熱戲推介 - 蝙蝠俠‧黑夜之神

一個字：嘩！

今時今日才推介《蝙蝠俠‧黑夜之神》確實噢畸遲，
係人都知是勁片一套啦，所以並不打算在這裡詳談劇情，
要讀影評的話請移玉步到Donald那邊好了！
我其實只想在這裡大聲話俾各位知，
IMAX真係好好好好好好好呀~~~~
如果你還沒有看《蝙蝠俠‧黑夜之神》，請去IMAX！
若然看了，我依然強烈建議你再去IMAX睇多次！
$95有成層樓咁高的銀幕，前後超勁擴音器，
再加兩個半小時的震撼劇情，十個抵！

先讚音響..
頭五分鐘的銀行械劫，那些槍聲，
嘢嘢都像在耳邊發彈，嚇死~~
另外一場追車場面，又蝙蝠車又貨櫃車又警車，
片到冚冚聲，又撞埋一累堆，
那些膨膨聲的音效，好像鑿入心坎一樣，好爆！

再讚畫面..
非常非常立體，尤其是當蝙蝠俠夜麻麻從國金頂樓一躍而下，
弧形飛向對面大廈那一幕，眼前一棟棟高廈，
層次分明，有前有後，嘩.. 從未見過靚到咁絕的香港~
旅發局好應該向電影公司相借那段片，跟手在世界各地日播夜播，
宣傳效益肯定好過成龍一日都黑個V字手勢啦。

後話：
雖然套戲我俾9.5分，
但如無必要我想都幾難會再去Mega Box！
昨日由銅鑼灣搭地龍出發，去北角轉車過海，
去到九龍灣德福又要排蛇餅接駁巴士，
到達戲院門口為止足足要一粒鐘呀，實情可以去到長洲添！
仲有仲有，在Mega Box有好多“傅穎”呀，
全部倒模一樣，我信Theresa係好紅啦！