2.27.2009

速報!36年首宗最懶港姐受罰 張舒雅被禁為冠軍加冕


真係枉我當初咁睇好佢..
點知.. 跌爛我副眼鏡!
其實你問我,我會建議無線除佢名添~
究竟係而家後生女(仔)大部份都係咁hea,
定同佢屋企有米有關?
事情發展落去會係點呢,我會繼續速報架啦!

(蘋果日報)

已舉辦了36屆的香港小姐競選,將因為張舒雅而改寫歷史。每年新一屆港姐冠軍誕生,都會由去屆冠軍進行加冕,然而張舒雅屢次詐病推job,觸怒無線,把她無限期雪藏,據悉8月舉行的港姐競選,無線為免張舒雅故態復萌臨時甩底,或者突然情緒失控,將選美變成鬧劇,正考慮打破傳統禁她現身,令09年港姐競選變成一個沒有上屆冠軍加冕的選美。

現年22歲的張舒雅被喻為歷年「hea爆」港姐冠軍,除參選期間被踢爆飲酒煲煙兼與補習天王男友趙永康(David Chiu)當街攬攬錫錫,有損港姐一貫端莊形象外,張舒雅更多次詐病推job,甚至先後以健康出問題為由退選世界小姐及國際中華小姐,激得無線生蝦咁跳,決定將她打入冷宮無限期雪藏。

據悉,無線近日除將張舒雅飛出港姐海外招募宣傳工作外,今年8月22日假紅館舉行的《2009年度香港小姐競選》,無線更準備擯她出局,毋須她為新一屆出爐 港姐冠軍加冕。消息指出,去年12月張舒雅以健康出問題為由退選華姐,但張舒雅這邊廂向無線出示醫生證明請病假,那邊廂卻一而再、再而三地被傳媒踢爆她精神奕奕地出街四圍蒲,甚至向記者說:「我冇病,唔使食藥,醫生只係話我疲勞過度要休息。」明剃 無線眼眉。雖然張舒雅又hea又懶又唔聽教聽話,更未有履行港姐義務,但因張舒雅有醫生證明文件,無線不能隨便褫奪其冠軍身份,惟有雪藏她以示懲罰。不過,8月22日舉 行的第37屆《2009年度香港小姐競選》,按歷年慣例會安排上屆冠軍上台講出卸任感受,然後為出爐冠軍進行加冕,但由於張舒雅工作甩底已有前科,無線擔心當晚張舒雅「再病」而甩底,又或是鬧情緒,在進行直播期間「玩嘢」亂講說話,將選美會變成鬧劇,是以日前無線高層開會,有意打破港姐36年來傳統,在決賽當晚不用張舒雅出席進行加冕。

當日會議上,有過半數人贊成不讓張舒雅現身,知情人士說:「大家初步傾過,都覺得搵張舒雅加冕要冒好大風險,所以都係唔搵好過。至於個后冠點交畀出爐冠軍,有人就建議喺上空空降個后冠落嚟,又或者由陳倩揚代冠軍加冕,不過,呢啲都係好初步既構思。」記者昨日致電無線外事部副總監曾醒明,求證港姐競選當晚是否破傳統不邀張舒雅出席時,曾醒明沒有否認,只說:「依家時間尚早,本地既籌備工作同港姐招募都未開始,仲有一段好長時間,所以有關港姐加冕程序同過程都仲未構思。」

12 comments:

TT said...

見到佢呢張, 更覺可惜, 明明咁decent既一位港姐搞到咁!!!

當初面試實錄我地一齊做評判見到佢簡直驚為天人, 但諗住TVB實唔會選呢d, 點知又真係選到喎, 但呢種喜悅只係曇花一現, 由本來話佢選世姐之後唔選, 以為佢選國姐又唔選, 最後衰到連華姐都唔選, 又病又盛, 唉.......... 真係integrity何在, sense of responsibility何在呀張小姐!

不是公主 said...

好老實講.. 我一0的都唔覺得佢會選中..
到佢做左冠軍我都係一頭問號..

不過我覺得, 你去選得, 就預左選中左會有一大堆責任要去做嫁啦, 理得你屋企係有錢定無錢呀。
邊可以話選左又唔做其他野jei, 一個package黎嫁嗎!

宜家好多人都係咁, hea下hea下.. 祟賞個人主義0既社會.. 唔會理其他人0既感受, 或者自己應有0既責任。有咩都係以個人0既感覺為主, 就好似呢0的咁lor!

Anonymous said...

呢件事證明左選美真係唔止睇外在美, 內涵既重要性分分鐘重要過個樣, 好似張嘉兒個樣俾人批評到一文不值, 但事實證明佢履行港姐職責表現幾稱職; 張舒雅就掉番轉.

我地作為一般觀眾, 單單睇相睇比賽台上表現, 未必可以知道咁多野, even 評判同佢地接觸過, 都會走漏眼選錯人(張舒雅就係好好既例子).

所以其實都唔駛因為自己睇好既佳麗當選或者落選而太大反應, 諗番起舊年張小姐當選個一刻, 我開心到癲左既表現, 真係覺得自己好天真好傻!

Agnes Tse said...

空降后冠 >_<.....

CH Mak said...

我觉得是陈志"晕"自己想去讲做港姐感受及作加冕嘉宾。。。

naruto said...

而家D後生,有D真係唔知佢諗乜

我都贊成志雲頒,實上頭條

Anonymous said...

等我仲以為就算掟佢入雪櫃,決賽果晚點都俾佢出黎加冕,點知依家.....

如果張小姐仲有d良心既話,自動自覺交個位出黎,俾陳倩揚啦。

空降后冠!?!?  係咪傻架~ 一.一

(如果陳倩揚頂上做冠軍,馬賽係亞軍,咁季軍會係.....!?)

Anonymous said...

我初頭仲擔心張小姐在決賽夜加冕時應該講乜好...唔通講:"我當選港姐這一年,基本上我都HEA得好開心,我雖沒有出外參加選美, 但生病期間我仍然留港浦BAR刺激香港經濟,宣揚港姐友愛和平訊息.."咁樣咩?

現在咪好囉,雖然到時場面一定會尷尬少少, 但總好過縱容這位張大小姐.

雖說2008選美星動,但原來只限於外貌質素提升.之後兩台都有醜聞:先有亞姐賽果造馬, 後有港姐HEA爆冠軍.

我記得亞FUN在國際小姐FUNCTION時有和這位張小姐相處過,不知她給你感覺如何?

Fun said...

sigh!!!!!!!!!!!!!!!!

Leo said...

我想由王祖藍踩高蹺扮張舒雅頒,李思捷同阮兆祥就反串陳倩揚同馬賽頒亞軍同季軍。卡卡卡!

Anonymous said...

我記得係D選美會度聽過呢句說話:如果冠軍不能履行責任,亞軍就可補上。
無記可唔可以咁做呢?

Fun said...

今日有新消息:
陳至暈話公司早幾日收到張小姐email, 話佢自己可以孝慮開始接受輕巧既工作..

至暈答記者:真係多謝晒佢..

哈哈哈非常bitchy~~