MHK10 Blogger’s Choice (結果公佈partI)

蕭亮 (VO)：2010年度香港小姐競選Blogger’s Choice總決賽，現在開始..

蕭亮(VO) ：大會司儀，何守信.. 鍾景輝..

何：各位嘉賓，各位網友，由《Fun生活》主辦、《港乜姐》協辦，2010年度香港小姐競選Blogger’s Choice總決賽，現正式開始！

鍾：何B呀，一年時間真係過得好快，眨吓眼香港小姐競選Blogger’s Choice已嚟到第二屆啦喎！

何：係呀King Sir，今年嘅反應比舊年更加熱烈添，報名參加民選網上評判團嘅人數可以講係超出預期，而大會亦因為想坦謝大家一路都咁支持呢個選舉，所以決定全部有份報名嘅網友都可以做評判，人數係高達16位咁多..

鍾：咁真係陣用鼎盛喎.. 而除咗民選評判團，我哋當然同舊年一樣係有指定評判團啦，不如介紹下呢8大評判先呢..

何：第一位係為人非常鎮定，就算當年喺現場目擊張嘉兒當選都只係係咁易嗌兩聲嘅無累旅子！

鍾：第二位係現定居美國明尼蘇達州Rochester，Miss Hong Kong Gallery嘅網主Ennis Bergman！

何：第三位係我嘅同鄉，嚟自加拿大多倫多嘅Rana Lee，而佢亦係Miss HK Beauty嘅網主！

鍾：第四位係嚟自美國夏威夷，Johnny’s Pageant Page嘅網主Johnny Auyeung！

何：第五位都係嚟自美國嘅評判喎，佢係現居西雅圖，Chinese Pageant Page嘅Pan Wu！

鍾：第六位係依然好堅持97年落選港姐5號梁婉儀係應該入決賽，同埋今次Blogger’s Choice協辦單位《港乜姐》網主.. TT！

何：第七位係2008年度澳門小姐季軍，而亦會喺稍後時間去參加《國際旅遊小姐》嘅伍家怡小姐！

鍾：最後一位當然就係曾經投身選美界，但好無奈咁要被迫離開，《Fun生活》嘅網主.. Fun！

何：24位評判喺根據15位候選佳麗嘅樣貌、身段、談吐、台型/catwalk skill4個項目去評分，每個項目嘅最高分數係99分，而最低就係50分..

鍾：而每個評分項目中最高同最低嘅分數會被撇除，餘下分數嘅總平均數就係嗰一個項目嘅分數啦..

何：另外同舊年一樣，大會除冠亞季軍外，仲設有4個單項獎，分別係最上鏡小姐、國際親善小姐、最佳泳裝演繹獎同埋最佳變臉大獎。呢4個獎項都係由24位評判以一人一票方式投選出嚟嘅！

鍾：何B呀，我知道今年宣佈嘅方式會有啲特別喎..

何：無錯.. 我哋今晚係會首先公佈前8強嘅名單，到咗聽晚先會宣佈冠亞季軍同其他獎項嘅得主！

鍾：咁不如我哋馬上宣佈前8強嘅名單先啦好無.. 何B，你嚟先啦好嗎？

何：好.. 第一位能夠進入前8名嘅佳麗係..

何：係.. 14號李俍嬿小姐！


鍾：第二位係.. 跟住14號嘅當然係15號張秀文小姐！


何：兩位都係大冧巴嘅佳麗喎.. 咁跟住呢位係大冧巴定細冧巴呢？咦，係細冧巴喎，第三位入圍嘅係5號莊思明小姐！


鍾：第四位入圍嘅係邊位呢？佢係.. 11號李文煊小姐！


何：仲有一半.. 第五位入圍嘅係13號陳庭欣小姐！


鍾：我好緊張呀何B.. 第六位啦.. 第六位係8號彭慧中小姐！


何： 得返兩個名額啦咋.. 台上仲有9位佳麗.. 第七位入圍嘅係.. 10號馬均怡小姐！


鍾：最後一個位置啦，大家有咩心水呀？2010年度香港小姐競選Blogger’s Choice，最後一位入選8強嘅佳麗係.. 9號李雪瑩小姐！恭喜晒以上8位佳麗..


何：好啦，我哋今晚先休息一晚，各位網友聽晚同樣時間記住收睇2010年度香港小姐競選Blogger’s Choice partII啦！

鍾：聽晚見！！