晚代表香港於東京參加國際小姐競選,更勇奪友誼小姐為港爭光。昨午,王君馨載譽返港,對於能保存港姐連奪四屆佳績之紀錄,感到十分興奮,好姊妹張嘉兒及周美欣亦有 到機場接機。王君馨自言今次出外參選,只是做回自己,跟不同佳麗交流,事前也沒有想過得 , 她笑說:「今次參選,同六十幾個佳麗一齊,大家相處得好開心,其中有位佳麗係啞巴,但她的翻譯只識西班牙話,所以大家靠身體語言,不過都溝通得好好。」王君馨又表示沒想過佳麗們如 此支持她,有些女孩子更答應聖誕節來港玩。父母同行說到連續第四年港姐代表得「友誼小姐」,王君馨表示:「真係冇諗過,我更加諗唔到可以入到Top 15,呢個成績自己已經好滿意; 而父母亦有同行支持我,但冇時間陪佢四圍觀光。 」 此外,周美欣昨帶了一紮鮮花到機場祝 賀,她表示稍後會約埋同屆佳麗與王君馨食甜品自助餐慶祝。

周美欣及張嘉兒特地前往機場祝賀王君馨
看來王君馨在比賽中的確狀態大勇