8.29.2012

速報!香港小姐12 (結果公佈)

一!地!眼!鏡!碎!

第40屆香港小姐競選在一噓聲中落幕,
結果由賽前半熱人馬,現年24歲,
身高5呎4吋的張明雅榮登寶座,
她同時兼得國際親善小姐!
張明雅曾奪09年溫哥華華裔小姐亞軍名銜,
可以說是相當有選美命。

亞軍是賽前大冷馬,現年23歲的黃心穎,
季軍是大熱之一,芳齡24歲的朱千雪,
而由15位前港姐選出的最上鏡小姐則是另一熱門岑杏賢。

在籌備初期揚言今年會大搞港姐的余詠珊,
結果真是一語成籤,成個招牌俾佢搞衰晒,
事前大肆吹噓的全民一人一票投選冠軍,
在臨門一腳竟然down server,
最後都係要用返大會評判分數去決定三甲位置,
吹!漲!

呢幾日相信大家睇飽睇夠有關投唔到票的相關新聞,
在此都不想多談,反正結果都要不可能推翻的!
不過有一句說話我都想講的:無能力就咪搞科技啦好心!!

講返整個決賽過程,在製作上雖然無記落足重本,
又call齊天皇巨星、前港姐及全台花旦小生,
但電視城始終是電視城,任憑你將一、二、三廠打通,
但感覺都是比不上紅館的。
另外那個集亞姐及各大澳門酒店裝修於一身的舞台,
點睇都是好便宜嗰隻!

至於服裝啦喎,well.. 有Karen Chan一日都是不會有靚衫的,
你看看那套泳裝,又是一堆二堆的羽毛插晒上身,真是用極唔厭!
(不過今年的晚裝倒是非常正常)

節目編排方面真是悶親街坊,問答環節勁多,
講嘢多過catwalk同擺甫,可能就係咁益晒那些口才較好的佳麗!

那佳麗們的表現又如何呢?就等我逐個品評一下,
另外亦有一些獨家照片分享!

陳潔玲 - 一路我都麻麻佢,但當晚一出場又令我眼前一亮喎。化妝及髮型都好有型格,令她由一個死靚妹搖身一變成為時尚model。這個大變身以為可讓她殺入6強,但最後都是無功而回,可能說話時無喱表情是她失分的主因
張名雅 - 當晚小弟有幸在現場觀戰,當我在中場休息上洗手間時在走廊遇上6強佳麗,真人所見張名雅確實幾sharp,再加上成熟淡定的表現,力壓群芳並非僥倖。講真,如果server無down的話我都會投佢一票架!
張鈞美 - 每年總有一個半個佳麗被髮型累死,今年的犧者是張鈞美。唉,我的favourite就此被玩謝,入到6強都應該要還神。
朱千雪 - 唔明喎,乜解究全港市民都認為朱千雪應該成為冠軍呢?實情朱小姐一大笑時個口在高清鏡頭下真是大到嚇親喎,牙肉又露晒咁,就算談吐幾好,身材幾平均,我覺得入6強已經好盡囉。
林泳淘 - 幾上鏡,但陣“藝員味”始終太濃,再加上今年評判似係100%專注內涵,林泳淘點會有運行先?!
李渼琦 - 五官真是相當標緻,我會選佢做最上鏡小姐呀!不過談吐方面實在要打大交叉,廣東話唔好是一件事,成日遊魂咁樣才是致命傷
岑杏賢 - Overall package是幾有冠軍相,最後三甲不入但反而執到個最上鏡小姐,真搞笑!在訪問最上鏡小姐評判時,一班前港姐個個都話買重佢,我心諗:而家是選最上鏡小姐,不是選冠軍呀,個最上鏡小姐要省鏡架喎。
湯洛雯 - 論整體表現(樣貌、談討、身材等等),我覺得佢是絕對要入三甲的,最後在對手不算太強的情況下6強止步,好陰功囉!衰乜呢?莫非見評判是表現好差?抓狂呀!
曾明俐 - 身材殺晒,但一近鏡就謝晒!當晚所見樣貌的確不甚pleasant,落選是意料中事!
黃心穎 - 宣佈她進入三強的時候,現場觀眾齊齊嘩了一聲!橫睇掂睇,點都睇唔出有甚或長處。有些網民說她談吐不錯喎,但好極都未好到要俾個亞軍佢掛!!黃心穎應該是今年出戰國際小姐的人選,大家有無眼睇呢?!
1廠門外的佈置
無記在1廠門外鋪了紅地氈,率先有15位前港姐等場!左起:03年冠軍曹敏莉/73年殿軍趙雅芝/85年季軍王愛倫
左起:98年冠軍向海嵐/97年5強歐陽妙芝/86年冠軍李美珊
個台係真係好似澳門唔知邊間酒店呢
大會在正式開場前在於二廠設置酒會,一眾高層、評判、前港姐及全部小生花旦均有出席
本年度的5位大會評判
去年的4位得獎佳麗,左起:亞軍朱希敏/冠軍朱晨麗/季軍許亦妮/國際親善小姐梁麗翹
2012年國際親善小姐張明雅。明年的世界小姐將會於9月舉行,唔知Carat有無得去選呢?
去年的最上鏡小姐得主許亦妮頒獎予今年的得獎者岑杏賢!高下立見到呢。。
如果server無出事,相信今年的三甲次序必定要改寫了
張名雅在一片爭議聲中當選,壓力可真不少,希望她能撐得住呢!
得獎佳麗在賽後與15位前港姐合照
左起:86年冠軍李美珊/99年亞軍原子鏸/97年5強歐陽妙芝/96年亞軍李嘉慧/03年冠軍曹敏莉/98年向海嵐/85年季軍王愛倫/本年港姐三甲及最上鏡小姐/73年殿軍趙雅芝/93年5強陳妙英/89年冠軍陳法蓉/97年冠軍翁嘉穗/75年季軍關淑芬/95年冠軍楊婉儀
久違了的港姐冠軍李美珊。哎呀,唔記得問佢係咪真是懂得13國語言添
雖然與朱晨麗只有一面之緣,但當晚她一眼就認定出在下,厲害!咁聰明,在娛樂圈應該會有好發展吧
自從去年在國際小姐中認識後,每隔一段時間就會碰上許亦妮,感覺很特別,希望在卸任後她會在娛樂圈有光明的前途
被兩位港姐冠軍夾擊,嘻嘻
兩位90年代的港姐冠軍,向海嵐及楊婉儀
嘩,華仔呀!!!
中間白衣者就是港姐之母陳紫蓮,雖然退了休但港姐40週年喎,梗要回娘家支持啦

8.24.2012

速報!香港小姐12 partV


仲有3日,雷聲懶大雨點喪小的第40屆香港小姐就會誕生,
今年無線突破賽制,大會評判會先從10位佳麗中選出3甲,
然後再由全港市民透過互聯網及手機程式,
一人一票選出心目中的冠軍!

咦,照咁睇,對樣靚但口才無咁好的佳麗有著數喎,
因為普羅市民都是重外型多過內涵架嘛!

不如就等我做少少賽前分析,睇下邊位佳麗有機突圍呢!?

陳潔玲 Christy Chan
年齡︰24
職業︰模特兒
學歷︰副學士
身高︰5’5”


被傳媒冠以“人微妍希”的稱號,是高登仔勁buy的佳麗之一。但談討麻麻,講野時板口板面唧都唔笑,要大大改善一下。身材方面都是扁平一族,穿上泳裝應該無咩睇頭!

入圍3甲指數:45%
冠軍指數:5%


張名雅 Carat Cheung
年齡︰24
職業︰學生
身高︰5’4”


張堅庭親戚,強國味甚濃,但竟然是直入決賽的3位佳麗之一,非常抓頭呢!不過談吐則ok淡定,又無鄉音,問題環節可能是她的強項吧!

入圍3甲指數:45%
冠軍指數:5%


張鈞美 Amy Cheung
年齡︰22
職業︰學生
身高︰5’5½”


是最後一圍10強的佳麗,來自美國紐約,英文好過中文個隻。樣貌唔算好mass但我個人來講就幾ok,整體感覺很自然。我推測呢類佳麗應該幾受評判歡迎 (除權見評判時表現幾差)。

入圍3甲指數:65%
冠軍指數:20%

朱千雪 Tracy Chu
年齡︰24
學歷︰大學畢業
身高︰5’5½”


有不少網民話佢似朱玲玲喎,其實係咪個嘴唇厚厚地就覺得似咋?朱千雪跟張鈞美屬同一類型佳麗,以自然取勝,但身材比例稍遜,可能泳裝會是其失分重點。

入圍3甲指數:65%
冠軍指數:20%


林泳淘 Wingto Lam
年齡︰22
職業︰模特兒
身高︰5’7”


參選前已是一隊聽都未聽過的女子組合“Lacee Lacey”成員,應該是矢志入娛樂圈的。這類佳麗年年總有3幾個,樣貌ok、身材ok、談討都ok但硬係選唔到。大概評判索到陣“好恨入娛樂圈”味,所以索性等你落選盡快做藝員囉。

入圍3甲指數:40%
冠軍指數:10%


李渼琦 Melanie McAndrew
年齡︰20
職業︰學生
身高︰5’6”


來自澳洲布里斯本的混血兒,是年紀最輕的參選佳麗。論樣貌絕對是今年的省鏡之選,但談吐極之麻麻,經常都無喱神氣未食飯咁,未聽佢講到第三句已經zzzzzz!如果能改善這個問題,3甲有望。

入圍3甲指數:70%
冠軍指數:30%

岑杏賢 Jennifer Shum
年齡︰23
職業︰學生
身高︰5’7”


已得“時尚目光大獎”的岑杏賢有“翻版郭錦恩”之稱,是今屆學歷最高的佳麗,現時是一位碩士學生。整體包裝好有冠軍相:學歷高,談吐跟身體語言也很大方,所以我都幾買重佢。

入圍3甲指數:85%
冠軍指數:70%


湯洛雯 Roxanne Tong
年齡︰25
職業︰模特兒
身高︰5’7½”


因父親湯鎮宗的關係一直都是傳媒的焦點,亦算是頂頭大熱之一。自身條件不俗,置身這10位佳麗之中亦見突出,缺點是經常一臉倦容,面青口唇白。暫時已得“旅遊大使”獎,所以入3甲應該幾穩陣,但能否再上一層樓就真是要睇睇狀態啦。

入圍3甲指數:80%
冠軍指數:60%


曾明俐 Cynthia Tsang
年齡︰26
職業︰機艙服務員
身高︰5’6”


來自港姐冠軍搖籃:加拿大溫哥華,是直入決賽的3位佳麗之一。幾有fashion sense,身材及儀態亦是比較突出的佳麗,但樣貌不討好,網上更有網民話佢同馬蹄露十足一個餅印,超慘!

入圍3甲指數:40%
冠軍指數:20%


黃心穎 Jacqueline Wong
年齡︰23
職業︰學生
身高︰5’4”


每年都有啲唔知點解會入圍的佳麗,今年的代表是黃心穎!無樣條件是突出的,但仍然擊敗眾多質素較好的佳麗殺入10強真是天無眼。不過咁,今個星期日都應該是陪跑一族。

入圍3甲指數:10%
冠軍指數:0%



最後提提大家兩件事,第一:想投選你心目中的香港小姐,記住在星期日晚當3甲名單公佈後,立即登入tvb.com或透過手機程式TVB FUN投票啦!

第二:敝網址主辦的香港小姐12 Blogger’s Choice繼續接受評審登記,想參加就高速發一個電郵到mhkbloggerchoice@gmail.com啦,今晚7點就截止架啦!

8.23.2012

速報!世界小姐12 (結果公佈)

2012年度世界小姐競選在剛過去的星期六晚落幕,
116位佳麗雲集內蒙鄂爾多斯市的東勝體育館角逐寶座,
結果由賽前大熱之一,現年23歲、身高5呎10吋,
來自黑龍江的中國小姐于文霞奪冠,
亞季軍分別為威爾斯以及澳洲小姐!

剛完成大學課程的于文霞是繼07年的張梓琳後,
第二位擁有黃皮膚的佳麗登上寶世姐寶座,實在難得。

說回比賽,今年的賽制跟去年一樣,
在以下7個單項賽得分總和最高的30位佳麗先晉一級,
然後再公佈前15名及前7名。

單項賽包括:
評判面試
Top Model
Beach Beauty
才藝表演
Sports Women
Beauty with a Purpose
Multi Media Award

大會先公佈評判面試得分,
賽前大熱如中國小姐、墨西哥小姐、澳洲小姐、
威爾斯小姐、巴西小姐及牙買加小姐等都紛紛殺入前30名,
香港代表張曦雯亦得一席第18位,
而評判面試得分最高的是南蘇丹小姐!

接著大會公佈Top Model及Beach Beauty得主,
分別是南蘇丹小姐及威爾斯小姐,
香港代表張曦雯在此兩項單項賽亦有入圍前40名,
也得到若干分數,所以排名跳升至第12位!

緊接則公佈了的才藝表演得主是中國小姐、
Sports Women冠軍是瑞典小姐、
而Beauty with a Purpose及Multi Media Award均由印度小姐奪得首名!

香港代表張曦雯最後被擠出30名以外,但雖敗猶榮啦!

前30名包括:
哥倫比亞、丹麥、多明尼加、哥得洛普島、關島、
危地馬拉、以色列、哈薩克、尼泊爾、尼日利亞、
北愛爾蘭、巴拿馬、葡萄牙、波多黎各、瑞典、
美國、西班牙、荷蘭、墨西哥、肯雅、印尼、英國、
南蘇丹、牙買加、印度、巴西、中國、威爾斯及澳洲小姐!

大會隨即再公佈前15名及7名,
前15名:
南蘇丹、牙買加、印度、巴西、中國、威爾斯、澳洲、
美國、西班牙、荷蘭、墨西哥、肯雅、印尼及英國小姐。
前7名:
南蘇丹、牙買加、印度、巴西、中國、威爾斯及澳洲小姐。

接著是7強接受司儀訪問的環節,
而最後當然是由大會席莫莉夫人公佈冠亞季軍!

在下於17日中午飛抵鄂爾多斯市,隨即在佳麗們入住的酒店跟中國小姐于文霞、澳門小姐冼韻儀及中國小姐的National Director共晉午餐
接觸過中國小姐于文霞的人必定會給她的氣質及談吐所吸引
在酒店大堂碰上了澳洲小姐Jessica Kahawaty,其實我們在08年的國際小姐競選中已經認識,不經不覺已4年沒有見囉
比賽在晚上7時半開始,未夠7時我已到達會場呢
這就是新蓋的唐山體育館
觀眾席
我們一班National Directors被安排坐在貴賓席,位置就在評判的右後方
評判之一:07年世姐冠軍張梓琳。開騷前張梓琳被觀眾狂圍拍照,最後要勞煩莫莉夫人出手驅趕人群
開騷啦,第一part是116位佳麗以晚裝亮相,每人都有一個兩秒大頭shot
才藝表演5強,左起:中國/巴拿馬/牙買加/挪威/菲律賓小姐
張曦雯以國際中華小姐冠軍身份參賽,實在是港姐史上的一次“革命”,而她亦憑著自身條件(靠TVB真是死得)做出好成績
前30強
賽前大熱之一墨西哥小姐的分數曾一度排在首位,最後卻7名不入,難怪賽後其National Director Lupita Jones (91年環姐冠軍)會如此黑面
香港代表張曦雯在評判面試中以流俐英語及誠懇的態度打動評判,難怪分數那麼高呢
Top Model冠軍南蘇丹小姐
中國小姐于文霞貴為才藝單項賽冠軍得主當然要演唱其參賽歌曲“芦花”,其高音真是震裂耳膜呀
結果即將公佈.....
上屆冠軍,來自委內瑞拉的Ivian Sarcos為亞軍威爾斯小姐加冕
2012年世界小姐冠亞季軍,大家覺得結果如何?
加冕後眾佳麗紛紛衝到台前與前來打氣的家人或朋友say hi
大家是否覺得張曦雯這件大紅魚尾晚裝都幾靚呢?因為是私伙衫囉,唔關TVB個Karen Chan事架
一個月就咁就過去,很多佳麗在台上都顯得依依不捨,眼濕濕起來,當中包括加拿大小姐、澳門小姐冼韻怡及香港小姐張曦雯
澳門小姐冼韻怡的得分雖未曾打上過前30名,但在才藝及運動項目中都能殺入第二round,也對愛護及支持她的人有所交代
在慶功宴上香港代表張曦雯遇上張梓琳。據內幕消息透露,張梓琳在面試時給了張曦雯很高分數呢
Winnie,我們又孖住完成另一個旅程,好感動啊
喂呀,Kelly同Winnie,我地幾時去打個靚邊爐先
有人問:選美咁辛苦為咩呢?umm.. 睇下呢兩個女孩子,咁辛苦都笑得咁開心就知道當中的得著不是我們從表面所看到的啦

2012年世界小姐的精彩競選過程(西班牙文版本)已被上載到youtube,快手click來睇睇啦