7.29.2009

速報!環球小姐09 partI

環球小姐09就快開鑼啦,今年的主辦國是加勒比海小國巴哈馬,來自世界各地共84位佳麗將於今個周末,陸逐抵達其首府拿索的Atlantis Paradise Island!

本屆環姐的決賽日期鐵定為8月23日,換言之佳麗們將會參與近3個星期的活動。要應付頻繁的活動,靚衫當然一件也不能少,又民族服裝又晚裝又泳裝又causal衫,真是衫衫不盡!到目前的階段為止,相信各佳麗的戰衣已搞得八八九九了..

以日本小姐主辦大會為例,早前就特別舉行了記者會,展示本屆代表宮坂絵美里出戰環姐的民族服裝!這套民族服裝基本上是由傳統和服改良而成,設計極之大膽暴露之餘,更帶點SM feel。以這襲服裝登陸環姐舞台,屆時必定成焦點,引起哄動!

其實近年參加環姐的日本代表都是走偏鋒路線,永遠都是 “衫不驚人誓不休”,總之就要睇到你眼都凸埋!而負責度橋的正是環姐日本大會掌舵人Ines Ligron。這位年過半百的女士來自法蘭西,21歲就已經開設自己的美容院及spa,其後更慢慢染指時裝界。95年,Ines更成為IMG模特兒公司的亞太區主席,並駐守於香港。在任期間經她一手引入亞洲的超模包括有:Tyra Banks、Milla Jovovich及Liv Tyler等等。98年,環姐大會主席Donald Trump委任了Ines為環姐日本大會的national director。接手後她銳意改革,獲獎的佳麗不需要靚,但一定要有型格,因為她們均會被包裝成一個出得舞台行得天橋的超級模特兒!而參選服裝上更刻意偏離正軌,例如晚裝會配bra top或穿長boot。這種大無畏精神果然為日本小姐殺出一條血路,03年以來已經成就了一個環姐冠軍、一個亞軍、一個5強及一個前15強佳麗,成為亞洲區的power house。而獲獎的佳麗在卸任後大多也能化身出色的runway model或平面model,事業非常順利。亦因為越搞越出色,環姐日本大會現時已得到多個國際時裝品牌的贊助,所以每年的日本小姐都一箱箱靚衫搬去參選架!

03年的宮崎京,當年的鑽石bra top晚裝受到全球選美迷及時裝界人士激讚。宮崎京最後獲得第5名,成為88年以來最好成績的日本小姐 06年獲選亞軍的知花紅麗就是以這套極具創意的性感忍者裝奪得最佳民族服裝獎
當年的參選晚裝;知花紅麗現在是國內很受注目的模特兒,經常成為品牌代言人及雜誌封面女郎
07年的森理世成為日本48年來首位環姐冠軍,當年她身穿的這件參選晚裝是由Gucci贊助的
去年卸任時森理世竟穿了一套踢死兔,掀起談論話題
08年日本小姐美馬寬子挑選了D&G的晚裝作為戰衣
今年日本代表宮坂絵美里身穿民族服裝現身記招,全場嘩然
這套民族服裝也應該適合周秀娜喎
日本網民的評價就好壞參半,香港的網友又覺得如何呢?個人就認為有點為wow而wow
日本大會同時發放了宮坂絵美里的一些全新造型照
其實港姐行這條路得唔得呢

22 comments:

Anonymous said...

wow this year Miss Japan is so stunning and I find her kimono is very cool.

Agnes Tse said...

Shocking Pink吊帶襪褲, 中門大開, 又真係激左d喎....

以上日本小姐各晚裝, 風格似有遙遙向日本殿堂級服裝設計師Hanae Mori森英惠致敬之感.

Fun said...

Anonymous,
um.. I think facially speaking she is even better then the previous winners. let see if her stage performance is as mighty as her師姐 la!!

Agnes,
天下時裝(某程度)一大抄.. 如果森英惠仲未退休,唔知個法國婆會唔會請佢出手呢?!

Agnes Tse said...

Fun哥: (如果) 以森英惠個朵, 一定會.

Gigi said...

我本身都好鐘意日本小姐ge。

而日本環球小姐作為日本受注目的盛事,連首相都要親自接見啊!認真威水!09年的宮坂絵美里雖然個子不高,但勝在有型有格(可以喺Youtube睇到)。據聞佢喺參選日本環球小姐之前曾參加日本國際小姐選美,可惜排行第三,無緣代表日本喺國際小姐同埋世界小姐比賽。而今次佢終於吐氣揚眉啦!真係好期代佢的Final Night表現!其實據我所知,除了日本小姐有高人指點外,委內瑞拉同波多黎各小姐都有專人指導!所以同樣值得關注!

其實香港小姐可以走日本環球小姐的路線,只不過香港無Ines Ligron類似ge人材。而且香港人較保守,要香港小姐著依D衫去比賽,我想佢哋未必肯著。不過唔係無可能既,不過唔知奇蹟幾時出現...... 我覺得只要一日係TVB搞港姐選美,都應該無咩可能。港姐三甲一年比一年差,選出嚟嗰D絕到唔係Ines Ligron選出嚟嗰D款。我都唔識講啦.....唉.....

Gigi said...

依家港姐選美似藝人選舉,同埋選完唔會有for國際選美的training。而港姐本身都唔標榜當選會參加國際選美。

加上D記者咁抄作,D靚既香港女仔都唔會去選啦!一入選就踩到花容失色、面無血色!

Fun said...

講樣呢個宮坂絵美里就好一般啦,至於型格就真係可以執出黎既..

其實港姐都有d可以執下,例如高海寧,有高度有身材,行到呢條水架喎,只不過tvb唔會幫佢咁執者..

Kevin said...

幻想下今年選出黎個季軍超齡 or 証件有問題, 咁無記無辦法之下叫高海寧去選國際小姐laaaa....

無累旅子 said...

港姐唔會行呢條路架啦, 靠tvb聽執凹啦.

不過澳門小姐係咪可以稔稔呢下?!

Fun said...

kevin,
留番今晚發夢先好諗啦 :)

無累旅子,
係啦呵..呂蓉茵下星期要去選MTQI, 不如叫佢試下呢個approach啦..

Kevin said...

Fun, 不如你今年host個"網上港姐比賽2009".. 等我地呢班網民一齊做評判, 從體態/美貌/口才等評分.. 由十強 到五強 到三甲 + 最上鏡小姐..選出我地今屆心水港姐...:D

Fun said...

Kevin,
thatz a gd idea, let me think think :) so that should be called Miss HK the Blogger Choice!!

naruto said...

周季娜都比人鬧,何妨港姐

而家乜都有人投訴架,港男又投,連吉百利廣告都話教壞細路,真係死得

robocon said...

好羡慕日本咁重視選美....港姐今日形像之所以低落至此,又吸引不到高質素美女參加,除了毛記要負部分責任外,另外都多得傳媒唔少.例如2號之前都估唔到會有 "翻版許愿" 呢個朵囉, 現在參選真係少d勇氣低d EQ都唔得.

另外很可惜國際小姐不能在澳門舉辦,毛線去年真係攪得好好呢....

Fun said...

但話分兩頭..

以一個地區性選美(national pageant)黎講,港姐既publicity係好大,個d日本小姐係唔會有電視轉播、製作亦唔會咁大型etc.. 只恨香港傳媒對選美(及其他事) 做左好大既負面影響囉!

Gigi said...

其實好多嘢都係自己影衰自己。
D香港傳媒日唱夜唱D佳麗唔知點樣點樣,
但大部份都係假既。

D傳媒咁樣唱都係基於D人八卦,鐘意睇人點衰,依D負面新聞先會大行其道。依家成個香港娛樂圈都污煙漲氣。香港選美都不能倖免,真係淒涼,苦了一班佳麗啦!

真係好彩既係澳門小姐仲未受依D文化影響。
預祝呂蓉茵會係MTQI為澳門取得好成績啦!

外國的選美機構都係獨立組織辦既,唔同港姐咁,受無記影響。一個傳媒機構咩都搞,好似好唔合理。我覺得選美唔應該咁受傳媒影響。而我覺得依一點係好重要既,無記將港姐包裝到咁樣,同原本既選美目的已經背道而馳啦!無記快D交番個港姐選美出黎啦!

我曾經諗過如果香港有一個獨立組織辦選美,你話多好呢!係最早期既香港選美好似就係咁。不過依家似乎無咩可能。

唔......我都好贊成搞番個網上版既港姐選美,一來可以一吐晦氣,二來我總覺得我哋會比無記D評判公正得多!

Fun said...

如果連無記都唔搞港姐,應該無人會搞架啦,選美響hk黎講係夕陽工業, 唉..

獨立組織搞既話就一定會變蚊型選美,不過好處係d揀女仔既方向有得控制.. 但係喎,獨立組織又唔會夠財雄勢大搞grand個選美,唔grand又難搵sponsor,所以都係.. 難!

好.. 等我一於整返個港姐09網上版,又網民評分啦..

Gigi said...

我覺得真係好幸運澳門小姐選美會有你這個有選美常識的人做。我相信澳門小姐前景一定會好過香港小姐。

同意你所講︰
香港小姐選美就黎無得撈啦!病入膏肓.....

Anonymous said...

At thiѕ moment Ι am going to do my breakfast,
аfter having my bгeakfast coming yet agаin to read further nеwѕ.



Herе іѕ mу webpage :: Www.nordinv.com

Anonymous said...

What a data of un-ambiguitу and preserνenesѕ of
νaluable ехperience аbout unρrediсted
feelings.

Also vіsit my web site; potentiometers

Anonymous said...

Thanks fοr sharing such a fаstidious thought,
piece of wгiting is fаstіdiouѕ, thats
why i haνe read it fully

Stop bу my homepage - potentiometer

Anonymous said...

I've been surfing online more than 3 hours today, yet I never found any interesting article like yours. It is pretty worth enough for me. Personally, if all web owners and bloggers made good content as you did, the net will be a lot more useful than ever before.

Also visit my blog post; wire wound