4.22.2009

生日飯局之辣到跳舞

拜六為WL慶生,
壽星公指明要吃四川菜,
即是挑戰我味蕾啦,
因為我唔辣得架!!
不過幫人慶生就不應該多多事實,咩都試下囉..
這家四川菜叫《三希樓》,

聽聞是以前《滿缸紅》的“親戚”,
它藏身港島半山麥當奴道豪宅之中,
即是我的母校附近,地點有點隔攝,
不過就當晚所見,食肆生意很不錯,
起碼有八成滿,食客咩人都有,
有本地人、老外、ABC、有老有嫩..


原來蔡瀾推薦的,一定有mouth to mouth效應,難怪地點那麼隔攝也有好生意
前菜:夫妻肺片 - 雖然餐牌註明得一隻辣椒,但已是我的極限。其實前菜還有涼伴粉皮及鹽水雞,但我遲到,拍不到照
天麻燉魚頭湯 - 要預訂的;天麻有行氣活血功效,難怪眾人半碗到肚已見雙頰泛紅
辣子雞丁 - 餐牌註明得三隻辣椒,即是三級辣,我完全放棄囉.. 查實不吃齋望樣已經“辣到標口水”..
胡椒蝦 - 當侍應一打開煲蓋,剛巧我正在呼吸,那股勁爆胡椒味直衝入鼻,教我咳了幾聲
蝦的肉質很彈牙,但我稍嫌胡椒味太搶,一點蝦味都吃不到
南瓜蒸排骨 - 得一隻辣椒,我頂得順
豆腐滷撞桂魚
雪白滑溜的豆腐上加花生、蔥、辣油及桂魚,即刻天堂變地獄!我當然只是齋吞豆腐啦..
紅油抄手 - 都是一隻辣椒,ok ok
辣足一粒鐘,甜品時間到:左 - 香椰紅豆糕;右 - 南瓜粟米露
即撞豆腐花 - 真是即場撞 (instant crash) 架喎..
果然好滑呀
蛋白杏仁露
雷沙湯圓;幾樣甜品都不錯喎,抵讚
食完飯還有遊戲玩!遊戲叫“尋雞丁”,每人輪流從那碟辣子雞丁裡尋雞丁,摷不到的要吃一隻辣椒,結果..

3 comments:

阿寶 Francis said...

嘩~~~呢一餐係真係攞你命3000喎!!!!!

但係我啱呀!! 辣辣辣~~~

Fun said...

其實呢一餐我真係食得好少呀..

明明以前無咁怕辣架喎 =_="

路人甲 said...

Mouth to mouth ?? resuscitation ??? : -)