5.21.2009

速報!港姐09面試實錄

又一年..
新一屆港姐又開鑼啦!
舊年港姐競選可算是離奇的一年,
無記離奇地選了一個高妹當冠軍,
離奇地這個冠軍是一個史上最不負責任的港姐,
詐病納福,幾乎甚麼責任都沒有履行過,
真是要借用謎女皇的對白用一用:
張舒雅is the queen from the mystery palace!!!!
說回今年競選,無記已事先張揚只得10位參賽者,
作為一個擁有700萬人口的地方來說,
港姐已成為了一個蚊型選美會,好痛心囉!
好懷念那個還有準決賽的年代啊,
因為有好多黑馬冷馬都是準決賽過後才彈出架..
唉.. cut走兩個查實慳得幾多呢?
今年的港姐面試終於昨日正式展開,
無記邀請了前港姐謝寧、化妝師Rick Chin、
時裝設計師鄧達智等擔任評判,
他們要在第一論面試中挑選約60位進入複選,
然後再從中細挑8位精選,而另外兩個名額則會留給兩位海外佳麗。
至於今屆的質素如何,報紙又為她們起了甚麼朵呢,
一齊睇睇啦..

這位是參加過亞視女優的何潔儀;在隔離選過還想在這邊有運行?
嫩版朱咪咪;哇.. 這位師奶會不會是飲完茶然後去買餸途中經過面試現場而被誤認為參賽者呀?
粗腿版石詠莉 (Freeze成員)
報紙無幫她起朵,暫且稱她為深圳闊條面;不講樣,這身裝深圳髮廊妹打扮都夠死啦
迫爆徐淑敏;樣貌不俗,但胸部太誇。不如猜一猜她的breast,用了多少個缽仔糕才有這樣的效果
高貴版鄺文珣;這位女孩子算是面試中很正派的一位,進入複試應該ok
拉姑版Angela Baby;那麼她的男友會不會是四哥版William呢
加長版許愿;最搶眼是她的面油,印下先啦好心
波點心型姐姐;個look MK到呢
翻版謝婷婷;當年的王君馨被傳媒寫為熟女謝婷婷,最終得了3個獎。這位算是面試中最為省鏡的佳麗命運又會如何呢?
白版甄妮;哇... 鬼呀...................

11 comments:

Agnes Tse said...

唔知今年加冕會唔會攪下新鮮野? (好似奧斯卡由歷屆得獎者頒獎咁)斷估張小姐肯出黎加冕,都唔會夠膽講:"呢一年我肩負起香港小姐既重任,到世界各地宣揚香港精神etc..."

robocon said...

單看你post的相片,今年質素不容樂觀,不過得10個咁大把,斷估不會有騎呢佳麗出現. 唯寄望海外參賽者不會出現屎丸因,鄭慧精等極品佳厲出現.

我總覺得選美要有些較特別,"唔同美態" 的佳麗襯托吓才好睇. 例如ms. chinese internation我仍記得一睇便知來自大溪地的梅花, ms. international我仍記得聽障的巴西佳麗及熱情攪笑的ms. hawaii, 近年港姐得10個12個,真係少左這份趣味性.

p.s.:我突然覺得自己好後生,雖然我都30s歲人,但以上部分佳厲樣子真做得我亞姨 (若亞媽又誇張左少少)

robocon said...

剛看了星島,有個高版桂綸鎂及黑色晚裝佳麗都質素不俗,拍得住上面的翻版謝婷婷 (星島譯做翻版廖碧兒)

同埋佢話毛記未決定是否確定10位,要看質素及節目形式而定喎.

不是公主 said...

以上呢幾位都.. 好.....

朱朋 said...

最後o個個令我諗起本木雅弘...

naruto said...

作為選美fans見到D咁嘅貨色會唔會瞓唔著?

TT said...

同埋佢話毛記未決定是否確定10位,要看質素及節目形式而定喎. ------> 查實應該係10位架喇, 之後講既都係客套說話, 無記成日都係咁用說話包裝架啦, 正如佢年年都話海外招募左果d質素奇佳, 但最後亮相一睇..... 真係把X!!! 慳返d錢響香港加多兩個名額好過啦!!!

Anonymous said...

無記又搞選怪物比賽~認真奄悶...

miss p said...

佢地點睇都唔似未超齡...

阿寶 Francis said...

i like the last one ..............嘔......

Alan So said...

嫩版朱咪咪, 深圳闊條面, 白版甄妮........簡直就三甲啦!

港女選舉都係咁既質素........港男又會點呢???

整三件羅莽, 魯振順, 八兩金就襯都絕啦!!!