6.18.2008

越南‧愛pho之旅(一)

當我告之一眾友人要遊走越南7日,大家都不其然“O”起嘴來,登時“去越南做咩”之聲此起彼落!噢畸噢畸,事情是這樣的.. 最初的計劃原是跟兩位suen-mei-ologist於7月中到越南看環姐競選,但最後二人都因工作纏身而未能成行。有想過照去可也,但想深一層一人前拖喼去已非那回事。眼巴巴旅行計劃要泡湯之際,冷不訪殺出個想於轉新工作前旅一個行的MM(爆響口添),姣婆遇上脂粉客一拍即合!

《越南‧愛pho之旅》包括兩個目的地:一‧胡志明市、二‧芽莊。用Asiamiles里數換取機票,只需2萬里就可以換到由香港到胡志明市及由胡志明到芽莊的機票,如真金白銀買這兩程機票差不多近4千港元喔!

起程當日香港這邊雨下得很兇,結果航機延遲了兩句鐘,飛抵胡志明市已是7時多(那邊慢香港一小時)。胡志明市的國際機場雖然稱不上摩登但挺光鮮的,打聽後方知這個機場去年9月才開始啟用,no wonder!甫到步第一件事是換錢,需知越南是共產國家,貨幣並不世界通行,所以最好先兌換點美鈔,抵達當地才換越南盾。大家猜猜一百美元對多少盾?五秒時間.. 五..四..三..二.. 一.. 100美元能兌換160萬盾啊!原來當拿著幾百萬在手的時候,對金錢的價值反會變得很模糊(接下來會多點解釋)。

步出機場首先要在人群中尋找MM (的名牌) ,因為我們入住的酒店是有專車接載的。

左上:人頭湧湧;右上:好多牌囉,勁難搵呀;左下:搵到啦,MM何時變了老外,姓Mark?;右下:那位恤衫人是酒店工作人員

越南擁有悠長歷史,19世紀中葉後,法國開始入侵並在西貢(即現在的胡志明) 設立殖民政府,所以現時越南境內仍有不少殖民地色彩甚濃的建築,而我們在胡志明市入住的Majestic Hotel就是其中一個例子。酒店建於1925年,毗鄰西貢河,位置處於第一區的Dong Khoi St.,同區還有其他5星酒店,例如Park Hyatt Hotel等等,再加上LV、D&G等名店,絕對是個富貴地域。

Majestic Hotel的租金並不貴,這麼大的房間也只需二百元美金,還包一頓自助餐呢..

右上:很喜歡這台仿古電話;左/右:房間還有小露台一個..

長而窄的走廊.. 有點.. (嗚嗚嗚~~)
左/右上:酒店大堂;左/右下:入口處..

安頓一切後,時間已不早,所以拿拿臨飛的去搵食。越南的計程車(可能只限於胡志明)起錶價一般為15,000盾(約HK$7.5),但亦乘坐過17,000盾的,曾詢問酒店員工理由何在,但雞同鴨講,最後都問不出結果來。可能當晚出動的時間太晚了,原本想去的那一家館子已關門(雖是週末),所以唯有稍移玉步到隔鄰的《Bunta》,bun即粉也(應是米粉的意思),擺明是提供越南菜啦。

因為晚上的氣溫還可以所以挑了戶外位置..

左上:MM正努力地閱讀餐牌,我當然翹埋雙手;右上:擾攘了一輪,原來女侍應懂廣東話架;左下:各位,08地圖王MM,無佢我唔知點算..;右下:鄰桌那位四眼人是跟我們是乘同一班機的..

開餐啦!左上:鮮魚蛋湯,魚蛋勁彈牙;左下:豬肋骨肉包包,一塊生菜一塊豬肋骨肉一條青瓜一撮米粉再加醬汁,一啖咬下,索索聲,滋味十足;右上:烤豬排檬,比起香港這裡的檬用上較多的香料/草;右下:炒雜菜;這一頓晚餐埋單近百港元..

13 comments:

Wordy said...

睇埋就開工

邊個係姣婆?邊個係脂粉客?

間房好大,但又唔算特平。晚餐在當地標準來說算高消費嗎?那邊多人懂廣東話嗎?

Fun said...

邊個似姣婆?邊個似脂粉客丫?

咁既level既酒店算ok平啦,其他國家應該唔只呢個價,仲有係包早餐架~

近百銀算貴啦.. 識廣東話既人唔多,識英文既更加少,真係chick talks to duck架!

OGAKE said...

印象既越南係農地一片,完全無"城市"既慨念,睇下相先知原來都唔錯架渦~

Wordy said...

你已經提供左答案喇。姣婆錫身左 d,脂粉客就……嘿嘿 ~

唔,今日學左個新 idiom

Anonymous said...

MM looks real fit and muscular :)

Fun said...

to ogake,
咁你繼續黎坐下啦,仲有好多野睇架,咁你會對越南多d認識~

to wordy,
咁你即係鎖定12號既Fun係姣婆?

to anony,
我唔方便話唔係既~~ :p

Wordy said...

大會冇通知我 12 號係 Fun,咁 MM 係幾號,冇 no. 投唔到票,就當係我另一個不能說的秘密吧 ~

naruto said...

to:姣婆
見到條走廊,真係覺得盡頭有野飄埋嚟!
to:脂粉客
轉新工,可喜可賀

我開安全網,唔該

CH Mak said...

邊個叫我邊個叫我。。。。

Fun said...

to wordy,
不能說的咪咪?

to naruto,
算你好彩俾你撞中..

to MM,
邊有人叫你啫~~

Wordy said...

咪咪要休息,咪咪唔(好)講喇 :0)

阿寶 Francis said...

間酒店勁掂, 好古典, 咁你地有冇扮梁家輝坐老爺車拍"情人"?

Josephine said...

Finally u have the detailed post. WAIT TILL LONG NECK LA. Always enjoy reading your pic + captions. Feel like I were there. :)
Keep posting please !!!!