滋味週末第一回

鄧豆趁十一黃金週回港，

拜六晚吹雞吃晚飯，她提議打邊爐，

心諗：鑊鑊都邊爐？所以我大聲say no囉！

一經在下投反對票後，各人都在MSN上七嘴八舌提出意見，

最終經過4人差啲互摑扯頭髮MSN會議後，

由日式燒肉店伊呂波脫穎而出，恭喜恭喜~

上一次光顧伊呂波已是兩年前，感覺不錯，但價錢實屬上等，

所以一般都會去較為相宜的盛八或和幸。

今餐一行9人，勁食勁飲(4支清酒)，埋單每位要七舊呀，肉赤中！

左上：開餐前請大家穿上靚靚圍巾先啦；右上：飲杯先~；右下：阿安幾..... 靚

4款肥美和牛 - 脂肪比例很不錯，我沒有吃，但同檯的友人說肉質及味道一流

左上：牡丹蝦 - 好大隻，而擺上檯的時候依然生蝦咁跳；右上：不用醮醬油已很美味；左下：粟米/矮瓜 - 燒好之後記著要塗一點牛油在表面啊；右下：海鮮薄餅

左上：雞肉 - 肉汁豐富；右上：雞肉姑 - 初時以為是日式年糕；左下：雜菜 - 可包著燒肉同吃；右下：豬頸肉 - 味道好但過肥了一點點

左上：雞翼 - 雞翼真係點整我都話好食；右上：墨魚 - very彈牙；左下：韓式泡菜；右下：原隻龍蝦 - 又是生(龍)蝦咁條，一路燒那幾條觸鬚一路猛郁，好驚喎。不過確實好多膏，肉質又鮮甜

左上：牛脊肉 - 用小瓶盛載著，內裡還有醬汁、洋蔥、大蒜等配料；右上：一份order共有兩條；左下：上湯煮大蜆；右下：先把大蜆放入湯中，然後將錫紙兜放在燒爐上，當大蜆”爆響口”即表示熟透了

左上：牛腸 - 賣相已經不討好，燒熟後好像一堆肥膏；右上：雞肝 - 很喜歡肝或潤的口感；左下：八爪魚；右下：牛肚

左上：久保田清酒，易入口；右上：燒呀~燒呀~燒呀；右下：雖然價錢的確貴，不過食物質數真的噢畸，加上大家一路燒一路笑，算數啦