9.09.2008

速報!澳門小姐08 (結果公布)

近日工作忙到爆烈,
晚上累得連開電腦也幾乎沒有心情,
所以慢了幾拍才“速報”澳門小姐競選!

闊別11年再度翻生的《澳門小姐競選》終於週日晚假座威尼斯人度假村酒店『金光綜藝館』舉行,芳齡23歲,現職市場營運部培訓主任的8號呂蓉茵不但成為最上鏡小姐,最後更力壓其餘熱門佳麗榮登寶座,稍後她將會出戰11月在澳門舉行的《國際小姐競選》及1月於香港舉行的《國際中華小姐競選》。亞軍為5號關安娜,她同時奪得美髮大獎及最受澳門小姐歡迎大獎,季軍是7號伍家怡,而由眾佳麗投票選出的友誼小姐則由1號陳小玉奪得。

這次選美會由無線負責製作,很明顯它們“有心”將《澳門小姐競選》打造成一個二線騎呢選美會,司儀二線:崔健邦 + 王祖藍 + 陳法拉;評判二線: 其中兩位是蒙嘉慧、馬國明;表演嘉賓二線:William、郭品超、黃聖依!騎呢賽制:採取扣燈制,被扣至13盞燈的佳麗就要被打入冷宮,最離譜的是佳麗真的要走進一個煙霧迷漫的“冷宮”,經過拉票就可復活。另一笑話是當2號歐結儀能復活進入6強之時,司儀王祖藍大叫:恭喜晒,2號可以出宮啦~ 王先生大概不知“出宮”(出恭)乃如廁、拉屎的意思吧。此外泳裝環節為什麼要化行粧加set晒頭的佳麗被淋得花容失色矇埋眼呢兼夾搞到件泳衣陰陽色一噠噠呢?她們是澳姐不是港生呀!

左:本屆三甲,你覺得那一個較好?右:談吐大方有幽默感,相信是呂蓉茵致勝的原因
左:頂頭大熱關安娜只能屈居亞軍,但成為三料得主算是超額完成。維基百科說她會參加世界小姐競選,但資料還未得以證實;右:伍家怡,她在拉票環節中說:5+2 (伍家怡)等於7,7係一個質數,我都係一個有質素既佳麗嚟架..
左起:1號陳小玉/2號區結儀/3號許鄒遲/4號梁妙娜
左起:5號關安哪/6號陳雅雯/7號伍家怡/8號呂蓉茵
左起:9號屈佩盈/10號呂倩姬

6 comments:

OGAKE said...

阿1號好喜歡講講下野"hea hea hea"咁笑,後段答問環節王祖藍扮佢笑~~ 笑死我~

Fun said...

1號直頭成個容祖兒咁樣呀~

Anonymous said...

哈哈 雖然好騷呢 但係睇得人好開心
超殘忍

Anonymous said...

低成平零誠意製作的選美, 班女仔泳衣濕身只顯得佢地狼狽, 一點美感都沒有.

雖然澳門小姐只有30多位女仔報名, 但呢10個整体質素可以接受, 但唔知following數年能否keep到.

1號佳厲反而令我想起 舊年港姐的外星人 16號鄭慧貞, 而10號佳厲則像 "arm慚" 版鍾嘉欣.

個冠軍十分大方,但唔算靚女喎,有點像某亞記女藝員, 唔知叫乜名啦.

亞軍靚女唔識講野, 成熟少少才參選會好d.

季軍整体給人感覺很smart, 外型有點像毛記的長期二打六 伍慧姍 (唔知有冇記錯名)

naruto said...

出宮+質數

好爛gag呀

費仕騰 said...

老實講今年既澳姐既質素以澳門STANDARD係可以接受既, 起碼求其搵個都好過羅慧雲(已經係冠軍)先啦!!

入冷宮果PART其實係照抄港姐, 有人扮幫佢地SET頭補粧咁.... 不過TVB有個慣例係D野抄兩次就唔再用, 希望華姐唔好又咁就好喇!