速報！香港小姐10 (結果公佈)
真係睇到一額汗！！
宣佈結果嗰一刻，胃都痛呀，
好彩最後嘅結果算係不幸中之大幸！
經過兩個多小時嘅角逐，
2010年度香港小姐競選結果如下：
冠軍：13號陳庭欣
亞軍：15號張秀文
季軍：5號莊思明
最上鏡小姐：9號李雪瑩
國際親善小姐：13號陳庭欣
4強：5號莊思明/9號李雪瑩/13號陳庭欣/15號張秀文
8強：3號張藝婷/4號文凱玲/5號莊思明/8號彭慧中/9號李雪瑩/10號馬均怡/13號陳庭欣/15號張秀文
今年嘅質數被譽為極之平均，
好多個都有機會跑出咁，
以為評判都會幾難揀下，
點知.. 完全唔難，因為佢哋揀晒啲原以為無乜機會嘅，
真係睇到我@#$%^%&(~^#！！！
睇完成晚，我覺得..
1號黃安琪 - 成晚嘅表現都好悶，zzzzzz..
2號張莉沙 - 個樣同身材都ok，但講嘢太作狀啦，同埋成日講到好似流口水咁！
3號張藝婷 - 真係好想問評判，呢個3號憑咩會入到8強架呢？？即係你話佢個樣唔掂，但談吐對答好嘅都話啫，答問題答到亂晒籠，又窒口，做咩事先？仲要第一個就嗌佢入圍，嚇到全場勁噓呀 (我屋企嗰5個觀眾)。
4號文凱玲 – 其實拍埋今年其他佳麗度，成件事好一般，嗰妝又怪，不過談吐算正常兼有少少內容，入到8強算係咁。
5號莊思明 - 一路都有貼佢入5強，但去到季軍呢個位都有啲意外。今晚表現有啲緊張，成日想笑與唔笑之間，嗰眼妝又化到有啲惡。不過身材、台型、catwalk同答問題都唔錯。好彩佢個達摩髮型去到8強先出咋，唔係分分鐘係咁先！話時話，呢個騎呢髮型搞到莊思明成個周啟邦嗰仔咁囉，暈sssss。
6號林碧珍 - 嚟到final嘅整體表現都係好forgettable，有場嘅朋友喺廣告時間嘅時候問：咦？6號係點樣架？！另外一開口講嘢都係要send去地獄嗰啲！
7號何樂翩 - 咩都bad：樣bad、身材bad、catwalk bad、唯獨是談吐攞返少少分，但補唔返啦。
8號彭慧中 - 今晚嗰look的確幾靚，絕對可以用索嚟形容。以狀態計，我哋全線貼佢係最上鏡小姐兼(最少)入4強，點知..
9號李雪瑩 - 查實佢答完問題之後，我哋已經“懷疑”佢有啲機突圍，但越突越出，突到立走最上鏡小姐兼入4強就真係估唔到！入4強都勉強可以話佢談吐唔錯，但最上鏡小姐呢？無其他選擇啦咩？真係好彩臨門一腳衰咗，唔係嗰震撼程度絕對拍得住07年嘅張嘉兒！真係有無搞交叉錯架？？
10號馬均怡 - 唉.. 衰咩呢實情？真係catwalk同台型係贏晒，對答都無事，係身材有少少唔啱比例囉，但喊住講嘢都好流俐喎，加分啦下嘛，因乜咁對佢喎？唉.. 又一個有國際選美材料嘅佳麗被遭撻，好陰功呀！
11號李文煊 - 係有啲跌watt，啲鄉音係有啲礙耳，但未致於衰得過3號、4號同9號掛？真係要擊鼓鳴冤呀大人！
12號湯寶珍 - 三個字：大把摑.. 講完！
13號陳庭欣 - 雖然係賽前大熱，但如果佢唔係有5呎7吋嘅話，我係一啲都唔會留意佢！好plain我覺得，只係勝在四平八穩唔出事。同埋去到4強嗰一刻，真係得佢一個可以勝任坐上寶座，咁係無選擇下嘅最好選擇，恭喜晒囉。
14號李俍嬿 - 一直都係我favorite，但我亦知道以佢咁“另類”嘅樣想有作為真係好難，除非啲評判都係同我一樣想法。結果.. 連8強都唔入，慘！其實佢嘅身材同catwalk skill係全場之冠架。
15號張秀文 - 以為佢頂盡都係季軍，點知最後竟然係一人之下添。今晚嘅表現的確係好喎，笑容甜美，兩個對答環節亦都盡顯口才，係塊面包咗少少。雖然有好過佢嘅佳麗，但都係嗰句，去到呢個4強組合，張秀文要入架啦。
左起 - 亞軍張秀文；冠軍陳庭欣；季軍莊思明；究竟最後係邊兩個去世界小姐同國際小姐呢？
冠軍陳庭欣，芳齡22歲、身高5呎7吋，係一位獵頭公司資料搜集員
亞軍張秀文，22歲、身高5呎5吋半，係一位大學生
季軍莊思明，23歲、身高5呎8吋半，係一位大學生
其實啲最上鏡小姐評判可唔可以同大家解釋下李雪瑩有邊一忽係photogenic呢
陳庭欣vs黃嘉麗，邊個四平八穩啲？
前4強
前8強
8號彭慧中打散啲頭髮真係幾sexy
其實9號李雪瑩唔單止樣唔ok，身材都要打大交叉，對腳又短又粗
唉.. 10號呀10號呀..
10號馬均怡身高5呎9吋，係今年最高嘅佳麗
11號李文煊一路俾人話係內定冠軍，點知.. 唔知佢自己失望啲定佢提名人張天愛失望啲呢
14號李俍嬿係07年溫哥華華裔小姐季軍，今勻再戰港姐連8強都唔入
09年嘅冠亞季軍：左起 - 李姿敏、劉倩婷、熊穎詩，真係3件晚裝都bad taste都無朋友，once again tks Karen Chan
決賽其中一個環節邀請咗15位師姐上台並接受應屆港姐獻花。呢張相係喺陳法蓉嘅微博“偷”返嚟嘅。後排左起 - 李嘉慧(96亞軍)、葉翠翠(05冠軍)、林麗薇(93亞軍)、朱凱婷(01季軍)、陳茵薇(06冠軍)、張嘉兒(07冠軍)、楊思崎(01冠軍)、梁小冰(90季軍)、羅錦如(85亞軍)、歐陽妙芝(97五強)；前排左起 - 李詩韻(03最上鏡小姐+才藝小姐)、陳法蓉(89冠軍)、曹敏莉(03冠軍)、王愛倫(85季軍)；一嘢望埋去，都唔駛細睇，都係陳法蓉贏晒
28 comments:
9號對腳....嘩，可以踢甲組...
上屆d晚裝真係嚇死人...李姿敏個套d"心口毛"想點? 劉倩婷個套就無啦啦加舊枱布，熊穎詩條裙既顏色好老...
劉倩婷 is cute but the other two..yuck! Miss Hong Kong getting uglier. Did you see the girls that won this year? Ugly too!
why are u so mean against #12 ria.. at least u could have said something better about her. someting more constructive! ><
陳庭欣大笑時(after she was crowned)"彭"牙肉好得人驚.
雖則皆麗各方面都要好、旦話sai都系選美会ma、容貌應該take up 大部分的point ba、冠亞季軍都好醜aw.
香港judges的審美眼光、吾明。
今屆真係好平均呀。。。
但我睇左頭兩part，幾鍾意8號；
10號我真係唔鍾意佢個鼻，似popeye女友，但我都以為佢會跑出；
11號我覺得靚過報紙，又以為佢有機；點知8強都無；
9號出嚟又係好過報紙，但無諗佢可以殺入4強
13號都似冠軍樣，唔怪得之壹週刋話你識冧人，佢先係內定啦；
14號又係原來都OK喎，點知又係8強都無
陳法蓉靚到, 好grand 好elegant....20年前同宜家好似零改變咁, 以琴晚呢個 look 黎計, 佢仲可以參選添...
賽果不過不失, 但對成晚製作幾失望.
兒歌環節: 個個著到跳到似台灣個瑤瑤咁..唉..
catwalk環節: 唔知janet ma 見到啲衫個心會點諗呢?
最失望既係選完八強咩都冇攪過就選四強, 根住又係冇做過d乜便選冠亞季. 咁係唔係林峰徐子珊出場前就大局已定? 那些八去四再選一二三係唔係多q 餘呢?
對 10 號不入三甲仍然耿耿於懷, 最難明佢邊忽差得過 李雪瑩? 但眼見10號很受現場觀眾看好, 算是有點安慰.
李小姐入四強及攞最上鏡, 其令我0咀程度不下於當年 張嘉兒攞冠軍.
哎...熊穎詩那件晚裝可能最深色看不到裡面details,已經是最順眼的一件.劉倩婷晚裝中間那舊白色梅菜, 仲要比世界小姐那件大舊!
港姐裡面有沒有人看到這個blog? 若有, 可否介紹karen chan睇吓呢?
註:我估名次在問答環節後大概已定定,之後都係攪吓氣氛,或等d 較高分佳麗出多次鏡咁解.
First thoughts, possibly more to follow...
3: really, top 8? That's one of the most what the f**k moments for me tonight.
5: She looked at least 35 with that bird nest of a hairstyle.
9: Brilliant in the interview. Photogenic? Uh-uh.
10. She lost because of the bump on her nose. When I saw her face shown in profile in "When MSHK meet MRHK," I thought that really subtracts points from her beauty.
11. Prettier Lo Ka Man. She should @ least be in top 8.
13. Hope she gets better as the year progresses.
14. Another WTF moment for me? She didn't even make it to top 8?
Karen Chan: she should be jailed by the fashion police.
世界小姐係10月尾舉行
咁冠軍選完9月華姐之後,
究竟趕唔趕到去參加世姐o架?
個李雪瑩其實幾似張佩金.
"Karen Chan: she should be jailed by the fashion police'...brilliant supports!!!!!!!!!!!
其實陳庭欣整個package有點像07年的李雪瑩, 當然陳小姐個樣甜少少.
不過一個在強敵當前攞冠軍, 一個even在參差質素的年份仍然八強不入.
講番起李雪瑩確有點像迷你版張佩金,而佢講野真的十分楊婉儀.
karen chan should hv been lifetime sentenced for damn long la!!!!!
今年真係同張嘉兒個屆有得FLIGHT..
都係「十萬個為什麼」
都係實力平均..結果一開始走晒啲大熱..
但嗰屆都起碼有個王君X
5號...真係個樣好衰，佢入八強，我已經覺得TTB比左面佢家姐..點知..其實..FUN和報紙話佢係熱門..就知佢有背景,,..相信佢可以成史上最醜港姐季軍...(個人覺得佢比張嘉兒更醜)..
15號...賽果最合理，估中佢入三甲..但高清下..佢的皮膚現晒型..
13號..UM..好平凡..但羸左..不過..當你見到四強..就冇得揀.
9號..一句講晒..一啲都唔上鏡..
8號...原本唔喜歡佢低同造作，不是心水三甲..但決賽當日表現突出...好靚..仲估有機入三甲..
11號..唔係差到入唔到八強..
10號...咁好都入唔到四強.佢同8號被淗汱之後..已經唔想睇..
咁講我又唔覺無線要俾面莊思敏喎！
我一路貼五號係因為我真心覺得佢ok，至於佢靚醜與否就見仁見智，好難拗，但我點都唔覺得佢係史上最醜嘅季軍，就呢十年嚟講，莊一定好過劉嘉慧，胡家惠同戚黛黛掛！
個人認為,陳庭欣四平八穩,冠軍合理!
亞軍張秀文我有唔覺有乜突出!
季軍莊思明個樣的確比起好多佳麗差緊截,不過談吐方面要讚,俾人感覺幾大方!
最上鏡小姐李雪塋係比之前省鏡,不過唔係最上鏡!
彭慧中吓眨眼要打個大交叉,幾靚都咁話!
李文煊冇理由唔入八強,不過d鄉音攪到佢有d亞姐feel!
馬均怡雖然有d生硬,但點都冇理由差過亞軍呱...
彭慧中放左把頭髮落黎,好靚,但唯一敗筆係佢d牙,但無論如何,最上鏡小姐都無理由係李雪塋
馬均怡件晚裝唔係任何一個佳麗都駕馭到,而且行catwalk好有氣勢有台型,有d似80年代環姐風範,我都貼佢入三甲,但今年評判似乎係靠佳麗的問答環節評分高下,而馬均怡係問答環節反映唔到佢談吐同智慧,要重申,佢係well-packaged同說話好有條理, 但問答環節比李思捷overshadow之餘,d問題本身質素係好差,咁就玩死馬均怡
未講完,我有d想為(5)莊思明平反~
自參選佢的表現係愈戰愈勇,決賽當晚的catwalk,儀態, 談吐係非常好+ well-packaged, 而問答環節絕對一流;礙於外型始終唔討香港人歡心,我都估佢拎第三,但講真,佢其實只係比TVB玩死,錯不在她,個髮型的100個大交差係比個hairdresser
P.S.你試下再睇下今期TVB周刊, 三甲佢真係最順眼實至名歸
我都覺得莊思明唔應該俾人批評得咁慘，樣貌佢其實都叫順眼(係有時影相有少少太多港女嘟咀，要戒下)，點都唔算樣衰豬扒嘛? 唔通而家香港靚女咁多，真係咁高水平所以連佢都叫醜?
而且我又唔明點解TVB要造馬，佢都已經參加左，即使你唔俾獎佢，咁又點? 最多莊思敏唔再上獎門人，唔係好大不了係嘛? 佢又唔係自己藝員
批評係可以，但有d人真係太過火
The hairstyle and wardrobe are really horrifying! Too low budget?
I think No13 is not too bad but a bit plain, No10 is my bet as she looks very stylish and sincere.
No8 should have bagged Miss Photogenic, she looks very pretty and sex that night.
No5, as Fun said, she looks fine all the way, just the hairstyle kills her, so poor!
No9, speechless, terrible figure!
FUN..我始終覺得5號莊思敏..明顯較其他季軍醜.另劉嘉慧、戚黛黛..我是有掂兩人入三甲..所以我覺得她們樣ok﹐尤其劉嘉慧.她談吐很好..真係各花入各眼..anyway..為公平見..若fun真的不認識莊氏一家.沒有感情分..也無言.
我覺得8號當表現真係好好..10都唔錯..
相信同張嘉兒那屆一樣..之前會見評判時...表現較好的佳麗.即使決賽表現一般.亦可獲勝. (因為張嘉兒當晚的分紙也被發現分數一般)﹐希望TVB可公開賽前INTERVIEW的片段，或增加決賽晚分數的比重，以示公平。
若以決賽晚各佳麗的表現..真係很難服眾。
棠
Aww, I'm so happie to see all the comments, so I'm not that bad afterall!! I'm #14 btw, hehee
OMG #14!!! hi hi!!
hello :)
Kitty,
Pls stay tune for our MHK10 Blogger's Choice result to he announced tonite la!
Fun
hmm.. what is it about?? and where can I find it?
hi Kitty, u can go Fun's blog home by clicking "FUN生活" in the header or simply go http://www.miho0311.blogspot.com/ to see the results (the latest 2 entries). Have fun!
Post a Comment