9.15.2008

大坑的腸粉

新工雖然爆忙,但幸好是5天工作的,對我此等有“10年5天半工作經驗者”來說,一到weekend真的成個人都開心晒!以往只得星期日可以嘆個心水靚早,而家多了個星期六朝早,係咪good先?!

剛過去的週末是中秋long weekend,鄰居鄧豆回港小休,有她就有早餐約會,原因有二:一,她跟我一樣,無論前一晚玩得幾夜,第二朝9點例必彈起身坐定定等運到。二,她跟我一樣,晨早流流擘大眼就可以質好多嘢食入口!星期六朝我們選擇打車到大坑安庶庇街的順興茶檔食其馳名腸粉。

順興茶檔原是後巷大排檔,棲身於安庶庇街的一條小巷經已多年,持牌人於年前過身,剩下另一半獨力撐起半邊天。而其中一位女兒原本是過著少奶奶生活的,後來離了婚,但不久便覓得第二春並移居馬來西亞。定居後開了一間餐館,搞得有聲有色,最後卻因不忍老媽太過辛勞,毅然放棄一齊歸港接手順興。由她揸旗後首項改革就是租了後巷隔鄰的地舖,希望吸引更多怕熱想嘆冷氣的食客。另外,茶檔又加入許多以前沒有的食物,實行要跟其他茶餐廳一較高下,而當中的車仔腸粉就是其必殺技,晏啲去都會無得食架!

大家有無興趣試吓咁呢?

左上:車仔腸粉 (包括腸粉/豬皮/魚蛋/螺肉),全部餸都醃得好入味;右上:車仔麵 (包括冬姑/豬大腸/蘿蔔);左下:勁辣魚蛋,食完頭殼頂即時標汗;右下:咖吔(厚)多士
後巷風光
上:新舖入口;右上:可能是假期關係,人頭湧湧到呢;左下:有plasma電視架;右下:除了馳名腸粉 ,還有其他一般茶餐廳供應的食品;聽聞這裡的叉燒飯也很撚手,找天試試先

6 comments:

Wordy said...

兩個人……果然「晨早流流擘大眼就可以質好多嘢食入口」!

Anonymous said...

我都有興趣喎! 係未可以搵個星期六一齊去呢? ^.*
水晶

Fun said...

to wordy,
「晨早流流擘大眼就可以質好多嘢食入口」係索拉奇藝坊表演項目之一黎架!

to 水晶,
哇,你貢到過黎食?

費仕騰 said...

你呢篇blog寫到好似線稿咁先好!

Fun said...

我唔係亂讚架,係好咪好囉~

Anonymous said...

無所謂喎, 貢過o黎食未貢過o黎食囉...有幾早呀? 十點都ok啦...(星期六我都係8點零起身, 都應該ok)
by 水晶