7.13.2009

金草莓推介 - 殺人犯

殺人犯》證明了兩件事,一:一條出色trailer是何其重要;二:宣傳攻勢絕對能呃神騙鬼!

雖然看了套如屎般惡頂的戲,但本人一丁點後悔也沒有,因為我敢相信這部戲必會成為經典港產片,永留青史,千古傳頌,所以有幸自掏腰包買票入場,真是畢生銘感,阿彌陀佛!

在此,要真心恭喜導演周顯揚,處男作已能得大眾“認同”,成為全城熱話,實在令很多懷才不遇的導演恨得牙關打癢!另外,據說周導演更是《色‧戒》的助導兼資料搜集員,即是李安門生,理應不學多也學少啦吓嘛,怎麼會拍了一pat屎出來?!

好.. 就讓我試圖分析一下.. 可能.. 周導演是《南洋十大邪降》粉絲,拍一齣同類型的cult片是他畢生心願,可惜眼高手低,cult片拍成屎片,雖然頭2/3部局舖排得頗流暢,但臨尾竟然收唔到科,迫不得已由那位歹角一五一十將那個扭盡六壬,為出人意表而出人意表,兼狗屁不通的謎團,平鋪直敘的嘔Q晒出來!DLS!究竟周導演在電影上映前,有沒有由頭到尾看一次呢?作為正常人沒可能忍到笑架喎,就以我看的那一場為例,全院觀眾同聲爆笑,笑聲拍得住國產凌凌漆架。

投資這部戲的是安樂電影公司,揸旗人叫Bill Kong,是香港電影界的大人物,推動港產片一向不遺餘力。多年前因工作關係曾與江生有數面之緣,感覺他是個挺精明的長者,今勻因乜事會落搭出錢拍屎片呢,真的撲朔迷離如小甜甜加陳振聰。

呀.. 一味顧住周導演,差點忘記了男主角,金馬影帝郭富城添!近年一向以實力派男優行走江湖的郭天王,在戲中瞓身演出,為求做好角色,甚至乎幾日唔瞓,令眼球滿佈紅筋,但可惜其擠眉弄眼,呼天搶地的表現,實在接近零深度,ok叫人難受。憑此屎片再度角逐影帝的美夢,恐怕難圓,寄望金草莓吧啦!

最後,我祝願《殺人犯》票房衝破一千萬 (到今日為止已過五百萬),那麼電影公司就會開拍續集,好讓結尾的超級無敵極爛open end得以延續!

若閣下也想就《殺人犯》發表意見的話,不妨稍移玉步到面卜的『殺人犯回水區』留言,謝!

9 comments:

KennyT said...

LOL

Agnes艾麗絲謝 said...

編劇杜緻朗才是"色.戒"的資料搜集員. 此姝好眉好貌, 想不到寫出一套"江湖"和這套"殺人犯".

Fun said...

江湖、阿嫂、殺人犯簡直係屎片三寶!

杜緻朗同周顯揚係情侶,即係蛇鼠一窩啦..

聶秀康 said...

可能好片太貼近大眾期望也太正路,不如來個爛片王比較有noise...
我可能會為了看他如何爛而購票架!

阿ta said...

睇到你寫的第2段即刻想打電話叫朋友們改左個weekend plan去...改去游下水好過睇完想殺人犯回水。
不過又當我睇到你話個ending係爆笑位,咁又想去笑下喎...

ku said...

leafboat 演出簡直一流,殼王脫身後,換來一個豬肉佬,今宵一刻得兩斤....豬肉。

Anonymous said...

haha...
呢位編劇最近好紅,仲紅過導演同男主角
好奇google,發現最近幾年安樂d片都係呢位編劇寫....
有冇內幕...
呢位編劇係唔係好有後台

Agnes艾麗絲謝 said...

嘩, 阿嫂! 提起呢套戲真係大喊三十聲都唔止. 想當年我抱著支持一下港產片而入場, 勢估唔到一生花得最唔抵, 就係買左張戲飛睇"阿嫂".... 點可以爛成咁架!?

單眼仔 said...

This movie. Not a movie. Super bad!!