8.23.2009

速報!香港小姐09 (結果公佈)

由面試到決賽,
經過足足3個月,
香港小姐2009終於在昨晚誕生,
結果由芳齡23歲,身高5’3.5”,
現職証券分析員的4號劉倩婷奪冠!
亞軍是半冷門10號李姿敏,
季軍則是賽前頂頭大熱8號熊穎詩。

先講昨晚的製作,
好明顯無記大減budget,
沒有以往的華麗佈景或重重機關,
只得一個巨型后冠及以LED屏幕製造視覺效果,
作為年度招牌大騷,認真慳水至極!
唉~~

至於10位佳麗的表現也是強差人意,
雖然容貌跟身材有了很大改善,
但台上表現卻欠自然,有幾位簡直騰晒雞,
辛苦晒..

1號曾曦寧 – 今屆之“伯母”,無樣無身材 (唔知點解泳裝會有33分) 無儀態無台型,講嘢又克人憎,我覺得她應該是包底佳麗

2號林潔瑜 – 可能因為現場實在太多“粉絲”,所以個心“雄咗”,當正自己是一個靚女般去表現,錯晒!如果林小姐能夠表現得像自己的文筆,內歛得來有態度,整體感覺會好一點

3號鄭寶源 – 好平庸,陪跑格,全晚最敗筆是那件像內衣的白色泳裝

4號劉倩婷 – 論樣她的確是今屆最靚的,談吐亦算大方得體,但身高真是no eye see!現在她成為了港姐史上第3最矮的冠軍,僅次於76年的林良蕙 (5’2.75”)及85年的謝寧 (5’3”).. 唉,劉倩婷如無意外應該會好順利地去南非參加世界小姐

5號馬詠恩 – 昨晚的騰雞no.1,未擺定end pose兼望定鏡頭已急急腳行開,答問題又窒晒,晒咗!雖然如此,我依然認為她的泳裝分數不應如此低

6號黃嘉麗 – umm.. 只能說是一位好悶的佳麗,四平八穩,唔靚唔醜、唔高唔矮!得了國際親善小姐後真是以為她會再下一城架,好彩

7號鍾溥敏 – 純以身材看,我認為鍾溥敏是全場之冠,有前有後有長腿,打散頭髮樣貌ok過平時添,可惜一答問題立即衰晒,好似聽不到司儀問題咁,司儀有司儀問,佢有佢自己答

8號熊穎詩 – 失望,雖然表現還差一點點,但整體表現應該仍可稱冠。我尤其喜歡她的聲線及說話時的語調,不慍不火,又沒有怪聲怪氣懶嬌嗲,很舒服

9號袁嘉敏 – 看她在問答環節就知她是典型牙尖嘴利港女,得勢不堯人,到point還要死chur,即刻好MK,扣分。不過昨晚的確幾sharp,娘味退減了一點,得最上鏡小姐很合理

10號李姿敏 – 去到第3個環節已覺得她有啲嘢,因為各方面都有不俗的表現,其中對答環節最出色。結果爆冷得亞軍,若果跟8號對調位置會更合理。李姿敏應該會代表香港參加11月份的國際小姐競選。話時話,我覺得李姿敏有少少似班班 (森森’s班班)

2號林潔瑜的自選泳裝得29分,排尾二
3號鄭寶源的彷如內衣的白色泳裝應該包尾啦
4號劉倩婷的這件泳裝的中間設計雖可令腰支看上去比較纖有幼,但亦將她矮小的身型扯得更短
5號馬詠恩跟8號熊穎詩的泳裝款式很相近,高下立見
要外表斯文的6號黃嘉麗騷首弄姿,感覺很格格不入
以三點式亮相的8號熊穎詩很有超模風範
9號袁嘉敏說一件頭可凸顯港姐的貴氣喎.. 得啦得啦,唔駛講幾次啦
10號李姿敏的泳裝特別是特別已,但太不倫不類啦
去年國際親善小姐得主陳倩揚頒獎與今屆得主6號黃嘉麗;哇.. 陳倩揚的扮vintage晚裝真是有無得再醜啲
去年冠軍張舒雅被飛起,大會請來有最美麗港姐之稱的77年港姐冠軍朱玲玲,以慧妍雅集永遠榮譽會長身份畏本屆港姐加冕
港姐歷史成的一刻,應屆冠軍並非由上屆冠軍加冕
港姐09三甲,左起 – 季軍熊穎詩/冠軍劉倩婷/亞軍李姿敏
88年港姐兼首屆國際華裔小姐冠軍,李嘉欣絕對是港姐史上另一代表人物

各位網友,請密切留意MHK09 Blogger’s Choice將於星期二公布!

18 comments:

Anonymous said...

睇左咁多年 Miss HK, 終於今年係估中晒.. 哈哈!!!

robocon said...

舞台真係好簡單也令我好失望,與其係咁,不如下年唔駛在紅館攪啦,簡直浪費晒紅館宏大的空間.

ah fun你覺得今年毛記安排的服裝怎樣?我覺得比前兩年都要好, 係套輕便裙參差左少少.

昨晚和亞媽一齊睇,在自選泳裝佢邊睇邊鬧班女仔著得咁少布不如唔好著囉...只是9號10號出場佢冇出聲.

和你一樣,昨晚我真係好驚黃嘉麗跑出, 她不是醜, 但確很平庸, 樣貌也不適合化舞台濃妝.

李姿敏入三甲我也沒有異議, 她出外參加世姐也好 國際小姐也好...麻煩她先努力修身.

Anonymous said...

我都贴中咗4號,好開心,但就可惜5號馬詠恩临場失准.......泳衣答问题嗰PART,佢驚青過頭,側面對住司儀,都冇咩點望过鏡頭.


by-檸檬茶

阿寶 Francis said...

我都好唔開心....點解8號拎唔到更高既名次......唉....!不過, 4號攞冠軍都好過6號囉~! 10號彈出由第一part套泳裝, 已經有啲野....佢好聰明..嗰兩邊蝙蝠袖遮左佢條肥腰~! 所以佢都竟然有高分!! 我又唔覺得5號件泳衣唔靚, 唯一敗筆係對鬆糕鞋..! 但都冇理由係得28分囉~! 只少都30啦~! 我唔係好明個評分準則啦,well~!
9號講野真係好粗魯囉.........汗晒...

馬高 said...

製作唔止慳皮,仲好混亂tim!D佳麗企到亂嗮,camera又抓唔到D佳麗擺pose嗰一刻。同埋好似每次問2,3個佳麗都要去廣告,但係又有一段瘋狂underrun。

環節,髮型同服裝回歸傳統,宮廷裝,泳裝,cocktail dress,sports wear,晚裝,旗袍都幾靚。好過之前又recycled materials又膠又熒光。可能費事今年醜人多8怪。

#1太港女,又假又造作,根本毫無希望。

#2全晚表現無論談吐同body language最有信心,可惜輸在起跑點。其實total package來看,我可以接受季軍。(當年都有簡佩堅)可惜TVB唔想俾人笑。覺得她或者#8應該有親善獎。

#3其實ok,但係表現冇信心,毫無大將之風。

#4三甲沒問題,以爲是季軍。贏在淡定。樣其實好似好多人。

#5超級失望。笑容牽強,氣質0靚妹。呢行應該冇咩前途,除非行0靚模路線。

#6秘書樣,談吐又悶,平庸得不得了。竟然有兩個獎得歸咎於今年質素/氣質太差。有一點女鬼feel。

#7hardware software都唔得。身材OK但略肥,牙唔齊乃犯超級大忌。談吐流露po友氣質,又懶音,擺到明冇內涵。

#8冇冠軍真唔抵。我覺得大家get唔到佢"maybe he needs a new hobby"嘅答案。其實佢答得好好,又show到英文。唔係最靚,但一定係最有氣質,最presentable,最unique嘅一個。

#9本來以爲有第二,冇三甲可能因爲太似黎淑賢。相比起一班冇頭腦嘅0靚妹,佢的確談吐比較獨立成熟,但是也有一點寸。

#10表現好,樣唔太差,入三甲可以接受,但我prefer#9。

本來事前估計#2有Ms International Goodwill,#8有Ms Photogenic & 冠軍,然後第二第三係4, 5, 9之爭。

看了比賽覺得#2有Ms International Goodwill,#8有Ms Photogenic & 冠軍,然後第二第三係4&9之爭。

馬高 said...

#8著上泳衣似超模

#5著上泳衣似0靚模

冇得比

wai said...

哈,唔係馬後炮,我之前喺"速報!香港小姐09 partVI"已經睇好4號.
亞軍李姿敏外表平平,但臨場表現真係唔錯,抵讚!
季軍熊穎詩成晚都好靚,唔入三甲冇天理啦!
最上鏡小姐袁嘉敏當晚唔再C9,但我唔LIKE佢太亞姐FEEL!
國際親善小姐黃嘉麗普通到唔普通囉!
5號馬詠恩,我之前一直睇好,可惜全晚騰雞到爆,睇到一半都覺得佢大勢已去,唉...

robocon said...

但馬詠恩在出場前那外景泳裝側面鏡頭,真係超索!

Fun said...

其實production衰之外,個rundown同司儀都要死啦,尤其阿叻,繼續係要讀Miss HK Pigeon..

今年嘅服裝除咗part causal wear之外係ok過上幾屆,但都係稱不上靚架啦,
不過對karen chan嘅fashion sense係唔可能有期望,陳倩揚同馬賽嗰兩套衫醜到..

4號係無咩選擇中嘅選擇囉,但太矮,如果佢齋去中華小姐係ok嘅~~

阿寶 Francis said...

in btw,...題外話...我個fd 話7號似"年輕王一梅".....HAHAHA!!!

馬高 said...

Haha I said the same yesterday!

無累旅子 said...

Germaine Lee not only looks like 班班. She also resembles 黃素歡, and her close-up reminds me of 王君馨 a bit as well.

KK said...

I think Germaine Lee looks a bit like
Cameron Diaz.............

爛 铜 said...

呢度講唔講亞架 ??

Fun said...

亞姐??

Anonymous said...

8號真係好high fashion/super model feel
不過好多人(特別d細路)唔喜lee type
o靚模樣就岩佢地

4號勝在穩穩陣陣唔會出事
10號講野好pleasant 抵讚

robocon said...

to: 阿寶 Francis

同你個朋友講, 王一梅才二十出頭, 可能仲細過鍾溥敏呢! even 鍾小姐似王一梅 應該是 "体輕王一梅" 吧! ^-^

聶秀康 said...

5號馬詠恩.....點解咁蠢泳裝著對鬆糕鞋,沒線條又降格!

你都講得岩#9太MK!