10.08.2007

喜宴

在下很喜歡熱鬧,頗熱衷現身各大中小型派對,不過當中也有一類“party”是甚為抗拒的,那就是.. 喜(婚)宴!抗拒原因可概括為..

1. 其實同新郎新娘都唔係好熟,有時更加只係識得是但一個。
2. 喺銀兩好短缺既情況下要俾5舊水,擺酒地方好啲既可能要俾8舊添。
3. 同啲三九唔識七既人坐埋一圍,起筷前仲要扮frd一齊嗌:飲杯。
4. 7成婚宴既食物都ok難食。
5. 開場一定係要睇男女雙方的童年照/相識過程。
6. 要忍受mcee啲難gag。
7. 行爆background music,i.e.齋播Forever Love Song Vol.1,2,3.....
8. 望住新娘/伴娘個一身慘不忍睹既打扮。
9. 要睇一對新人玩埋啲以為好好笑好絕核但其實一啲都唔好笑既遊戲。
10. 遇著啲發歌星夢但五音不全既新郎/新娘/嘉賓,當婚宴係紅館舞台。

由於以上原因,所以我都盡量少出席別人的婚宴,除非是好朋友/同事結婚吧。昨晚是舊同事Jan的嫁期(其實早於7月已在關島結婚,昨晚是補擺喜酒而已),婚宴設於馬會。我與Jan是同期加入CR的,部門不同但也曾經合作。Jan是一個聰敏爽朗的女孩子,做事認真處事隨心,所以很得同事/朋友愛戴,自她離職後雖不經常見面,但也經常MSN或偶有聚會,絕不是消聲匿跡那種。昨晚現身的CR同事大概有10多人,當中只有我還在效力,我們自己一圍檯玩晒,好高興。

最後謹祝Jan&James,Happily Ever After~~


Jan & James

一圍CR人 (除了後排左一/三四及右一)

ex 903 id club trio - Fun x Kate x Desiree

3 comments:

OGAKE said...

呢兩年可能係好年,我狂去飲,都唔知做乜~
仲試過同一晚兩單,喂~~使唔使個個鬥快結婚呀???去到窮晒呀~

阿Fun你張"Fun x Kate x Desiree"好cute呀~~~

艾麗絲謝 Agnes Tse said...

依家d婚宴一式一樣, 好悶. 就算我識得對新人都係咁話.

linus @ wbs said...

gosh, james was my client in my previous posting... scary small world~~ (ha, swell to know about someone's wedding this way...)