選美project 2010 partII

香港小姐又告一段落，
近兩日都不斷在各個媒體，
包括：blog、面書或微博上“捍衛”港姐，
幫她們說好話，真的很累呀！
雖然大部份“喱民”都仍然覺得港姐很“醜”，
但作為suen-mei-ologist，講了應講的說話，
做好了本份就是了，起碼過得自己嘛！

Btw，有份參加MHK2010 Blogger’s Choice的網友，
分數已差不多收齊啦，希望聽晚就可以公佈結果，
各位要密切留意啦！

講返個選美project先，
上次賣了關子，現在可以講下是甚麼一回事！

事情是咁的..
在臨離開舊公司的時候，
我是有把私人電郵留給那些國際選美組織的，
當時的心態是：話唔定佢哋第日會有嘢搵我呢！
點知.. 真的轉個頭就搵上門喎~

話說我在四川什邡當義工期間，
收到國際旅遊小姐主辦大會的電郵，
內容大致是：你的舊公司說今年不會派代表參賽，
但我們仍很想澳門能有一個代表，
不知你可否提名一位女孩子來呢？

嘩.. 我義不容辭啦下嘛！
但是搵邊個去好呢？
09澳姐之中，除了三甲外..
有3個箍了牙，另外那4個又要返學..
呀.. 心想08年的伍家怡(Cherry)應該ok，
結果一問，她就答應了，
而所簽的香港經濟理人公司亦十分支持，
所以我就有選美project做啦！

今年的國際旅遊小姐將於廣州舉行，
參選佳麗在9月4號前就要抵步，
所以計計下得返一個月唔夠，是時候積極準備啦！

去參加國際性選美，真是有一蘿嘢要預備。
先講衫.. 去成3個星期，日接夜夜接日，
又鬼咁多活動晚宴要去，所以準備充足的衣服是最大課題！

剛過去的星期日，
我就跟Cherry去了銅鑼灣一間時裝店挑一些便服，
不如大家幫下眼呢？

灰色百摺裙.. 衫身要改窄，長度也可修短一點
深藍色A字裙.. 呢件just fit，唔駛改
深綠色tank top.. 到時下身可襯一條黑色短褲或tight jeans
端莊短裙.. 襯黑色定啡色belt好呢

另外我亦為Cherry找到一家服裝店贊助她一件晚裝。以下是晚裝的設計草圖，款式雖定了，但顏色還未扑鎚。所以我特意用了三隻顏色塗在草圖上，讓各網友給與(善意)意見。那麼大家認為那一個顏色較適合Cherry穿呢？

天藍色
偏深的粉紅色
橙色

選美project 2010 partI