速報！香港小姐10 partI

2010年度的港姐競選終於開鑼啦！昨日本年度的15位候選佳麗，經過無線初步包裝後，齊齊以Vivienne Tam的春裝會晤新聞界！

其實今年自從第二輪面試之後，隔了成三個星期才開記招，印象中好像未試過。而在今個星期初，15位入選佳麗的名單已於網上流傳，在初試及複試中大出風頭的串嘴Barbie，竟然被踢出局，搞到一蘿網民we哇鬼叫，更有人大叫：Barbie唔入，我唔跟唔傾唔睇呀！嘩.. 直情當她是李嘉欣level..話時話，看了那麼多年港姐，都沒有甚麼實入或實唔入架啦，況且這個Barbie雖然尚算省鏡， 但質素又未至於一等一下嘛~ Anyway，唔入就是唔入，大家move on吧啦！

無線表示因為今屆佳麗質素有所提升，所以將名額加回15個，但以昨日記者會的照片來看，四隻字：未.. 許.. 樂.. 觀..

1號：黃安琪 Alice Wong/24歲/學生 - 海外佳麗，甫入圍被網友指勁似曹敏莉。樣貌、身高、身材都好一般，初部包裝後個look好.. 師奶
2號：張莉莎 Suyen Cheung/25歲/模特兒 - 前Jelly girls成員，五官非常之假，而氣質亦super邪牌，感覺有少少似08年的姚婷芝
3號：張藝婷 Janice Cheung/21歲/大學生 – 無線在複試時表示有3位高質素佳麗因未能趕及首輪面試，所以讓她們直入第2 round，其中一位就是張藝婷！吓，個quality真的好成咁？樣貌好man，對眼又分得好開喎，唯獨身高ok
4號：文凱玲 Connie Man/27歲/機艙服務員 – 被評笑容甜美，是傳媒眼中的熱門之一。原先也是我的best buy，但記招中的化妝好恐怖，陣exotic味無晒，加上身高原來好一般，又成27歲，所以.. 我對她有所保留
5號：莊思明 Lisa Chong/23歲/大學生 – 面試時好plain，感覺幾港女，但經過駁髮之後成個look好了很多，如果可以強化一下談吐，生機尚有
6號：林碧珍 Janice Lam/大學生 – 來自紐約，永遠笑住見人，非常pleasant的一位佳麗，但昨日個髮型又是好鬼師奶。林小姐今早被報紙登攬仔相喎，希望不會成為矛頭啦
7號：何樂翩 Krizia Ho/22歲/見習會計師 – 個鼻真是直得好離譜，幸好整體樣貌不算太假。包裝仍然keep住成熟大方look，但原來得22歲
8號：彭慧中 Phoebe Pang/21歲/大學生 – 隔離台港乜姐網主勁buy！樣貌是ok的，不過原來超矮喎，哎呀.. 唔得啦咁
9號：李雪瑩 Crystal Li/法律事務助理 – 海外佳麗，又矮又plain，陪跑指數高唱入雲。查實無線近幾年在海外都是搵埋這些貨色返來，真是算吧啦，嘥錢嘥時間
10號：馬鈞怡 Queenie Ma/24歲/銀行客戶經理 - 海外佳麗中質素最好的一個，曾參加溫哥華中華小姐。馬鈞怡最煞食的是身高，5呎8吋半應是全場之冠，再加一張頗具性格的臉孔，有望越戰越勇
11號：李文萱 Elle Lee/22歲/上海芭蕾舞蹈團計劃統籌 – 今屆焦點，張天愛提名、出身好、有學歷、有樣貌、有身高，難怪被說是內定冠軍！而在昨日記招中，李文萱所穿的服飾又的確寧舍唔同過人，無線點解釋先？經過包裝後，她不再似湯唯，反而似了日本毒后.. 酒井法子
12號：湯寶珍 Ria Tong/24歲/機艙服務員 – 質素屬中上的佳麗但未亮相已經被報吋話貪小便宜兼扮鬼妹滿口英文喎，看來她會是今屆的是非啄，good luck
13號：陳庭欣 Toby Chan/22歲/獵頭公司資料搜集員 – 唔靚唔醜唔高唔矮，暫時可列入陪跑行列
14號：李俍嬿 Kitty Li/25歲/幼兒中心導師 – 我鍾意李俍嬿喎，夠高夠exotic，有王君馨feel，傳媒對她也有正面評價，有得做有得做
15號：張秀文 Sammi Cheung/22歲/大學生 – 嘩，包裝後成個樣唔同晒，唔認得添，而家望落有點像羅寶文
15位佳麗大合照；各位網友的心水又是那幾位呢

15位候選佳麗將會馬不停蹄進行訓練及各種宣傳活動。而在下週一更會飛到印度拍攝外景，隨行的藝人包括馬國明、羅仲謙(!!!!!!!!) 及曾志偉。

速報！港姐面試實錄10