7.29.2008

週一馬場風光

昨日香港錄得今年最高氣溫34.7C,
沙田更一度高達37C,再加上奇劣的空氣質素,
一出街唔郁也一身大汗兼呼吸困難,辛苦晒!
但由於神奇女俠即將復工,退休生活時日無多,
所以在勁熱天時也堅持晏晝去跑步,地點是跑馬地馬場。
近兩年已絕少在健身房跑步,對住部跑步確實超悶,
所以只要不是下雨天,我都會去馬場喪跑幾圈,
免費有馬場景陪跑喎,係咪好吸引先?
那麼閒日的馬場是怎樣的呢?一齊去睇睇啦..

左上:黃泥涌道入口,入口處還有咪錶位;右上:經過隧道方可進入馬場範圍;左下:外圈一圈約2200米;右下:開始跑啦.. ;由於馬場私隱度高,所以有不少藝人都來這裡跑步,曾經不下數次遇過赤裸上身的慌歷辛,昨日就有組合“雁石分天”的臨易蚊..
一路跑一路看到.. 左上:吉吉如也的觀眾席;左下:賠率顯示版;右上:馬房;右下:趁抖暑,馬場正進行翻新草皮工作..

左上:跑畢4個圈,全身濕透;右上:十足十學校小食部,還有燒賣魚蛋賣架,週末經常看見一群小學生哇啦哇啦的圍在這裡買東西;左下:可能正值暑假,昨日看到不少球隊正在練波;右下:小學雞球隊練波中..
原來張瑪莉的公關顧問公司也就在馬場對面..

10 comments:

男人老狗 said...

天時暑熱跑步要小心,多飲水補充呀,我們還要追看神奇女俠復出的生活o架!

Wordy said...

你既大汗度同我有得揮

神奇女俠復出,江湖從此多事……?

朱朋 said...

臨異紋有冇赤祼上身跑步?

Fun said...

to男人老狗,
查實呢兩日雖然熱但仲有d風喎..

to wordy,
我而家出街淨係等搭電梯已經一身汗.. 一個咁多事既神奇女俠復出喎,江湖唔但單止會多鬼事,仲會一片風腥血雨,哈哈哈哈哈哈哈哈...

to朱朋,
臨異紋都赤祼上身跑?如果有既應該會激發起其他人跑得快d喎~~~ ^_^

best actor said...

哇好懷念啊﹗我出世到十一歲都係住o係跑馬地架﹗細細個係跑馬地馬場/球場都唔知踢過多少次西瓜波。唔知到銀禧士多變o左咩呢﹖我o係果度飲過好多枝維他奶。:o)

如果返香港﹐跑馬地係必遊之地。

Fun said...

to vince,
原來你係跑馬地人.. 我細個有個aunty都係住跑馬地,所以成日去佢度,大人打麻雀,小朋友就自己玩.. 你幾耐無返過黎呢?而家變左好多lu~

CH Mak said...

Gum we can plan to jog together again after work now that your schedule becomes more "normal". :))))

karvitz said...

點解唔跑內圈膠地?

我之前都得閒就去跑下,而家無跑啦!但我未見過明星,球星就見唔少。

其實我見過張瑪莉由 office 行落來,之後上自己架車開車走。

Fun said...

to MM,
yes.. lets RUN~~~

to karvitz,
外圈個風景好d呀~ 聽講郭阿旺都有去跑架喎..

講開張瑪莉間公司,近排我望親上去都黑麻麻喎~

naruto said...

佢慳電啫!
恭喜復出呀!