富貴Lunch

以往在廣播道上班，每日食晏都好煩惱，
皆因選擇其實不多，
一.又一城 ；二. 九龍城！
一號選擇好少去，因為食肆價錢偏貴，
雖然可以食foodcourt，但又嫌坐得唔舒服又迫迫gip，
所以通常會揀二號選擇..
但你又不要以為九龍城超級多選擇喎，
因為有部份食店只在晚上營業，
所以食來食去都是那三數間茶餐廳+泰國菜+越南菜！
再加上我們要打的來回，一餐晏仔分分鐘要五十蚊落樓~
直至半年前開始在灣仔幹活，發覺食晏樂趣多了，
因為友人多半在港島的銅鑼灣至中環一帶上班，
得閒無事可以last min也可以約食lunch！
另外這區選擇更是多到無輪，
cheap的可以在灣仔地鐵站附近買個二十一蚊連飲品的兩餸飯盒，
又或者行上去星街嘆大排檔..
想奢侈些則可去PP食富貴lunch~
若抽起條筋更可東行到銅鑼灣或西走至中環！
上星期五我就趁一眾老闆(s)還在休假，
閃了落銅鑼灣渣甸街跟RY及鄧豆吃高級日本料理，
這間《湖舟》聽聞很高水準，貴得有道理，
究竟是真還是假呢？等我話過你知啦~

即棄筷子都印有logo

筷子套都落重本架喎

收成$175的一個午餐，究竟有甚麼乎fit - 有鰻魚飯、沙拉、蒸蛋、味噌魚湯及魚生

汁燒鰻魚配上滲入醬汁的糯米飯不單有創意，還很滋味 蟹蚶及海膽都鮮甜都不得了
另外我們還side order了兩道菜：牛柳粒配辣腸 - 辣腸超鹹
日式大眼雞