4.30.2011

Oricon榜單 - 4/27

細碟榜:

冠軍:関ジャニ∞ - T.W.L / イエローパンジーストリート


亞軍:FTISLAND - SATISFACTION


季軍:SCANDAL - ハルカ


第5位:SUPER☆GIRLS - がんばって 青春


大碟榜:

冠軍:小田和正 - どーも (暫未有相關視頻)

亞軍:T.M. Revolution - CLOUD NINE;專輯收錄曲 - Wasteland Lost


季軍:Various Artist - ソングス・フォー・ジャパン(暫未有相關視頻)

第4位:浜崎あゆみ - ayu-mi-x 7 presents ayu-ro mix 4;專輯收錄曲 - Sunrise ~LOVE is ALL~


第5位:浜崎あゆみ - ayu-mi-x 7 -version on Acoustic Orchestra


第6位:浜崎あゆみ - ayu-mi-x 7 presents trance 4;專輯收錄曲 - HANABI


第7位:浜崎あゆみ - ayu-mi-x 7 -version HOUSE;專輯收錄曲 - Fairyland


第8位:高橋優 - リアルタイム・シンガーソングライター;專輯收錄曲 - 少年であれ


第10位:ドリームモーニング娘。 - ドリムス。①;專輯收錄曲 - あっと驚く未来がやってくる!

4.28.2011

回憶總是Fun的 - 港姐篇 (80年代港姐晚裝)

即是咁,當我哋而家成日狂鬧無記啲晚裝嘅時候,
究竟當年嘅港姐競選,無記又安排咩衫俾啲佳麗著嘅呢?

就以82年港姐為例啦下,據記憶Karen Chan即現任形象總監,
當時已有份參與服裝設計,不過就未係話時嗰個。

咁啲晚裝係咪就好好多呢?
不如大家一齊睇下82年港姐決賽嘅晚裝部份,
然後發表下意見呢!

82年嘅決賽佳麗,有好多都曾經喺娛樂圈發展架,
例如一度係EYT台柱嘅冠軍梁韻蕊、
擺S形甫士擺到出神入化嘅鄺美雲、
之前曾經開酒吧而飲到經常要扣喉嘅寇鴻萍、
同埋史上最俏麗黃蓉:翁美玲等等..

好,去片ssssssss...

4.27.2011

選美project 2011 partIV

轉到現在的公司經已8個月了,工作算是上了軌道,
但另一方面,繁忙指數亦不斷向上升,
近日幾乎每天都至少工作10小時,
下班以後實在累得連話也不想多說!

工作繁忙,連網誌都少了更新,
就算寫了,內容也好像很求其,養份欠奉,
唉..
希望各位讀者多多包涵,繼續十卜一下!

現在唯一令我可以提起勁去做的就是選美project,
就算在工作上遇到甚麼棘手濕滯畸屎,
只要想到工餘時間便可全心投入自己大愛的事情,
整個人都仿佛像叉了電,又有足夠能量向前衝!

近期正在進行中的選美project除了亞太世界小姐、
國際小姐及地球小姐外,上星期又收到某機構的邀請,
希望我可以為他們找兩個分別代表香港及澳門的男模特兒,
參加今年11月所舉行的一個國際賽事。

嘩.. 去那裡找男模呀?

well.. 既然有人睇得起自己,我也不妨在自己的平台做個呼籲!

先睇睇由主辦大會所提供的參賽資料:
比賽:Manhunt International (官網連結)
日期:2011年11月 (確實日期待定)
地點:韓國 (確實地點待定)
參賽資格:男性/18至30歲/身高178cm或以上/
未婚/持有效的香港或澳門護照

有沒有網友或網友的朋友有興趣參加呢?
假若真有興趣的話可在這裡留個電郵以便聯絡啦!

嗱嗱嗱,想玩嘢者勿來呀下,
擺明搞事的留言將會被刪除!

大家幫幫手啦~

4.26.2011

陽光布吉之旅 - 第五天

第五天 - 4月4日

Hur一聲旅程又到尾聲,得返半日,做乜好?

不如來個運動日呢?!

先來乒乓球賽!我們入住的酒店有一間乒乓球房,小小的,只能容下一張波檯..喂咪講咁多,開波啦
點先呢位人兄,好曬咩,室內都要帶太陽眼鏡?
打乒乓球是熱身運動,戲肉是扒獨木舟!酒店是免費提供獨木舟的,只要去到酒店的私人沙灘sign up就可以了
MM sign up中
穿上救生衣之後就可以立即下水.. 嘩,呢兩位佳麗把得巧快喎
咪催啦,未坐好呀
原來扒獨木舟不單止雙髀會像被萬人枕之後般累,連雙腳尤其是大腿也超累的
扒下扒下就扒到對岸的沙灘.. 咁扒法,消耗了幾多卡路厘呢?
玩玩下,不知不覺已差不多要返房間沐浴更衣執嘢走人啦.. 於是乎,我們又扒呀扒呀扒返沙灘… 喂呀~ 等埋啊
扒到一半之際,由於大家都無晒力,所以想出這招手拖連環船,即是你拉我拉你,多謝晒

4.25.2011

陽光布吉之旅 - 第四天

第四天 - 4月3日

今天布吉繼續天晴,心情大好,吃過早餐決定大曬!

我們入住的酒店一共有3個泳池,其中又以相內這個infinity pool最受住客歡迎。難怪,因為它對到正個大海嘛

是日陽光實在猛烈,曬了兩個多小時,眾人的皮膚已開始紅紅的,再曬應該會變烘膿麵包!所以我們立即撤退,躲進酒店的餐廳吃個late lunch然後就更衣外出走走。

難得天氣這麼好,其中一位泰國通團友提議到Surin Beach附近的Catch Beach Club,一邊吃一邊一邊看日落!

Surin Beach附近下車後要走一段路才到目的地,但沿路皆見一片茂密綠樹,很舒服啊
到啦…
Catch Beach Club連接著海灘,顧客想曬完先食、食完先曬定抑或一路食一路曬,絕對可以自己話事
很有Miami Beach的感覺呢
布吉的天空
食物到:先來泰式拚盤 - 炸蝦/炸軟嗀蟹/炸春卷等
再來另一小吃拚盤:那個半熟的吞拿魚很滋味
軟嗀蟹/蟹籽沙拉
夜幕開始低垂的布吉
這一刻.. 我想起..
Dark Chocolate Mousse Cake w/ vanilla ice-cream
Catch Beach Club cheese cake
入夜後酒吧的燈光隨即迷幻起來,再配合DJ所選的熱門舞曲,雙腳怎樣按奈得住呢
在Catch Beach Club,還有一件事可以做的.. 那就是放天燈!天燈亦稱孔明燈,相傳是由三國時期的諸葛亮所發明的,起初是用作通訊之用的,但現在就變成了在節慶中祁福的工具
在Catch Beach Club的海灘,入夜後就會見到頗多“天燈小販”,150 baht就可以放三盞天燈架啦
這是我的天燈啊..
傳說天燈飛得越高越遠就表示願望成真的機會越高!但願真的如此..

接著我們去了行mall!大家應該知道,布吉不是曼谷,濕平的地方不是太多,潮物也當然欠奉,所以實在沒甚麼好介紹。行街?留返去曼谷吧啦~

這就是布吉島的其中一個濕平mall,JUNGCEYLON
喂呀,有咩睇啫
終於有嘢啱(我)睇啦!在mall中發現這家負責贊助泰國世界小姐泳裝的泳裝品牌Phuket Mermaid。這裡一件泳衣“乸”埋也要300 baht架喎

這天是星期六,團友們都覺得可以蒲少少才返歸,於是就決定一闖布吉的會員地帶!

各位,古靈精怪東南亞立即開始!

布吉的會員地帶位處於最熱鬧的Patong Beach
會員地帶就在The Royal Paradise Hotel & Spa隔離.. 係啦 .. 係啦.. 見到這個牌坊行入去就是了
跟濕平一樣,會員在布吉可去尋歡的地方相比起曼谷,實在是天堂與地獄的分別。布吉島的會員地帶只是小街一條,另外那些“打工”與“尋歡”人士的質素
最後我們只在那裡逗留了20分鐘,匆匆喝了一杯就雞咁腳離開。喂呀,真是嘥我時間囉

4.23.2011

Oricon榜單 - 4/20

細碟榜:

冠軍:B’z - さよなら傷だらけの日々よ;這一張是B’z的連續第44張冠軍細碟,而他們的細碟總銷量(共47張細碟)直至今週為止已累積達3499萬,遠遠拋離第2位的Mr. Children (2817萬張)



亞軍:水樹奈々 - SCARLET KNIGHT


季軍:水樹奈々 - POP MASTER


第5位:豊崎愛生 - 春風SHUN PU


第8位:徳永英明 - 黄昏を止めて


第9位:大国男児 - Love Power


第10位:The Birthday - なぜか今日は


大碟榜:

冠軍:吉井和哉 - The Apples;專輯收錄曲 - クランベリー


第5位:FLOW - FLOW ANIME BEST;專輯收錄曲 - 1/3の純情な感情


第9位:北乃きい;專輯收錄曲 - 心涙は魅せない

4.22.2011

速報!香港小姐11 宣傳活動

(轉載自tvb.com) -- 無綫再接再厲於昨晚(二十日)假尖沙咀海港城海運大廈展覽大堂舉行《2011香港小姐競選》招募行動II,並邀得十一位應屆及歷屆香港小姐及國際中華小姐,以不同系列的春夏新裝,演繹一場賞心悅目的Catwalk 表演,展現美麗高貴的氣質!眾港姐及華姐亦即場分享參選港姐的心路歷程,鼓勵合資格的佳麗把握機會,報名參加這一生難忘的《2011香港小姐競選》。

昨晚活動出席者有:陳庭欣(2010香港小姐冠軍)、張秀文(2010香港小姐亞軍)、莊思明(2010香港小姐季軍)、李雪瑩(2010香港小姐最上鏡小姐)、彭慧中(2010參選港姐)、倫紫玄(2008參選港姐)、張嘉兒(2007香港小姐冠軍)、楊思琦(2001香港小姐冠軍)、張慧雯(2010國際中華小姐季軍)、陳爽(2007國際中華小姐季軍)、李亞男(2005國際華裔小姐冠軍)、監製何小慧及大會形象監督陳惠英。活動司儀由蔡康年擔任。

無錯,話咁快港姐競選又開鑼啦,
所以近日大家都見到很多不同形式的宣傳活動!

就以這個宣傳活動為例,
11位港姐+華姐以春夏新裝表演catwalk。

即係咁,TVB的styling一向都有目共睹咁肉酸,
而今次的catwalk show又是另一鐵證!


莊思明這件帶有懷舊味道的黑色貼身長裙本應都過得骨,但無喱頭又加條阿婆鍊,ruin晒。另外個髮型都是大交叉
張秀文這一套.. 醜&cheap到唔知點形容,多謝
陳庭欣身材高佻纖瘦,應該很擔衣的,但依然穿不起這件低胸晚裝。鬼咩,條裙好明顯唔啱身,上半身鬆泡泡,搞到無晒胸。而那條金色幼belt又是另一cheap cheap之選
楊思崎這件吊帶碎長裙,雖然布料有少少阿婆feel但起碼簡簡單單,又配合“春夏”的主題。咦,後面張慧文 (今屆華姐季軍) 那條綠色長裙是BCBG兩年前的出品喎,又話春夏新裝??
這條BCBG其實早於09年,袁嘉敏已經在港姐領獎記招上著過,另外我又記得高海寧在唔知邊個活動上著過啦
嘩.. 張嘉兒.. 係咪vintage來架 (來自張嘉兒的阿嫲)
一字排開… 真是好一場fashion disaster

4.20.2011

3D肉蒲團 - 港版Kill Bill

《3D肉蒲團》上映不足一星期經已勁收千五萬,
睇個勢分分鐘會成為今年最賣座嘅港產片添!

即係咁,呢千五萬入面,有95蚊係屬於我嘅~

入金場嘅原意係諗住會笑足全程,點知..

Well,其實頭一半係可以嘅,劇情叫做過得去,
再加上笑料、奶頭、汗水、呻吟聲,整體算合格啦。
但過咗一半之後,部戲開始失控,無啦啦變咗Kill Bill咁,
一味斬頭斬手斬腳插肚,血肉橫飛,爭啲悶到瞌著呀陰功
整乜要咁先,錯晒囉ok?!

好唔容易先挨到完場,估唔到完場時反而有驚喜,
隻主題曲一播,個個都話好聽喎,
唔講唔知,原來主唱嘅係Freeze嘅其中一位成員石詠莉,
嘩,失敬.. 失敬..

出年電影金像獎會唔會有得提名最佳原創電影歌曲獎呢?

《3D肉蒲團》主題曲 - 極樂

4.18.2011

第30屆香港電影金獎像 - 最佳/驚衣著獎

最佳衣著獎 - 大會選了Janice Man,我就投惠英紅一票!惠英紅一身(徹底)的白,飄逸、優雅、不誇張。裙擺的喱士部份又輕透長腿,若隱若現,錦上再添花! 以為這條白裙是甚麼品牌的傑作,最後原來發現是Moiselle 來的!嘩,嚇到下巴掉了落地呀...... 最驚衣著獎 - 李宇春!一見李宇春踏上紅地氈的一刻,心諗:李宇春,著乜spring呀?!首先,個髮型同化妝就鬼咁feminine,但套衫又精神分裂地懶man咁!仲有,這一身老旺打扮,比較適合William囉!

4.17.2011

陽光布吉之旅 - 第三天 partII

第三天 - 4月1日

今天布吉天氣開始放晴,上畢cooking class回到酒店當然第一時間換上時尚泳裝到泳池享受泰國的陽光!

乾煎了約一時,大大舊雲突然湧至,把太陽蛋遮蓋了.. 那唯有另覓節目吧~ 幾位團友選擇上健身房,而我呢..

我就是去了這裡.. 酒店的spa center
Spa center的接待處
我在等甚麼呢
這裡的修(手)甲服務盛惠600 baht,比起當年我在越南芽莊的4蚊美金收費當然有一大段距離,但相較香港已算非常便宜,加上有斟茶遞水,寒喧問暖的貼心服務,抵啦
修完甲一出來,剛好下完一場過雲雨,好彩 (因為spa center跟房間是有一大…… 段距離的)

返回酒店沐完浴更過衣就出外吃晚餐啦!今晚食乜菜又是由團友GT揸旗,他選了這家被多個旅遊網站如Trip Advisor推介、主打泰菜的Ka Jok See 。Ka Jok See位於布吉市中心最繁華的Ratsada Road附近的Takua Pa小街,不算難找。

提醒各位,要來Ka Jok See的話就必需要預先訂位,walk-in而有位的機會是很渺茫的。

這條就是Ratsada Road啦
餐廳裝潢很有泰式小島風情,而到來的客人大部份都會dress up的,有些洋婦還穿了閃閃衫的
是夜來光顧的有癡纏小情侶、一班中年洋婦、一班ABC以及我們5個香港人
來Ka Jok See記著要空肚,因為這裡是all you can eat的,每位付1800baht就可以任點任吃menu上的菜式 (酒類飲品另計)
泰式韭菜棵/餅
泰式排骨
PAD THAI
炸雞腿
泰式青咖喱雞
炸蝦配芥末醬 (那一絲絲把蝦包著的是米粉來的)
泰式沙嗲 (雞)
泰式大蝦柚子沙拉
椰汁大蝦
炸魚餅
泰式咖喱牛腩
泰式香辣海鮮沙拉
泰式香辣鱈魚
那麼高興,開瓶香檳啦!泰國的香檳並不便宜,最普通的Moet & Chandon,一瓶也要近一千港元,好乸脷呢。同一價錢在香港可以要一瓶VCP啦
Ka Jok See的老闆是老外一名,很喜歡音樂的,所以每一晚他都會化身DJ在餐廳內打碟。吃至中途已見場內賓客開始翩翩起舞
越來越多人跳噃
再過多一陣,突然間見到員工把餐廳中間的檯檯櫈櫈搬開,以為是甚麼事.. 哦,原來有drag show (男扮女裝)。這個胖胖的drag,不行

嗱,這個假Whitney就好好多啦,大唱Whitney的快/慢金曲,搞到全唱high了