4.13.2009

郊遊樂無窮

各位,4天的復活節假期過得如何呀?
狂玩?狂食?狂瞓?還是樣樣都做勻?
本來今個假期計劃去個短程旅行的,
但後來因種種原因而沒有成行!
我決定留港消費,但大部份友人都鳥獸散去世界各地,
美國、日本、菲律賓、大陸及泰國 (友人已安全抵步)..
剩下小貓三幾隻在港有乜搞呢?
友人竟提議到大埔踩單車加燒烤,
哇.. 即是挑戰我的極限啦!!
橫豎放假,我又姑且奉陪...


我們先相約在大埔墟新街市的熟食中心吃午餐;這家《東記上海麵》在新界區享負盛名,多年前在大埔一些溪澗旁搭檔經營。後來遷往大埔墟街市,年前當新街市落成後便進駐到現址
當日未到1時周圍已坐得滿滿的
這裡主打上海麵,另亦有米線及河粉;相中的是招牌麵 - 鮮荀絲肉絲麵;荀絲極之鮮甜爽脆
榨菜肉絲麵
炸雞翼 - 外脆內滑,又不會一口油,一客有4大隻
炸豬扒 - 大塊到呢.. 又是出色之作,炸得極之鬆化,而且肉汁仍在;這家《東記》非常價廉物美,單一碗鮮荀絲肉絲麵賣$16,加拼炸雞翼或炸豬扒都只是$22
熟食中心內還有另一家很有名的《有記茶果》,砵仔糕就最受歡迎!我們一人一個,好開心,不過這位前線“員工”副尊容就... 老闆不妨考慮將小檔改名為《貞子茶果》囉出發去踩單車啦!從大埔墟去大尾篤可乘20C專線小巴.. 咦,咪住.. 大尾篤變了大美督嘅??
去到大尾篤首先當然去租架單車先.. 平均$40就可以租用3個小時.. 這家《龍記》有好多車租喎,連買餸車都有??
可能當天是長週末假期,遊人多到發癲(連我都去),基本上每踩廿秒便要停下避車,尤其是那些阻頭阻勢的2人情侶單車及4人冚家大細單車,它們幾乎把所有路封死,激到彈起呀
最後我們踩出了近大馬路那邊的單車徑,情況好多了.. 一邊踩可以一邊看夕陽,多好!
咦,大尾篤的巴士站流行擺放designer chair??
交還單車後我們再步行到燒烤場地.. 齋望門面已經覺得好retro
顧客需先到這個counter附錢然後到另一counter自取食物
我們點了6人套餐,每人$80就有雞/牛扒、雞翼、沙嗲魷魚、紅腸、雞肉/芝士腸、牛/墨魚丸、魚蛋、方包及棉花糖各一包.. 味道也不錯啊
烤方包加蜜糖真的好好味
燒烤場其實ok簡陋,不過勝在夠大熱鬧
從這個角度望過去,有點台灣味
嘩嘩嘩.. 連廣末涼子都來BBQ呀!!
燒了3句鐘,夠晒皮啦~ 臨離開前拍了這張人影照,聽講時下的年青人好鍾意咁影架.. 話時話,這趟郊遊樂玩足一日都是用了兩舊多,合晒經濟原則

7 comments:

chi said...

你寫caption好得,貞子茶果係超級佳作。

Ogake said...

"大美督"呢個名係D好得閒既政府官員改架~ 話靚D丫嘛~

你個fd 似女排球員 菅山Kaoru多D
http://i3.sinaimg.cn/ty/pc/2009-04-13/136/U1532P6T136D2619F3018DT20090413112737_small.jpg

朱朋 said...

果日上大壩見到你, 戴住黑超, 差d想問你攞簽名...:p

KennyT said...

Hey Fun﹐還以為你去了日本旅行呢咧﹗Btw, "貞子茶果"...真係好賤!笑爆嘴!

Fun said...

chi,
多謝!

ogake,
乜傢伙你咁耐唔寫卜啫?

朱朋,
哎呀, 我有簽名筆喺身架 :p

kenny,
邊暑都無去呀!
貞子茶果唔單止好笑仲好食添架..

naruto said...

我有個朋友踩單車話見到你,原來真架喎

Fun said...

咁佢有無話我真人靚過上鏡?