6.26.2012

What's Wrong?!?!?!

尋晚在面書看到以下一張照片,
實在太爆鳥,所以馬上把它轉發,
而不消半句鐘已獲得數十個like!


哈哈,他的阿哥或細佬會否叫Ever Wong同Forever Wong呢?
其實應該改What's Wong囉,讀起上黎幾鬼鏗鏘呀!

幾年前在Fun生活寫過一篇關於港式騎呢洋名的貼文,
有興趣的話可以翻睇下,幾相當爆的,嘻嘻!

騎呢港式洋名面面觀

蔡齡齡 (1965 - 2012)

聽到你離開的消息實在很難過,
尤其知道是因為那可惡的抑鬱病!!

跟你有一面之緣,那是幾年前的事,
我們一班CR同事在又一城吃午飯,
剛巧你也在同一館子內出現並跟其中一人談了一會。

當你離開之後,我們都紛紛說起你的“細水長流”有多感人!

後來唱過“細水長流”的歌手很多,
但無一個能超越你的演譯,
那種揮之不去的苦澀味,只有你才可百份百的掌握得到!

這首經典,我們是永遠不會忘記的!

蔡齡齡,願你一路好走,無憂地過著往後的日子。。

6.19.2012

選美project 2012 partI - 世界小姐澳門代表公佈

終!於!可!以!公!佈!啦!


2012年度世界小姐澳門代表:冼韻儀(Winnie)!冼韻儀芳齡25歲,身高5呎6吋,現時是一位電視體育評述員及學生。她將會代表澳門前往內蒙的鄂爾多斯角逐世姐寶座,密切留意Fun生活全程直擊報導!

6.17.2012

速報!香港小姐12 partIV

繼續速報港姐消息!

16位港姐現正身在倫敦拍攝外景,
去到第3日的旅程,又有兩位佳麗被out!

賽制是大會先把佳麗們分成A/B兩組,
然後以自選泳裝亮相,經評判評審後,
輸的一方的其中兩位佳麗會被淘汰,
結果受男友浴照新聞纏身的鍾麗,
以及憑後補身份入圍的陳華鑫雙雙出局,
要立即執包袱返工,真陰功!

16位佳麗在進行淘汰賽前先來張大合照。一眼望晒,今屆啲身材麻麻地喎!不過還有近兩個月時間,快快努力修身啦
B組佳麗:左起 - 曾明俐、張名雅、林泳淘、湯洛雯、張鈞美、王舒銳、陳潔玲及李渼琦
鍾麗本身質素非常一般,就算無負面新聞都應該要out啦
陳華鑫以後補身份拉衫尾入圍,結果都是要走
噢賣吉,著住衫又唔覺林泳淘的下圍咁劇烈喎
原來張名雅的舅公是導演張堅庭,咁它日有機會再拍表姐你好嘢系列的話,張名雅可以做表姐喎,應該幾入型入格
大熱門之一陳潔玲以泳裝登場,嘩.. 真是好“平”如潮
另一熱門湯洛雯是日一臉倦容,幸好本身質素不俗,才不致遭受淘汰
鬼妹仔曾明俐身材均勻,算是較有睇頭的一位佳麗

6.14.2012

速報!香港小姐12 partIII

第40屆港姐競選雖然只開始了個多星期,
但因為新人事新作風新賽制的關係,
至今已有13位佳麗們遭受淘汰,
繼首輪被out的黃潤娜、謝謹蔓、湯珮姿、  
譚霞、黃穎君、李青融、簡淑兒、陳婉衡及張曉琳後,
上星期又out多4件,包括楊斯雅、
曾建怡、王潔心及梁靜怡!

其中來自港姐power house溫哥華的陳婉衡及梁靜怡,
縱使有不俗質素,但都無得留低,
反觀有幾位平凡過平反的佳麗卻擠身前16強,好抓頭喎,
其實班評判點選架呢下?!

有得留低的16位佳麗又咪開心住,雖然有得去倫敦拍外景,
但其中有兩位會中途被out,立即要執包袱返香港架。

好啦,立即睇睇16位佳麗身處倫敦的情況先!

16位佳麗在出發前與贊助商合照
咦,有新first class坐添喎
到啦!一到倫敦慌有得休息咩,當然把握時間立即開始拍攝!第一組港姐(左至右): 陳華鑫、黃心穎、朱千雪、鍾麗、岑杏賢、卞曉帆、譚曉榆、尤蔭蔭
第二組港姐(左至右): 林泳淘、陳潔玲、王舒銳、湯洛雯、張名雅、曾明俐、張鈞美、李渼琦
妖,又有陳百祥!

另外無線亦同時間發放了新一輯官方照,大家到目前為止有甚麼心水咁呢?

6.06.2012

速報!香港小姐12 partII

29位候選港姐先係前日誕生,
估唔到今日就已經要淘汰9個,
你都咪話唔殘忍!

今日的“淘汰大會”依然在娛樂新聞台及myTV直播,
被out走的佳麗還要對著鏡頭講感受,
真係好鬼陰功,難怪有幾位都忍唔住喊晒!

最後獲得進入第二round比賽的佳麗包括:

至於9位被淘汰的佳麗則是︰
1號黃潤娜 Nicki Wong  
2號謝謹蔓 Vivien Tse
9號湯珮姿 Kaylie Tong  
10號譚霞  Angie Tan
14號黃穎君 Burmie Wong
15號李青融 Levia Lee  
16號簡淑兒 Jessica Kan
18號陳婉衡 Alycia Chan
20號張曉琳 Nicole Cheung

過兩日又會再out走4個架啦,會係邊4個呢又?

速報!香港小姐12 partI
速報!港姐12面試實錄 - 號外

速報!港姐12面試實錄(I)

6.04.2012

速報!香港小姐12 partI

好啦好啦,各位選美迷要歸位啦,
第40屆香港小姐競選正式開鑼,
經過海外招募及兩輪本地面試之後,
29位候選佳麗(22位本地加7位海外)終於誕生!

今年因為是港姐40周年紀念,
無記除在賽制上大搞花臣外,連其餘配套都作出新嚐試,
例如昨日的記者會就實行在娛樂新聞台及myTV作現場直播,
真是懶係大陣仗咁喎!

咁今年參賽佳麗的質素又如何呢?
就呢次尚未正式包裝的情況下亮相,
質素尚算ok,起碼沒有騎呢怪獸類佳麗,
不過最可惜的是平均身高,好似係非常矮咁囉!

另外近年港姐競選突然成為了多倫多及溫哥華華裔小姐收集站,
無論當選或落選的要來香港再搏一舖,
就好似今年咁就共有4位前華裔小姐佳麗入圍。

好,立即睇睇今年29位候選佳麗的芳容及資料!

1號黃潤娜 Nicki Wong

曾在銀行工作,興趣之一是投資,唔知今次將自己投資在港姐競選上會唔會有回報呢?質素屬於好一般之流,樣貌十足那些乜乜天使物物天使咁,落選都應該有得做下藝員

2號謝謹蔓 Vivien Tse

面試時被稱為披肩劉曉慶。鄉音佳麗,岩岩來香港無咩朋友,所以希望籍參選認識多些朋友。咁good luck啦下!

3號楊斯雅 Cindy Yeung

大面陳法拉,曾在瑞典修讀酒店課程,是今年傳媒眼中的大熱。樣貌的確算唔錯,不過應該好矮。

4號朱千雪 Tracy Chu

來自溫哥華,擁有一副exotic look,幾熱情個隻。可惜身高所限,前景未許樂觀。

5號鍾麗 Kayley Chung

現年26歲,屬於最大年紀個批。職業是電子商務公司老闆喎,港女味極濃,應該是陪跑一族。

6號譚曉榆 Hilary Tam

來自多倫多,是一位氣候能源項目主任。譚更是2010年多倫多華裔小姐冠軍,今年一月曾來港參加國際中華小姐,可惜無功而回。今番再戰港姐,晉級應該有機,但要有獎在手就比較難講。

7號卞曉帆 Penelope Pin

以25歲之齡就能經營紅酒公司,又自創紅酒牌子,犀利!可能見客見得多,所以說話淡定有紋路,不過外形都係好.. 平凡。

8號張鈞美 Amy Cheung

來自紐約,中文麻麻,但睇catwalk及擺甫士表現應該食過少少夜粥。不過無用,我覺得佢好快會被out。

9號湯佩姿 Kaylie Tong

稅務諮詢助理一名,感覺好鬼靚妹,不過算幾順眼。三甲就無可能架啦,有望去到英國外景部份掛。

10號譚霞 Angie Tan

又是國內佳麗,有少許像亞姐黎淑賢,但一開口成個利智咁,佢個句“淫心寶貴既斤驗”真是笑死人。另外身材又成個水桶咁,要急急out啦。

11號王舒銳 Ivana Wong

樣貌斯文清秀,相當討好,表現又唔怯場,宅男應該好like。有機有機!


12號岑杏賢 Jennifer Shum

是一位臨床心理學家。喂,呢個我幾like喎暫時,樣貌有少少似郭錦欣(靚版)兼好似有5呎8吋高架。

13號陳華鑫 Gloria Chan

矮細大塊田 (聽講得5呎1吋),真是靚如李嘉欣都無用,講野又窒口窒舌咁,難怪是候補佳麗之一啦。

14號黃穎君 Burmie Wong

外表相當平庸,屬於望好多次都唔記得樣個隻。似做過主持咁款,落選都係可以直送去娛樂新聞台train做主播。

15號李青融 Levia Lee

表現非常緊張,緊張到面部肌肉抽搐咁。如果被人out,應該係會喪喊個批!


16號簡淑兒 Jessica Kan

去年美國大學畢業後到北京清華大學進修的高材生,但出場時又擰頭又擰髻,語氣又好唔討好,umm.. 執定包袱啦。

17號張名雅 Carat Cheung

2009年溫哥華華裔小姐亞軍,樣子算係比較突出的一群,致命傷係好似唔似走去似戴夢夢。

18號陳苑衡 Alycia Chan

溫哥華華裔小姐落選佳麗(2011年),有大胸泳兒之稱,我就覺得佢似98年港姐亞軍趙翠儀。說話有d朗誦feel,好好笑。

19號黃心穎 Jacqueline Wong

溫哥華長大,說話語氣令人舒服,但其他方面就乏善可陳。

20號張曉琳 Nicole Cheung

理工大學學生,擁有包包臉,我認為佢會係第一round被out的佳麗。

21號曾建怡 Elaine Tsang

模特兒及舞台工作者,又係典型乜乜天使物物天使樣,好悶囉個樣。


22號尤蔭蔭 Xaviera Yau

UCLA生物科畢業,唔記得樣都記得個名囉。


23號王潔心 Jennifer Wong

來自溫哥華,修讀環境保育學,非常愛笑的一位佳麗,應該可以留多一兩round。

24號林泳淘 Winto Lam

女子組合Lacee Lacey成員之一。大佬,咩組合呀?唔怪之得要再選港姐搏入娛樂圈啦。各方面都算平均,但我直覺佢會係是非佳麗。

25號陳潔玲 Christy Chan

傳媒眼中的大熱門,估唔到樣似女神陳妍希之外,連娘娘地的衣著品味都似埋。umm.. 我麻麻呢type。

26號梁靜怡 Jenny Leung

2010年溫哥華華裔小姐亞軍,愛跳拉丁舞。外表好平庸喎,咁都有亞軍?

27號李渼琦 Melaine McAndrew

繼02年左慧琪後另一標青混血佳麗。得19歲,來自澳洲,屬於索爆一族,不過廣東話咁差,實聽呆企響台上被曾志偉凌辱啦。

28號湯洛雯 Roxanne Tong

湯鎮業姪女,大學主修心理學,表現super淡定,屬今屆鐵膽,如無意外應該可以晉級至決賽掛。

29號曾明俐 Cynthia Chung

來自溫哥華,擁有一把長直髮,微微散發住一連結股鍾麗堤味道,呢個我都會買重。

29位佳麗中只有20位能晉身第二round比賽架咋,
其中9位將會在後日(星期三)的活動中被淘汰,好陰功囉!
娛樂新聞台及myTV直播都會同步直播淘汰實況,大家要留意啦~

如欲收睇昨日記者會片段,可按連結收睇!

速報!港姐12面試實錄 - 號外
速報!港姐12面試實錄(I)