7.26.2009

速報!香港先生09 (結果公佈)

尋晚在家中搞了個香港先生09高清夜,
一班人we wa鬼邊睇邊叫邊食邊笑,好開心!

香港先生09結果跟預測差不多,
賽前被視為黑馬的7號許家傑,
先奪盛年組冠軍,然後再成為總冠軍,
他將會代表香港於9月份到首爾,
參加世界先生09競選!
許家傑現年25歲,身高5’11.5”,是一位審計員。
而少年組冠軍就由賽前大熱1號陳偉洪在零對手下勝出。

以下是12位參賽者的簡評:
1號陳偉洪 – 今屆票王,樣貌身材身高絕對是全場最掂,可惜輸在得18歲,一開口就暴露了弱點,女評判登時扣分。

2號鄭鴻明 – 樣貌其實ok,但無乜身材,頭髮被水一淋,更變了清裝,笑爆!加上係唔係都單眼放電,票數一直處於低位。

3號陳子仁 – 三個字:未.. 發.. 育!咁都可以進級只能嘆一句,少年組質素實在衰。

4號鄭智健 – 男人之家彈豎琴本來幾有睇頭,但其他方面又確實幾難令人投佢一票。

5號田學維 - 必殺技是一邊畫MJ一邊唱MJ (的歌),普通到離譜,識飛車甩尾飄移的應該去參加賽車。

6號鄭子揚 – 那排朱古力腹肌加hip-hop舞技都幫不了成副super MK look。

7號李家傑 – 我覺得佢好似有線的區永權!已有4年社交舞經驗的他,在必殺技中大跳拉丁舞,舞姿瀟洒流麗,再加上其他各方面都表現平均,所以唔聲唔聲成為本年冠軍。

8號李偉健 – 本身是一位健身教練,身型無疑最fit,但一穿起衣服馬上變得無頸,真是唔怕被人“吭”頸劏死牛!他跟6號一樣,感覺好MK,能夠入3甲,絕對是有賺。

9號林建邦 – 好長!身長、面長、手長、腳長,但無咩專長!必殺技又表現得論論盡盡,難怪第一次投票得慘不忍睹的.. 4大票。

10號吳雲甫 – 橫睇掂睇,齋計樣,他都是最靚的一個,在一屆咁弱雞的情況下連盛年組4強也不入,票數更低得驚人,真陰功。不過依尋晚睇,作為一個有相當幕前演出經驗的男生來說,表現又的確悶蛋,全程笑容欠奉,四肢崩緊,相信是飲恨出局的原因。

11號郭田葰 – 他正好體現了一個香港現象:港人愛騎呢!唔駛叻唔駛靚,總之夠騎呢就有市場!我估,那些評判投他一票是基於想繼續有得笑而已,並不是真心覺得他“好”!要不然怎會投一個唱歌走音、說話似八婆、身型似啤梨同個樣似醜版陳司翰x森森嗰仔的參賽者先?

12號呂庭鋒 – 副尊容真是.. 哇……………………………………………

一拍埋,陳偉洪真是好啲架
1號陳偉洪泳裝登場,相信電視機前有很多觀眾即是噴血
7號李家傑勝在“平均”
8號李偉健被水淋濕後點解唔撥下頭髮呀,搞到自己嗰咁惹笑
9號林建邦在必殺技環節中失手,差點整個人飛了落台
10號吳雲甫的落選令不少人大跌眼鏡
騎呢of the騎呢,11號郭田葰
濕了頭的12號呂庭鋒好樣了少少
今屆港生的泳褲太大條啦下嘛,好似阿婆底底
昨晚其中一個高潮是9位前港生赤膊登場,頓時將應屆參賽者比下去

13 comments:

robocon said...

港男泳褲認真失望,與其咁粗邊,不如改為貼身的stylish平腳泳褲,一樣可以好性感.

昨晚show算是沉悶,我d/l左之後用30-45mins便極速睇晒.醜版陳司翰的表演笑到我反艇,笑到好大聲,我家人以為我半夜比污糟野上身.

吳雲甫表演很求其,那件外套很肉酸,脫衫都太特登,整晚無乜表現..近鏡他的樣子其實幾老.我初頭以為佢win硬添.

至於整晚最肉酸的參賽者是海外佳麗 林建邦, 樣貌,身型,表演 都好肉酸, 多謝晒.

原來香港先生都要參加世界先生嗎? 其實都冇人care, 毛記也無謂side 呢d 錢....預多d budget 比港姐好過啦.

F.Y.I. TVB網頁MY TV上載了很多70s-80年代初港姐決賽.

阿寶 Francis said...

其實我都係mark 7號win , 真係樣樣都係剛剛都pass~(側田腔), 所以輕易地打低所有質素唔平均既參賽者.
只看最後決勝項目, 1號同8號既表現真係有點悶, 7號一打套拳真係即刻醒晒~! 我覺得抵佢win!

in btw, 逐個簡評一下~
1號陳山蔥+高皓正mix, actually, 我都like佢,好cute,好sunny, 但係講野真係好白痴囉.....
2號失業飛鴨...佢啲表現好求其...又勁失手, 想點先~? 唔係識得單眼, 就電到人架喎~!
3號縮水李連杰, 佢必殺技係好精彩, 拎到唔少票, 就算佢泳裝既低分...都無礙進級..
4號哨牙member, 樹琴ok, 但係選曲係咪太悶呢?? 我訓著咗呀....sorry, 佢身形比例有少少怪...but ok la......有咁既票數, 你都就係咁啦~! 你算好過上屆既招天佑啦~!
5號方飽潘瑋柏, 必殺技好悶..唱歌又唔好聽....唔明有咁既票數......
6號MK向佐, 向佐都已經好MK....佢係比向佐更MK.....你話啦....點buy 你先~? 如果今年評審團有2R你可能會多一兩票呢~
7號高版區永權, 穩定, 平均, 殺晒全場, 由頭帶到尾~總之抵win!
8號大隻王貽興, 其實真係有機會爭勝, 輸乜....輸唔知自己有咩好野show比人睇囉~! 擺親pose都唔見咗個下巴既?!
9號猩猩叫~, 比我既印象係一隻zoo入邊既猩猩...
10號 我由一開始已經唔覺得佢會win得到同可以拎到高票, 真係佢太playboy 格, 而家女仔唔多受呢一套, 同埋覺得佢太claim 自己係一個藝人, compare 前年袁偉豪, 佢更加放唔低身段, 所以抵輸~!
11號騎呢陳司翰, 印尼王子真係好x好笑....我都差啲要比多一分佢~
12號誠俊哥d fd, 泳裝環節all back 冇咁樣衰, 如果佢去整下容先會好多少少...

小奧 said...

印尼王子說話似八婆, exactly! 嚇死我!

Gigi said...

7號都唔錯。

當然只係講樣、講身材當然唔夠1號比,不過Calvin啲口材真係唔係好得,要practice下。

而7號在各方面都做得好好,好盡力,簡直係無可挑剔。

所以對於這個賽果,我已經好滿意!

派Jack去參加世界先生都OK,唔係好差。而佢的身高同樣貌都同外國果D都差唔多啦!當然有D外國參賽者有成190cm咁高!不過Jack都唔差,不過要practice健碩一D。

係呀!我覺得好奇怪,所以想問Fun一樣嘢。
就係你知唔知今年澳門會唔會選澳門先生?
我前幾日上阻世界先生的網站一看。發覺官方網站將澳門列入世界先生參選國家之列。

Fun said...

robocon,
可能無記費時有人投訴所以d泳褲咪咁多布囉.. 我去mytv.tvb睇左81&82年, 好開心,估唔到等左廿既年終於有得睇返!

阿寶,
總之今年d仔好唔掂..

小奧,
可能而家港女愛八婆型港仔..

Gigi,
咪咁老定, 一般去世界先生既都起碼過6呎架, 許家傑去到分分鐘係最矮架..

應該唔會有一個澳門先生選舉啦, 應該都會係由d modelling agency hand pick一個去之類..

費仕騰 said...

查實1號係勝在個attitude夠sincere, 唔作狀唔誇張fing頭fing髻果隻, 相信大部份人都會對佢有好感.....

咁睇show時, 你對9號有冇一份莫名既親切感呢?

wai said...

最失望係伍姑娘居然冇出現囉!

Artman said...

你記唔記得4號呢位疑似member在自我介紹最後一句話是"希望我的xxx在各位心目中永久居留". 都唔知係佢自己作定係寫稿員有心玩佢.

Gigi said...

唔......
你講得都有道理。
其實我都唔諗Jack係今年世界先生競選會有咩作為架啦......
我見以往參選世界先生通常都有180cm或以上。而Jack有181cm,都唔差ge啦!
07年冠軍好似有190cm。
07年世界先生競選黃長興係最矮嗰個,得177cm。

港姐參選世界小姐都係差唔多。港姐差唔多年年都係世姐最矮嗰D。除阻04年朱慧敏同05葉翠翠,依幾年都係派D全場最矮去。認真失禮。不過07張嘉兒卻不同,雖然依然係全場最矮,但係佢一舉奪得"Beauty With a Purpose"獎和進入十六強。Kayi雖然"樣子平凡",但勝在"內在完美"。

希望今年港姐TVB可以選D高ge做冠亞軍啦!派出去都一頭一面嘛!

naruto said...

12號好似蹈中兵團嘅角色,又有D爆粗band友變身後,好得呀!

Gigi said...

Fun。唔好意思喇。我又有嘢問你。
我想問今年國際小姐唔係喺澳門搞咩?
之前又話係澳門辦五年。
但係我今日睇新聞話會係成都搞ge?
搞到我都摸不著頭腦,準唔準架?
我諗你係局內人,會清楚D。

http://paper.wenweipo.com/2009/07/29/EN0907290002.htm

Fun said...

係呀,因為同日本大會喺某哋問題未能夠達成協意,所以澳門放棄咗主辦權..

Gigi said...

I see.......