7.31.2008

速報!香港先生08 (賽前預測)

近幾天在MSN不下數(十)次被問到何解《Fun生活》沒有“速報”香港先生喎,哈哈原來大家那麼有興趣! 好,就速報啦~~

今年《香港先生》的質素算是歷年之冠,起碼樣貌及身材各方面都稱得上養眼,沒有太過“岩蠶”的參賽者,亦無年過四十的uncle。今年賽制應如以往,全女班評判將從少年組及盛年組中各選一位冠軍,然後再由兩組冠軍單打獨鬥,終極優勝者就是《08年香港先生》!


少年組:
左起:1號黃晉業/2號招天佑/3號溫家偉

1號黃晉業:18歲/5呎10吋半 - 海外招募參賽者之一,樣貌幾噢畸,但身材削削哋,有望憑一口竹升廣東話贏得部份女評判歡心。
2號招天佑:20歲/5呎10吋 - 屬中庸“佳麗”,最大單新聞是被爆同志身份,但招小朋友話自己好直架喎.. 咁我喺PP成日見既係邊個呢?
3號溫家偉:21歲/5呎8吋半 - 另一海外招募參賽者,樣子算中上之選,但太過肥大肉厚,上鏡顯得有點笨拙。但ABC一向有種攝人魅力,應該不會在第一round出局。

左起:4號陳冠標/5號趙晨/6號羅天宇

4號陳冠標:20歲/5呎9吋半 - 本屆頭號肌肉男,由面試開始都一味谷胸曬手髀。樣貌啦喎,都係唔掂啦。
5號趙晨:20歲/5呎11吋半 - 雖是最高參賽者,但娘味 + 鄉音 + 飛機場 = 陪跑。
6號羅天宇:20歲/5呎10吋 - 本屆怕羞仔,幾討人愛,我貼他是少年組冠軍。

盛年組:

左起:7號陳世強/8號何君誠/9號呂熙

7號陳世強:23歲/5呎11吋半 - 噢賣吉!個樣想點呀?個嘴想點呀?
8號何君誠:24歲/5呎11吋 - 初登場被冠以奀茄金城武之名,無言!樣貌 身材都無乜,勝在談吐噢畸,有望留到第二round。
9號呂熙:26歲/5呎10吋 - 似張敬軒x陳曉東,在網上投票中節節領先。剛剛被踢爆曾因停牌期間再超速駕駛而被判入拘留所11日。選港生唔同選港姐,這類新聞亦無影響,唔駛驚。

左起:10號黃文迪/11號霍俊毅/12號朱允崇

10號黃文迪:30歲/5呎10吋 - 被認定為長腳蟹呂慧儀男友,是今年風頭躉,勝在有經驗,舞台表現理應較好。黃生應該早幾年參加,家陣個樣好乾,有“老”態。但成熟型一向有市場,那要看看女評判的口味了。咪住,今屆冠軍要出戰《世界先生》,30歲應過年齡上限喎..
11號霍俊毅:24歲/5呎9吋 - 我鍾意呢個呀吓!個樣傻傻呆呆,身材又爆,不過盛年組對手太強,出線有難度。祝君好運!
12號朱允崇:23歲/5呎9吋 - 海外招募參賽者,擺明sell卡哇依,一日到黑矇起對眼。相信決賽夜他一上台全場會立即we we wa wa,絕對有機會威脅10號。

《香港先生》好睇之處除了那一班港生著住泳褲濕晒身在台上周圍走之外,當然是那些平時斯斯文文的女藝員/名模/港姐/名媛,突然淑女也瘋狂的喉擒表演啦,真係笑得死!希望今年依然有伍姑娘撐場啦,無咗佢港生可以唔駛搞!我已經約埋一班朋友拜六一齊睇啦,你呢?

08香港先生泳裝秀

4號陳冠標
5號趙晨
6號羅天宇
7號陳世強
8號何君誠
10號黃文迪
11號霍俊毅
12號朱允崇
左起:12號/7號/11號/9號
12位參賽者出席宣傳活動

15 comments:

OGAKE said...

1.一向都無睇開,今年突然有一眾朋友叫我幫佢地錄,仲話好funny添,咁一定要睇啦~
2.21歲就少年,23歲就盛年,乜果兩年真係爭咁遠?之前好似唔係咁分架?
3.阿4號個樣話佢30歲都有人信呀~

費仕騰 said...

Ogake: 乜你"一向"無睇開架, 真係講都冇人信!

我都勁like 11號, 好少cute得黎又man, 我仲同miho雙雙加入支持11號既facebook group, 笑鬼死! 果度有好多佢響加拿大讀書既生活片段, 果時好o靚仔....

喂其實4號份人都唔算好騎呢, 佢都幾定架!

今年應該都有"復活戰"喎, 得兩粒鐘應該都幾緊湊, 我都同舊年一樣同班frd一路打牌大食會睇show, 非常糜爛, 睇到時會唔會又大嗌大叫啦, hahaha!!

費仕騰 said...

係喎唔記得提上個禮拜港生前哨戰, 2號仔有個shot蘭花手咁叫大家"唔好嘈住佢"(指打緊golf既teammate), 點知個teammate打唔入, 佢尖叫"鴉~~~~~~"然後dum地扭計。我睇到真係心諗: 你咁樣點justify你好直呢個excuse呢?

OGAKE said...

我真係一向無睇開架~~唔知點解對呢班人無咩性趣~~今年好似好多人討論,我都會加緊留意下~

chi said...

我都最like 11號霍俊毅,不過我ignore左個facebook group invitation,而家睇勻佢真係最好,單眼皮仔仔真係有charm,另外幾個香蕉仔都好得意,黃文迪太贏硬自信feel啦,臉油look又趕客。阿Fun不如開番個topic,由以前電視先生、銀河新星、亞洲先生、香港先生一路數,做番個回顧啦。

CH Mak said...

讲还讲,
上个月在尖嘴麽地道看到若干年前的什么超新星邵仲衡。都仲系ok得架。。。哈哈哈

費仕騰 said...

MM, 話時話你都有幾分似呢個邵仲衡.... 咁高大喎!

Fun said...

to ogake,
咁你對咩有性趣呢?

to chi,
哇,要做下資料搜集先!你記唔記得87年亞視個模特兒選舉?黎劍星同林偉以米白泳褲上陣,真係好“突出”,睇到我眼都凸呀!

to MM,
邵仲衡都40幾架啦喎~~ 不過我不嬲好怕佢做戲架..

to TT,
係喎,MM同邵仲衡個外型係有d近似喎~

CH Mak said...

我check过,好似43架喇。。。

我地似?gum都好喔。。。可能就系佢都觉得我地似,所以当时佢又望住我,我又望住佢咯。

Wordy said...

邵仲衡 87 年參加《超級新星》時 24 歲,報稱做室內設計,今年貴庚自己加喇

睇樣(因為唔知「餡」),鍾意 1, 11, 12 多少少

3 太大件,4 騎呢,總令我諗起港姐 10 號,8 招積,10 越睇越殘

如之前兩年,會係屋企,但都係冇得睇既

naruto said...

43歲係咪叫老年組啦?
乜今年咁多變形俠醫嘅?

朱朋 said...

我買12號, 鬼仔講明黎玩, 會比佢玩玩下玩左個冠軍返黎!

Anonymous said...

因為睇到呢個blog, 先至睇電視, 好認同要有伍姑娘, 佢拎個氧氣罩出黎嗌"索"個樣, 笑到我~~呵呵呵

Anonymous said...

I will right away snatch your rss as I can not find your email subscription link or e-newsletter service.
Do you've any? Please permit me understand so that I could subscribe. Thanks.

Have a look at my web site ... get instagram likes

Anonymous said...

Thank you a bunch for sharing this with all of us you actually know what you're speaking approximately! Bookmarked. Kindly also consult with my site =). We could have a hyperlink alternate contract between us

Here is my homepage twitter buy followers