6.04.2008

Tell me, who would not love SATC?!


請給我一個不愛SATC的理由!

原本相約了一團人週五晚圍觀SATC後再拉大隊去喝過你死我活,誰料昨晚飛來橫票,作為大粉絲能夠先睹為快簡直是求之不得。在此不打算高調張揚細節及結局,免得未看電影的朋友一個唔覺意看了這篇文章知了結局,繼而把我罵得狗血淋頭。

未看電影前,不少朋友有以下疑問,就讓我在這裡解釋一下!

1. 套戲成兩個幾鐘喎,好長囉,會唔會悶架? - 作為一套電影實在有點長,但如閣下是粉絲的話就絕對沒有問題。148分鐘即約5集的電視劇版長度,你可曾試過連看5集SATC會悶先?

2. 劇集就話一集一集咁去啫,電影版兩粒鐘咪要講好多嘢,咪好趕? - 這是電視變電影的死位,但SATC the movie尚算取得平衡,劇情的推進合情合理,並沒有氣囉氣喘的感覺之餘亦沒有為解釋而解釋的情況出現。

3. 咁成套戲會唔會淨係講晒Carrie架? - 主線當然仍以Carrie為骨幹,但其餘3位女角的戲份也不輕,Miranda(婚變)、Samantha(分手)及Charlotte(懷孕) 都各有獨立故事線,粉絲不用擔心。

4. 啲對白會唔會無電視版咁刻薄抵死絕核架? - 可以放心過放心,密集式刻薄抵死絕核對白源源送上,昨晚的觀眾都不時報上笑聲及掌聲。

5. 係咪真係好多靚衫呀? - 每場戲都換一次衫,套套名牌套套堅,絕對多到幾乎睇唔切。

6. Jennifer Hudson係咪客串吓架咋,個角色係咪好無聊? - 雖以奧斯卡最佳女配角身份亮相,但JH的出現實在是陪襯品,不過角色亦算有血有肉,對Carrie的心路歷程發展更起了點作用。


7. 咁會唔會仲有續集呢? - 導演當然不會那麼蠢迫自己進掘頭巷,結尾好generic沒有大龍鳳,可拍可不拍囉。

總之一句,SATC rockssssssssssssss~~ 大家速速買飛,睇完再分享劇情好無?

這首歌在電影中出現的時候要拎定紙巾呀..



P.S. - 我真的好想擁有一對Manolo呀~ 朋友們,不如今年生日你們夾錢送我一對好嗎?唔著齋擺都開心死~~

9 comments:

naruto said...

咁你星期五仲睇唔睇?
我星期六至睇,但之前一集都無睇過,但睇片頭見美指攝影燈光幾靚,應該OK

Fun said...

買左飛啦,照睇:)

真係一集都未睇過?

d衫真係靚到呢~

Leo said...

買咗飛聽晚睇

電視我係追無記嘅,不過斷斷續續

最好睇嘅地方,我覺得係4條Q嘅友情


紐時影評踩到一棟都冇,本地影評就評中上居多,呢度絕讚,真係各花入各眼?

Fun said...

我表明係大粉絲啦~

其實SATC the movie好難用一般影評角度去評價因為.. 擺明係為粉絲拍既,有追開一定直豎拇指架啦,唔睇開既.. 佢地覺得好唔好亦實在唔重要呀 :p

naruto said...

真係一分鐘都無睇過架!

Fun said...

..........

Anthony ng said...

好得!

Keith said...

超好睇,如果你是超級fans的話,可能會睇到好亢奮唔捨得走添...

hey said...

雖然無睇過電視版,但睇過電影版既有讚無彈,所以應該都會去捧下場。:}