速報！香港小姐10 partVI

今日晏晝我在面卜的status寫了..
“啱啱收到啲港姐內幕消息，搞到我好緊張添”！
跟手就有好多留言問係咪知道邊個係內定冠軍，
卒之搞到連真正港姐都走出嚟留言：無啲咁嘅事架！

你哋諗多咗啦！！港姐係無內定架！！

事情係咁嘅.. 今朝同一個有份做今屆港姐嘅朋友MSN，
佢同分享咗一啲佢睇完綵排之後嘅意見啫，
例如：邊個狀態好、邊個有鬥心、邊個發緊夢、
邊個有禮貌、邊個身材好、邊個有口材咁啫..

我做過選美，睇過綵排真係幾乎知道邊啲得邊啲唔得，
咁樣當然係唔等於知道邊個係內定冠軍架！

嗱，仲有兩日唔夠就開騷啦，
希望各佳麗可以專心綵排，留心監製同導演講嘅嘢，
自己有邊範係唔夠好嘅，一有休息時間都要企埋一邊死練呀，
雖然已經見咗評判，但臨場表現好都有機會彈出架~

good luck la..

速報！香港小姐10 partV
速報！香港小姐10 partIV
速報！香港小姐10 partIII
速報！香港小姐10 partII
速報！香港小姐10 partI
速報！香港小姐面試實錄10