速報！香港小姐09 partII
10位港姐在一片劣評聲中繼續在北海道拍攝外景，
昨日眾佳麗換上觀眾最期待的泳裝會見新聞界。
期待還期待，實則結果啦喎..
10位港姐最終換上成件內膽款的把鬼比堅尼上陣，
再配上平庸外表及平平的身材，
我可以想像到現場記者必定會發出陣陣“jip”聲！
1號曾曦寧 - 今年戰靶，先被傳媒篤爆當空姐時態度欠佳，又貪慕虛榮，專攻有錢仔，在拍攝外景期間再被說是攝石人，借故親近監制搏影相。以曾小姐的質地，若非靠緋聞又確是很難佔到版位。就以這張泳照為例，腰圍相當粗壯之餘.. 咦，條頸去咗邊呢？ 泳裝分數：6.112
2號林潔瑜 - 繼續被傳媒狂插樣衰似許愿，真陰功！其實林小姐樣貌的確是唔多掂，但給我包裝的話，我會給她一個model look，黑黑的眼部化裝配大卷遮少少面的髮型.. 型型哋好過現在不三不四啦！泳裝分數：6.590
3號鄭寶源 – 面試時胸前偉大，但一以泳裝示人，級數無所遁形，因此被懷疑先前有裝胸作勢之嫌。雖然胸部少了看頭，但身材尚算過得去，只是縮肚過份用力以至肋骨乍現。泳裝分數：8.688
4號劉倩婷 – 樣貌談吐皆不俗，泳裝亦無太令人失望，在蜀中無大將的情況下成為當然大熱。劉倩婷是在下國際親善小姐的初步選擇。泳裝分數：8.968
5號馬詠恩 – 跟劉倩婷一樣，若是去年參選的話，進入10強可能已是極限。從電視訪問中看到馬小姐對答相當得體，加上“周秀娜”的樣貌，難怪是今年頂頭大熱。雖然身材好“平”如潮，但港姐一向不太重視身材，所以熱門指數應該可以持續。泳裝分數：8.811
6號黃嘉麗 – 個人覺得plain到喊的黃嘉麗，是不少網友貼她為黑馬之選，初時有點R頭，但看完泳裝後又覺不無道理。那麼暫且留她一條生路。泳裝分數：9.021
7號鍾溥敏 - 我的09 hot pick！原因有三：一 - 10個人一字排開，她是最高的，所以身高應是今年之冠；二 - 雖然面型有點鞋鞦，牙齒又有點不整齊，但笑起想來樣子都ok甜美；三 - 有前有後，肩闊腿長，若能再修修小肚腩，效果更佳。泳裝分數：9.120
8號熊穎詩 - “剃了鬚”以為狀態會穩定一點，但泳裝下的熊穎詩真是.. no eye see！泳裝分數：6.191
9號袁嘉敏 - 聽聞當陳可辛助理的時候被吳君如喚作“大波Candy”！泳裝登場的袁嘉敏果然有睇頭，骨肉均稱，腰肢幼幼，是另一有競爭力的佳麗。泳裝分數：9.132
10號李姿敏 - 粗腰一族，100巴仙陪跑！泳裝分數：6.194
香港小姐09..悶戰一場.. 多謝各位收睇！
8 comments:
真係.... plain到呢.......... 佢地d髮型已算然較自然, 如果又係好似往年咁紮哂d頭髮上去, 實嚇死人!!!
3,5,7仍然係我既hot pick, 但9好似有d野喎!!
喂喂, 你提到在場記者必定jip jip聲, 令我諗起旺姐講過當年"採訪"亞洲先生時, 影"泳裝"section時d男記者係咁話: 嘩, 要洗眼呀 / 今晚要睇4仔平衡下 等等字句.... 希望今年港姐個case唔係咁差啦.... haha
真係唔識揀，其實幾時係決賽？
睇呢堆相。。。1,2,6,7,9唔得
決賽決賽是8/22呀..
吓，你覺得8號同10號好得過7號同9號？？？？
唉, 今年港姐真係無眼睇!!!
我之前講過話 "清秀" 的熊小姐 張相好恐佈, 唔知係apple大整古還是她確實質素有限.
9號大波candy 身形確很好, 但我真的唔buy佢個成熟樣.
7號整体算平均, 但單從相片我唔知點解感覺她有點 "鈍", 要睇定d先知.
另外若單從相片黎講, 10李姿敏個款真係大方到暈, 我真係好驚佢會跑出喎! 你都知港姐一向不太介意身材, 只要不太肥就過到骨.
另外你/你地覺得若要比較, 今年/張嘉兒/徐子姍那年, 平均邊年質素最低?
完全無一個可以做到Miss HK既同時, 又代表到香港出去選美,一係樣唔得,一係身材唔得,一係唔夠高,高度同樣都算啦,TVB係咪應該用兩個星期時間"的"班佳麗去收下身先至拍外景呢~!? TVB係要搞到D佳麗甩甩溜溜 一.一
未出發之前,淨睇個樣心水Top 5係3,4,5,8,9 依家睇埋身材,3,4,5,6,9 8號out既原因-完全係身材出事 6號in既原因-雖然樣貌身材唔突出,但兩樣勝在平均(起碼唔太差),身高有返咁上下,最重要係學歷高(TVB最喜愛)
有待觀察-7 & 8號
完全不作考慮-1,2,10號
最上鏡小姐,初步9號有D機會
唔知點解次次見到2號,就諗起00年亞軍簡佩堅,希望佢唔好好似簡小姐咁跑出 =.=
比起04同07年,09年平均質素絕對係三年之中最低~
樓上兩位,
呢班女本身質地已經唔多妥，啲頭髮仲set到咁塌咁扁，衰上加衰啦..
徐子姍 (04)唔係太差喎，如果擺沈穎婷落嚟都殺晒啦..
張嘉兒 (07) 都衰唔過喎，淨係一個周美欣都揮得低佢哋呀！
講質素，只有01 (楊CK)可以同今年相比架咋..
2號個feel似98年殷莉...
Post a Comment