7.17.2008

越南‧愛pho之旅(六)

六月十二日 - 星期四

到了旅程的尾聲,是日我們選擇對芽莊市進行更深入的了解,實行《芽莊一日周圍遊》!

芽莊市是08環姐的主辦城市,所以到處都看見宣傳billboard或海報;左上:環姐票務處,但內裡“家徒四壁”,只得檯一張人一個係咁多..

酒店前的大街,兩旁栽種了很大樹,部份更被修剪成不同形狀;右下:據聞這是一座耗資過百萬美元的建築,它日將會成市內的地標..
午餐@地道小店..

左上:扎肉鮮蝦粉卷;左下:雜菜pho;右上:生熟牛肉pho;右下:坐在露天地方,十個熱..

接著到了離市中心約15分鐘車程的Po Ngar Cham Towers參觀,這幾座古廟有逾千年歷史,是越南國內最古老的建築物..

右上:有僧人為遊客提字..

廟內還有民族舞表演..

Po Ngar Cham Tower附近的街道;左/右:兩幅相,差不多的角度,但相比起我好像小矮人呀..

這一帶的芽莊市活像70年代的中國大陸..

左上:芽莊版Private-i;左下:芽莊版Cova;右下:售賣小食的攤檔..

地道照相館,可能有芽莊Leslie Kee幫你影靚相;左下:芽莊吳唱K..

越南近年經濟雖有所改善,但遠水豈能救近火,當沿大橋一路走的時候我們看到的盡是一片頹垣敗瓦..
左下:在過橋的時候遇上了一個小女孩,她拖著瞎了眼的老婆婆向途人兜售口香糖。小女孩面上掛著微笑,沒有一般窮小孩的倔強眼神。相中的二人因行得累了所以停下來休息;右下:芽莊是沿海城市,當然有很多漁船..

驚心動魄的一幕,沿橋步行到橋頭時,我們看到.. 左上:一堆唔知咩嚟;左下:zoom到好埋依然看不清楚,是.. 魚?;右上:看到那些人又切又斬又煮,個畫面好恐怖呀;右下:嘩好大條魚呀,不過死狀好..

行了半天,要返酒點歇歇先;左上:一杯冰凍越式咖啡;右上:巧克力慕絲批..

嘆完午後之咖啡當然要看看午後之太陽.. 左/右上:午後之酒店外貌;左下:午後之MM;右下:午後之沙灘..

早上至下午時份,沙攤都非常寂靜,但一到近黃昏就堆滿本地人,勁過週日的淺水灣..

行完沙灘,MM照例要到健身房報到,至於我啦喎.. 決定來一個spa。我選了一個約一小時十五分鐘的body scrub treament,價錢平到笑,盛惠US$30,做完之後成身滑嘟嘟香噴噴,爽爽;右下:做完spa他們把我帶領到另一個休息室,繼而俸上飲品一杯..

一個做完gym一個spa完,好肚餓呀~~;這家餐廳在市內一共有3間分店,每一間都有不同主題,而我們是夜光顧的是比較中國化的分店..

左上:檯號寫在石頭上;最後點了二人套餐,我們每人都吃了.. 左下:辣魷魚沙拉;右上:蒜蓉肚司配沙拉、青芥及辣醬、右下:小龍蝦半隻..

左上:燕窩湯;右上:椰漿飯;右下:這位是該店最為嘴gel gel的女侍應,成晚不停嘴,又嚷著我們教她說廣東話,好搞笑..

食飽飯想喝一杯才返酒店,到了這間被Lonely Planet譽為市內最funky的酒吧。酒吧並不冷清,但氣氛古怪,音樂又唔快唔慢,結果一邊喝一邊打呵欠,超悶呀..

原本想搭“11號”返酒店,但諗諗吓不如洗萬五盾(HK$7.5)搞掂佢..

6 comments:

Wordy said...

> 但相比起我好像小矮人呀..
楂機果個係廿呎高摷落黎,鬼咩,下次叫佢坐地影喇

> 巧克力慕絲批..
得唔得?

> 午後之MM
即係點呢?紅茶我就知

我鍾意「海灘阿叔抱裸 B」果幅

> 做完spa他們把我引領到另一個休息室
「引領」,哈哈 ~

> 小龍蝦半隻..
配薯條既?隻蝦炭燒?

naruto said...

環姐票務處入面嗰個咪就係上屆環姐囉!無化粧你認唔到?

著人字拖玩足一日,好hea喎!

芽莊Leslie Ke影相,要唔要露毛架?

Fun said...

to wordy,
巧克力慕絲批..
--> 幾好喎,越南d pastry大致都ok~

午後之MM
--> 咪就係好似相咁囉.. ^_^

小龍蝦半隻..
配薯條既?--> 我地見到堆薯條都笑左出黎,9唔搭8..
隻蝦炭燒?--> 係燒囉但唔知係咪炭喎~

to naruto,
票務處個位係阿叔黎喎~

其實著人拖行咁耐係有d辛苦架~

要唔要露毛?芽莊吳唱k露我唔恨睇喎~

Wordy said...

雙輪車好快下喎,同埋片中各人聲音都經過處理囉,呵呵 ~

Fun said...

to wordy,
個樣都經過特別處理架~ ^_^ v

CH Mak said...

mut really gum 平meh... and we tried to negotiate tim...