5.12.2009

初夏獅城之旅(三)

五月三日 – 第三天

喜歡星加坡有幾個原因,其中一個是這裡有很大的活動空間!就以是日第一個目的地Dempsey Hill為例,在三/四十年前是英軍住宿及辦公地點,近兩年才被逐漸開發為城內的休閒熱點。Dempsey Hill內劃分了10多個block,每一個block都有不同特色的餐廳或店舖,例如:家品店、有機餐廳、韓國燒烤店、海鮮酒家、咖啡店、雜貨店等等。而在其中一間雜貨店Jones Grocer(來自澳洲)內不單擺滿琳瑯滿目,看得人眼花撩亂的(食)物品外,還有用餐地方。身處在一個三十多呎樓底的地方,被果占曲奇芝士蛋糕火腿麵條香檳包圍下吃一個brunch,是何等的振奮啊!

從Orchard Rd.打的去Dempsey Hill只需十多分鐘
每個block都被密林分隔著
店內情況;星期日,人人都想休閒地嘆個brunch,所以要有心理準備排隊等位
我們的背後是一排排高架,上面放滿果占、餅乾及醬汁
巨型麵+橄欖包櫃
這一個角落是賣烹飪書的
Sunday brunch,要開一瓶香檳才像樣;這裡一瓶VCP rose只售約港幣500元,很抵呢
Mixed green salad w/ tuna + jones French dressing + French beans + chat potatoes + cherry tomatoes + NZ poached eggs + jones hollandaise sauce (約港幣75元)
Pan seared filet w/ NZ poached eggs + jones hollandaise + sautéed bay spinach + carpers + micro herbs on ciabatta (約港幣95元)
brunch後甜品 - 4款鳥結糖
4款中以巧克力棉花鳥結糖(上)最好味
我的戰利品
這一幅合照是MM的老爸幫我們拍的。唔該世伯
Dempsy Hill內的韓國餐廳

嘆完brunch要把握時間濕少少平及會晤星加坡suen-mei-ologist Aston,所以又要去Orchard。一堆人陪我濕完平後又話要去food court坐低吃少許東西,不過我們的“少許”真是唔係人咁品!

Toast box - 左起:kaya牛油吐司;肉鬆練奶吐司;花生醬吐司;toast box最近其實在時代廣場也開了分店,日日排長龍呀
辣魚吐司
炒貴刁 – 跟香港風味的很不同,色水像乾炒牛河,亦比較濕,味道偏甜
When HK suen-mei-ologist meets SG suen-mei-ologist

接著的節目是去看魚尾獅!由於團友中有初到坡境者,所以要帶他去探一探星加坡地標。這條魚尾獅較早前曾經被雷兜頭劈,後腦即時開花,有說這一劈是替星加坡擋了一場大劫!魚尾獅在1964年由當時的Van Kleef水族館館長Fraser Brunner所設計,兩年後被旅遊局採用為國家的標誌。這條魚尾獅原本被放置於海濱橋邊的魚尾獅公園,2002年4月政府決定把它遷移到120米外的填海地段,以求更接近填海後的全新河口。

晚上來看魚尾獅是最佳時間

LT,第一次來看魚尾獅必定要做這個低能甫士架

魚尾獅的不遠處就是濱海藝術中心(Esplanade - Theatres on the Bay),內裡有1,600個座位的音樂廳,及有2000個座位的劇院。你說它的外型像不像榴槤呢?

星加坡的skyline也不錯呢

魚尾獅對岸是將於今年底落成的金沙賭場,據聞3棟大樓的天台都會被連接一起,成為宏偉的空中花園,相信必定能吸引很多遊客。唉.. 香港政府,好心搵新嘢搞下啦,當星加坡連環球片場都開張營業時,我們的旅遊業真是凍過水啦

做完遊客指定動作又夠鐘吃晚飯,這一餐由星加坡友人史提芬帶我們去吃魚頭米粉!前夜去fine dining今餐就去“踎”大排檔!大排檔叫“深記海鮮園”,位於Buona Vista地鐵站附近的一條公共屋村內,置身其中彷彿也變成街坊的一份子因為大部份食客都穿得像落樓下開飯的模樣。唉.. 很懷念我們香港的舊式大排檔呢..

薑蔥爆鹿肉 - 嫩滑無比,一點也不嚡口

芥蘭苗

玉子豆腐

酥炸雞件 - 無骨,啖啖肉

魚片炒米 - 魚片既爽且嫩,米粉也有魚香呢

魚湯米線 - 個人口味並不喜歡米線,但那一啖濃郁而充滿鮮味的魚湯才是精華所在

星加坡處處可見這樣的大排檔

這一餐被史提芬靜靜雞走了去埋單,所以不知道價錢.. 不過應該很經濟的

繼續食!晚飯後當然是甜品時間,史提芬介紹我們到Holland Village的小店“Mykii”。史提芬說他經常來,除了甜品出色外還因為這家小店亦有代理他公司的紅酒,所以周不時也會來視察一下。Mykii裝修很簡約,白色牆+籐椅,就如希臘小島上的任何一間小店。

入口

是否很有希臘小島情調呢?

甜品櫃 - 女士們可以像選首飾搬細心挑選心頭好

Chocolate brownie w/ caramel sauce

Green apple crumble w/ homemade vanilla ice cream

左上/下 - raspberry macaroon/green tea macaroon;右上/下 - chocolate tart/blackcurrant& chocolate mousse

這裡還提供多款怡神養氣的花茶 - 我跟MM同樣點了“Sleep Easy”

星期日晚,晚飯跟甜品都吃過,還可有甚麼餘慶節目呢?可以繼續去clubbing!無錯,星期日晚也可以去clubbing~ 這就是星加坡蒲友文化.. 這期星期日最hit基地叫ZIRCA,位於另一旅遊熱點Clarke Quay,原是Ministry of Sound,樓高兩層,超級無敵大,燈光音響DJ全都是國際級水準!Dragon-i?死開啦~~

入口有點像古舊的歌劇院

有甚麼priavte event呢下

黑色午夜.. 深不見底

燈光真是勁勁勁勁勁勁勁爆

除了DJ打歌還有專人用電腦控制燈光

DC/Fun/VK/IM

11 comments:

阿ta said...

低能甫士<---- 都忍唔住笑嘅,好唔PRO囖....
原來升加坡都可以幾好玩又幾靚喎,點解D人成日話升加玻好悶呢??

Fun said...

啲人嫌無嘢買囉 :)

Anonymous said...

Sorry Fun,
Your chin in the last photo reminds me of 吳君麗!

Anonymous said...

嘩,晨早流流返到公司,一開你個blog就睇到咁多野食相,啱啱食完早餐都覺肚餓呀。

Jun

阿寶 Francis said...

個架咁高....點拎啲果jam 呀.....???

嘩~!星期日都有得蒲~!?!?!? 我又要去~!!!
我要跳..............舞~!

Tat said...

記得多年前跟幾個女性朋友去星加坡,最開心係走個日,因為實在太悶。

但睇咗你呢個「初夏獅城之旅」,真係靚人靚景美食多。

Fun said...

jun,
咁你lunch嗰陣有無擦餐勁?:p

阿寶,
但星加坡啲club唔打夜之節拍架喎...

Tat,
哈哈.. 咁你應該俾多次機會星加坡啦!:)

Tat said...

你都唔知,個次之後,我經常掛在嘴邊:打死我都唔再去星加坡,所以睇完你呢個廣告雜誌,我會諗諗囉,不過真係等機會啦,

Leo said...

When HK suen-mei-ologist meets SG suen-mei-ologist

唔知點解諗起何婉盈樊亦敏

Fun said...

Tat,
送你四個字 - 事在人為! 哈哈..

Leo,
咁邊個係邊個先?

Leo said...

嗯,何星盈X樊港敏?