9.22.2008

TVB亂點鴛鴦(離)譜

好勞氣!真心勞氣呀~~

世界小姐官方網頁近日開始上載今年所有參賽佳麗的相片同個人資料,在香港一欄所出現的相片竟然是應屆港姐亞軍陳倩揚而非冠軍張舒雅!!! 點解??????????

自從TVB於01年起開始停止派出代表參選環球小姐之後,01-04年的港姐冠軍:劉慧蘊、楊思崎、林敏俐、曹敏莉及徐子珊都只需要參加國際華裔小姐(現改名為國際中華小姐)競選。亞季軍就分別被派往參加世界小姐及國際小姐競選。到了05年,TVB又突然無厘頭改派冠軍參加世界小姐、亞軍則參選國際小姐。那麼今年(以為)順利成章亦是由冠軍出戰世姐競選,點知...... 唉!!

在港姐競選期間,張舒雅一直都是我的心水冠軍。她高頭大馬,樣子有貴氣,絕對是國際選美場上的好材料。雖然如此,以TVB(或評判)的一貫眼光,高妹都是沒有正印命水的,點知今年竟然玩大突破,選了一個史上最高的冠軍出來,開心得我呢~~~ 但點解.. 點解.. 倒頭來還是空歡喜一場,由陳倩揚出戰世姐架?!翻查今年參選世姐的佳麗資料,身高5呎5吋的陳倩揚是眾參賽者中尾三最矮的,只僅次於兩名加勒比海佳麗:巴巴多斯及百利滋小姐。即是話論身高,輸一條街啦!其實參加國際性選美,身高是很重要的其中一個因素,有高度起碼可以賺個台型返來。我個人認為5呎7吋是最低入場費,矮過的話,除非樣貌靚到曉飛啦!

那麼何解TVB會改派陳倩揚參選世姐而非張舒雅呢?綜合各方意見,大致可歸納以下3點:

1. 世姐原定於10月在烏克蘭舉行,但由於較早前俄羅斯入侵格魯吉亞的關係,東歐政局不穩,為安全起見,大會決定將比賽遷往南非的約翰尼斯堡,而時間亦推遲至12月中。有網民認為可能是改期後的世姐競選與一月尾舉行的國際中華小姐競選在時間上太接近,TVB不想張舒雅太過勞累所以改派亞軍上陣。我覺得這個原因可能性比較低,因為去年的世姐競選同樣是在12月舉行的,張嘉兒都依然為港出戰啦!

2. 有網民認為世姐活動在11月中開始,那麼冠軍就不能出席無線台慶了。這個可能更低,05年的葉翠翠及去年的張嘉兒都因為參選世姐而決席台慶啦!

3. 有網民認為今年國際小姐將於11月8日在澳門舉行,無線是總決賽的製作單位,派港姐冠軍上陣好像很理所當然,觀乎這個可能性較高。如果無線真的讓張舒雅參選國際小姐的話,我都要去還神啦,那怕無線是派季軍馬賽應戰咋!

點解TVB的高層會抽起條筋有這樣的提議架?
點解TVB永遠都捉到鹿唔識脫角?
點解TVB永遠唔曉派適當人選去適當的比賽?
點解TVB永遠都要令suen-mei-ologist咁傷/激心?
點解.. 點解.. 點解..

過去7年參選世界小姐及國際小姐的港姐包括:
01年:世界小姐 - 鍾沛枝(港姐亞軍);國際小姐 - 朱凱婷(港姐季軍)
02年:世界小姐 - 左慧琪(港姐亞軍);國際小姐 - 胡家惠(港姐季軍)
03年:世界小姐 - 楊洛婷(港姐亞軍);國際小姐 - 戚黛黛(港姐季軍)
04年:世界小姐 - 朱慧敏(港姐亞軍);國際小姐 - 符思思(港姐季軍)
05年:世界小姐 - 葉翠翠(港姐冠軍);國際小姐 - 朱慧敏(港姐亞軍)
06年:世界小姐 - 周家蔚(港姐亞軍);國際小姐 - 呂慧儀(港姐季軍)
07年:世界小姐 - 張嘉兒(港姐冠軍);國際小姐 - 王君馨(港姐亞軍)

(註:由於05年國際小姐提前舉行,05年的港姐未及誕生,於是派出04年亞軍朱慧敏參選;06年由於陳茵薇已過世姐的參賽年齡上限,所以改派亞軍周家蔚上陣)

陳倩揚於世姐官方網頁的造型照;陳倩揚精通日語又懂人情世故,若參加國際小姐的話,理應有望為香港5奪友誼小姐獎項
張舒雅較早前代表香港貿易發展局到匈牙利的布達佩斯出席《時尚生活匯展》的開幕儀式張舒雅穿上由馬偉明設計的晚裝走天橋;站在高頭大馬的外國模特兒當中,身高5呎10吋半的張舒雅毫不遜色
有不少外國網民都認為張舒雅與上屆世姐冠軍,來自中國的張梓琳在氣質上十分相似

12 comments:

Anonymous said...

今日蘋果日報即刻俾個答案你

寂 寞 難 耐   違 抗 無 線 訓 示   張 舒 雅 鬧 市 拖 補 習 天 王

TT said...

學你話齋, 派佢選國姐都柯呢吉帝啦...

不過我又咁諗, 雖然張小姐質素係奇高, 但世姐始終都係高手林立, 要突圍而出都唔係咁易, 反而國姐得50幾人, tvb又協辦, 會唔會挽下手俾佢入三甲呢?? 咁講咪真係港姐首次打入國際選美big 3三甲?? (唔計54年李慧珍)!!

TT said...

唉唔記得提添, 當我打關於呢單野既tagline響msn後, 有兩位so-called pageants-attentive既人士同我講, 話覺得唔派張小姐去選係好事, 我納悶到唔係好想回應佢地囉!!

Fun said...

除非佢真係入到3甲啦,如果唔係我依然覺得佢應該搏一搏世姐~~

你兩個咩frd黎架,講d咁既comment都話係pageants-attentive先好,blog左佢地啦..

robocon said...

點解要咁? 冇睇你的網址整個星期, 看看題目名還以為你做乜講電視劇的螢幕情侶唔登對之類云云, 原來是這樣一個壞消息,真係好唔開心

上星期才跟網友講 我很期待張小姐參選世姐, 希望她能創出徍績云云, 現在卻派個 "大方得体,樣唔差only" 的陳小姐參選, 睇怕佢都係去做下友誼大使, 增廣吓見聞,穩穩陣陣最多唔會失禮香港咁樣.

我知道今年國際小姐毛記有份攪, 所以我曾經天真地以為 今年ms international, ms. world, ms. C.I. 都會由冠軍張小姐出戰 .

不過既然已定事實, 唯望毛記派張小姐參加國際小姐, 或者真係會博個三甲返黎都未定. 不過就算係咁, D網民一定又說毛記造馬云云.

費事騰你在MSN收到這些回應都很正常, 因為普遍黎講, 張舒雅是三甲裡最不得香港大眾歡心的一個. 很多人都鍾意細細粒的馬菜, 或為平庸的梁雅琳落選抱不平.

睇番上面的相片, 張小姐確實很有貴氣和型格, 絕不是得個 "高" 字. 當然陳小姐都唔差, 當日果然爆冷有理.

P.S.: 指教一下, 咁世姐有沒有澳門代表參賽? 中國佳麗質素又如何?

Fun said...

TVB係要搞喊我地先安樂~~ 而家最驚係張舒雅連國際都唔去者.. 陣間真係要去上注香先得!

查實我真係好唔明,張舒雅靚唔靚真係見仁見智,但係點都無理由唔好得過馬賽同梁雅琳掛?離譜~~ 如果講過去10年既港姐冠軍,我覺得佢拍得住郭羨妮(仲要係狀態最好既郭羨妮)添啦..

陳倩揚縛左髮之後係好好多,不過矮呢,又無咩character,去到世姐都係被ignore架啦~

世姐官方網頁就無澳門喎,不過維基百科就有人posted左關安娜(亞軍)個名,係咪事實就有待考證..

TT said...

唉.... 睇多次張小姐同兩位model張相, 真係要可惜多一次....., 佢拍埋d鬼妹model側邊都超班啦真係....

Robocoon, 我都明既, 但真係有d洩氣, 如果係其他人講都算, 但佢地係所謂有留意港姐既都咁講, 就真係.... 國際選美其實真係要好似張小姐咁先夠人fight架喎, 佢地冇可能唔明呢個道理

Anonymous said...

睇多次張小姐同兩位model張相, 真係要可惜多一次....., 佢拍埋d鬼妹model側邊都超班啦真係....
---> 個兩個鬼妹本身質素都唔掂, 張小姐又狀態大勇, 自然出現好強烈既對比啦.

對於 TVB 既所作所為, 我已經完全無野講, 選個咁有條件出外參選既佳麗出黎, 居然唔派佢去選世姐, 咁不如一早咪鬼俾佢入3甲啦, 費事我地有 expectation 丫嘛.

查實近年黎, TVB 都做過好幾單類似既野:
(1) 05 港姐前3名, 個個都夠高, 結果淨係得葉翠翠有得出去選, 6 C 韻同林莉就成年留晌香港. 個林莉先慘, 有樣有高度, 講野都幾斯文大方, 其實最岩出外鬥靚, 結果居然完全無機會.

(2) 07 年季軍周美欣, 唔算好靚不過高頭大馬, 台型殺晒, 又有觀眾緣, 結果又係無得出外選美, 反而派左佢去韓國參加歌唱比賽, 你話係咪發神經先? 雖然周小姐鍾意唱歌又參加過新秀, 都唔係咁架係嘛? 如果年年港姐都係咁, 咪分分鐘派左吳婉芳去東京音樂節? 咁一個計數好叻既得獎佳麗咪去左參加個 d 乜鬼奧林匹克算術比賽?

TT said...

可以派余少寶喎, 佢既嗜好係計算, 志願係做會計師!

Anonymous said...

可能陳倩揚整體上似張嘉兒,無記想再搏多次擺『完美愛心小姐』之後直入十六強掛﹗

Anonymous said...

雖然吾係國際小姐offical 網頁, 但佢地都擺左張小姐幅相上去喎... 有機有機...

http://www.geocities.jp/intlbeautypageant/competitioninfo.html

http://www.missosology.org/mi08/delegates/con01.php

yanmaneee said...

balenciaga
reebok shoes
kobe sneakers
yeezy
jordan shoes
christian louboutin outlet
vapormax
michael kors
lebron 15
michael kors uk