速報！環球小姐10 partVII
本年度的環姐預賽經已在日前舉行，
83位佳麗先後以指定泳裝及自選晚裝亮相。
大會評判及環姐大會主帥Donald Trump，
將從中揀出9位及6位佳麗進入Top15！
睇開環姐的粉絲都知道，
從來要預測Top15都不能太早，
因為一日未到預賽都未見真章！
以下是本人睇完預賽後的心水..
巴西小姐 - 台型十足，表現亦有大將之風，但衰樣兒有點老態
哥倫比亞小姐 - 老實講，她那件晚裝及老套髮型真是好令人失望，好outdated呀！幸好泳裝項目仍keep到super model look！如果哥姐最後真能進Top10的話，記住換過件晚裝啦
多明尼加小姐 - 其實我唔多ok她，但睇完預賽又覺得要擺她落Top15，因為無論身材、走台同晚裝之選都算中上level
法國小姐 - 一直都以高貴大方得體形象示人，但預賽中表現一般，行得好鬼急，同音樂好唔夾，另外還有點老態。祝她好運啦
加納小姐 - 如果非洲國家只有一位可進級的話，我選加納小姐！個look好sweet，身材、走台技巧也不俗，但絕對不是入硬型，這要看評判口味了
海地小姐 - 已21年沒有參加環姐的海地小姐，今年捲土重來即派出一位質素相當高的佳麗。樣貌雖然不是很標準美女那種，但勝在exotic，身材好、件晚裝又夠殺，我買重呀
愛爾蘭小姐 - 都是走super model路線，樣又cool，嘴又成日嘟起。泳裝表現很好，但件晚裝比較普通，加上師奶髮型，應該失分不少
日本小姐 - 成個look都擺明是抄07年環姐冠軍森理世，但水準當然爭好遠。不過今年亞洲佳麗水準不高，這位代表都可以入下
墨西哥小姐 - 在我來說，墨西哥小姐的case跟多明尼加小姐一樣
挪威小姐 - 齋睇相，挪威小姐一路都好唔起眼，直至在youtube看到她一條訪問片段後，發覺她很telegenic，又操流俐英語，印象分大增。再加上晚裝預賽中的希臘女神look，我會把她膽拖海地小姐
秘魯小姐 - 南美佳麗中除了哥倫比亞小姐，我最喜歡秘魯小姐，尤其是她那副頗有性格的臉孔。不過那件晚裝我好麻麻，唔知評判墊諗呢
菲律賓小姐 - 菲律賓所派出的佳麗一般都不會好差，但上一次入圍已經是99年。那麼這位樣貌ok，但其他各方面表現都above average的代表能否再殺入Top15呢
俄羅斯小姐 - 貌似超模Hilary Rhoda的俄羅斯小姐，一直都是傳媒及選美粉絲眼中的頂頭大熱，預賽表現雖跟她的熱度不成正比，但也算不錯，入Top15應該.. ok掛
西班牙小姐 - 我覺得她靚喎，不過有網民就覺得好一般！預賽表現都是屬於好個批，會唔會都入到下呢呵
美國小姐 - 跟另一選美戰友傾開，我們同時發現今年美國小姐的曝光率奇低，乜解求呢？預賽中的整體表現都唔錯，而作為“美國”小姐都一定入Top15架啦，努力啦
阿根廷小姐 - 識佢都係咁話，成個預賽表現都超悶。第二次參加國際性選美架啦喎
澳洲小姐 - 鄰家女孩過頭
加拿大小姐 - 身高6呎1吋，台型是有的，但個樣好老又男人
中國小姐 - 這件是晚裝？？？？？點呀……………. 淘寶都應該有好多靚過呢件架喎
印度小姐 - 又老又乾，近幾年印度小姐個勢好似無晒
牙買加小姐 - 曾經是07年世姐的“沙灘美人”亞軍，但對大髀粗到，件晚裝又娘
韓國小姐 - 雖然在去年的世姐中能打入Top15，但一來到環姐仍毫無優勢，應該同本身質地有關
馬來西亞小姐 - 件晚裝本身已經唔掂，再加上這個尷尬長度，double唔掂
紐西蘭小姐 - 本年最overhyped佳麗
波多黎各小姐 - 好喜歡這件喪閃銀色晚裝，但個出前一丁髮型好煞風景
星加坡小姐 - 表現好過個多多多多多聲
斯洛伐克小姐 - 本來好like她，而家可以打入冷宮
瑞典小姐 - 咦，件晚裝是在旺角金都買的嗎？
泰國小姐 - ok了好多喎，終於由soi3 level變了Banyan Tree level，預賽表現都ok架
千里達小姐 - 以為她行知性另類路線可以殺出一條血路，點知.. 件晚裝is just so bad，還要襯一對好cheap的高跟鞋，大交叉啦
委內瑞拉小姐 - 今年委姐的wardrobe好出事，全部都是90年代vintage乎？真是.. 入Top15都好“抆”喎
7 comments:
中國小姐件晚裝造民族服裝仲arm D.
馬來西亞小姐件晚裝造漏左幾寸la!
I still think美國小姐会去Top 5、連 top 2 都有可能。
WTF for miss china! What a shame!
Just from the pictures you posted, I like Haiti, Ireland and Japan, so pretty!
Can we HK audiences watch the program?
對我最喜愛既2 位歐州佳麗 slovak rep & sweden 好失望!
Miss Slovak Rep 個樣都keep 住唔出事, 但件 gown 真係唔得呀, 佢把頭髮金成咁, 就一定唔可以配呢隻綠色, 完全唔match 架, 揀就要揀d 鮮紅或絴藍gown!
Sweden 一選出黎果陣, 係令網民wow 架, 但佢到左LV, 一直係咁跌, 睇得出佢唔係hea, interview video 比好多歐州佳麗答得有紋有路, 但prelim 表現同件gown 都唔合格呀….如果佢地兩個入到, 真係純粹靠樣
另外, 同意venezuela有少少危, 佢既表現係班latinas 當中其實五強不入, 髮型又唔好睇
至於france 都係危架, 我估佢最致命會係interview, 就咁睇佢係official interview video 答下唔想答既態度已經係big cross, 好記得佢make all sounds 之後好唔耐煩, 完全唔笑咁答句”that's all”,,,睇下佢會唔會見prelim judges 好d 啦
好緊張..聽日就係啦….
中國小姐 > 無言
俄羅斯小姐好靚呀！
Fun, 澳門小姐會唔會去環姐架？
WOW Miss mexico won!!!
都貼得幾準喎，委內瑞拉真大鑊，15強不入，美國又係，不過睇質素，又真係冇乜點錯。
其實我覺得去到五強，澳洲小姐的Final question的答案是最強的，可惜樣貌真係學你話齋，太鄰家女孩了，輸蝕晒，Mexico又答得OOKK，平平均均揀佢冠軍都應該冇錯...Jamaica個答案咁「有神論」都有保住第二都算係咁。
泰國連攞兩獎，好明顯又係d當地網民夠積極...
Post a Comment