7.20.2008

速報!香港小姐08partV (現場直擊)

2008年度香港小姐競選終於塵埃落定,結果由芳齡22歲,身高5呎10吋半,曾在美國修讀時裝設計的張舒雅奪得桂冠。亞軍為24歲,身高5呎5吋的機艙服務員陳倩揚,她更兼得國際親善小姐。芳齡20歲,現為一名大學生的馬賽則獲選季軍及最上鏡小姐。

3號張舒雅得冠軍,好開心呀我~

今年可能因為“選美星”動,繼慧妍波後我再又機會現身會展現場觀戰港姐競選,今次要十萬個感謝友人LL的邀請。LL曾在無記工作過一段日子,更參與過多年的港姐籌辦工作,近年雖移居北京,但每年仍會擔任導師教授一班佳麗說話技巧。

今屆港姐決賽以“蛻變”為主題,意味著12位佳麗由一個平凡的女孩子一步一步蛻變成長。那麼12位佳麗當晚的表演又如何呢?

1號文柏姿 - 表現中規中矩,以為她有機會進身8強
2號倫紫玄 - 毫無神彩
3號張舒雅 - 個髮型好麻麻,幸好個樣keep到之餘,談吐及舞蹈方面比預期要好
4號高海寧 - 身材頂瓜瓜,皮膚又夠白滑
5號梁倩汶 - 不單止黐脷筋,講嘢仲好窒
6號陳倩揚 - 成個樣變晒,不再似黃麗梅,省鏡好多
7號梁雅琳 - 個裝太淡,搞到成個造型好plain
8號姚婷芝- 今屆甫士王,論拗腰catwalk擺甫士,贏晒
9號謝靜婷 - 老問題,淨係一味瞪大對眼
10號史宛殷 - 繼續無嘢講
11號馬賽 - 好sharp,衰矮,台型欠俸
12號黃潔婷 - 論樣我依然覺得佢最靚,不過舞姿非常生硬,談吐亦麻麻

4個環節後,評判從中選出8強,她們分別為:3號張舒雅、4號高海寧、5號梁倩汶、6號陳倩揚、7號梁雅琳、8號姚婷芝、11號馬賽、12號黃潔婷。接著8位佳麗以泳裝登場並分成4組,一對一進行辯論,評判會根據佳麗的體態及談討給與分數,各佔50分。

經過抽籤,對決如下:
12號黃潔婷對3號張舒雅
- 12號總分63(泳裝31分/談吐32分)、3號總分69分(泳裝36分/談吐33分)
- 12號繼續懵吓懵吓,答到無厘神氣,雖然搏得觀眾一笑但明顯評判唔buy。3號是夜說話語氣有改善,內容也算得體。

11號馬賽對8號姚婷芝
- 11號總分67(泳裝34分/談吐33)、8號總分71(泳裝31分/談吐40分)
- 8號超牙尖嘴利,得勢不饒人,11號相比下高下立見。

4號高海寧對7號梁雅琳
- 4號總分63(泳裝34分/談吐29分)、7號總分79(泳裝39分/談吐40)
- 評判唔知點俾分,7號的體態分竟然超越4號,但談吐方面7號則遠遠拋離對手。

5號梁倩汶對6號陳倩揚
- 5號總分58(泳裝31分/談吐27分)、6號總分77(泳裝36分/談吐41分)
- 5號越講越亂越講越黐脷筋,唔掂。6號談吐大方得體,不慍不火,取得高分絕對合理。

這個環節中以7號梁雅琳得最高分、6號陳倩揚緊隨其後、8號姚婷芝、3號張舒雅及11號馬賽則排在第3、4、5位。

在宣佈最後5強前,大會首先公佈兩大獎項:國際親善小姐及最上鏡小姐。最後6號眾望所歸被選為國際親善小姐得主,樣子甜美的11號馬賽則奪得最上鏡小姐。

全晚第二個高潮,5強誕生:3號張舒雅、4號高海寧、6號陳倩揚、7號梁雅琳及11號馬賽。雖然我不太喜歡7號但去到5強,我好深信評判會鎖定她成為冠軍、亞季軍應該是3號及6號之爭。最後11號馬賽得季軍,成為史上第一位兼得最上鏡小姐的季軍、亞軍是冷馬6號陳倩揚,而當司儀要公佈冠軍的一刻,全場大叫3號,連與我同一檯的楊婉儀也豎起3隻手指。礙於坐在VIP部份,我壓抑著自己不敢大叫,但口中仍不斷唸著3號,希望不要再選一個5呎4吋的冠軍出來。那一刻港姐之母陳紫蓮看到我的緊張神情,她淡淡然地點點頭,好像在暗示著甚麼似的。結果3號張舒雅榮膺08年度香港小姐冠軍,成為史上最高的港姐3甲!如無意外張舒雅將會於10月代表香港遠赴烏克蘭參加世界小姐競選,亞軍陳倩揚則會於10月份到澳門參加國際小姐競選。


3號張舒雅身材太板,要增點肉..

駁髮後的陳倩揚狀態大勇,身材亦平均,爆冷有理..

馬賽身材嬌小,幸好不用出外鬥靚..

左上:近入口處的巨型港姐logo;左下:我是“Partner of Ms Linda Lee”;右上:我們的檯號是11號,而11號馬賽就成為雙料得主,真巧合;右下:VIP section除有場刊外,還有香檳及輕食提供..
左上:開場前5分鐘;右上:廣告時間,幾個評判立即衝去洗手間;左下:表演嘉賓:容祖兒、林峰及陳偉霆,個林峰唱得勁難聽,又扮晒Justin Timberlake,嘔;右下:相中左邊那位就是港姐之母陳紫蓮,由第一屆開始就負責湊港姐..
左上:Fun≪右上:同檯的還有85年港姐季軍王愛倫;左下:王愛倫/LL/楊婉儀;右下:Fun in black..
左上:5強接受司儀訪問;右上:3號張舒雅正接受上屆冠軍張嘉兒加冕;左下:落選佳麗上前恭賀得獎者;右下:大會及最上鏡小姐評判上台合照..
右上:冠軍與家人合照..
左上:近睇馬賽的五官的確很sharp;右上:陳倩揚真係唔似黃麗梅喎..
左/右上:曲終人未散;左下:去年亞/季軍王君馨及周美欣,王君馨當晚的拉丁舞表現很出色,果然不負舞后之名;大批記者湧到台前霸位拍照..
大會評判之一:黎明 ^_^


15 comments:

TT said...

其實是晚最經典一刻, 莫過於宣布冠軍一剎那, 坐響我隔離兼一向自稱份人好定既無累旅子竟然大嗌跳起兼狂拍我左臂, 同平時淡定既神態判若兩人, 果時我都俾佢嚇窒, 以為佢神打上身!

我其實真係唔係好明點解3號拎冠軍都叫"爆冷", 佢呢d質素80年代選都會係熱門啦, 真係令人摸不著頭腦。 不過TVB D髮型仍然係好大問題, 其實放返d頭髮落黎(好似亞軍咁)真係會好好多囉, 唔好再紮起扯高d頭髮啦好冇。

好期待張小姐代表香港出戰世姐, 唔知會唔會好似當年左慧琪咁多noise呢?

Unknown said...

great commentary, it's fun to read and thanks for showing all the behind the scenes pictures...very cool

Anonymous said...

You are much better looking than "大會評判之一:黎明 "....

Wordy said...

你好滿意賽果噃,但我唔太鍾意張小姐既身型,瘦平外,個身長左少少,着衫唔夠好睇。

BTW,係某 d 角度佢笑起黎竟然令我諗起蘭茜 @_@

robocon said...

一直期待你的港姐網記, 終於等到了! 現在傳媒報導只集中在"造馬"及討論區的偏激留言, 我根本無心機睇.

張舒雅雖不是賣飛佛,但佢攞冠軍我都好開心.她絕對是靚女一名,若加些肉,學吓啖吐,毛記又為她設計套得體的晚裝, 確不難在世界小姐大放異彩.

當晚兩大奪冠熱門梁雅琳和梁倩汶都無乜神彩, 尤其毛記整套亞婆啡色泳裝比倩汶著, 令佢原本成熟的樣子更加老氣.

亞軍我原本屬意高海寧,她那晚很sharp. 但現在陳小姐攞都唔失禮, 她啖吐得体得來令人很舒服, 沒有像姚婷芝般機心算儘. 若她代表香港參加ms. international, 香港又好大機會冧莊攞友誼小姐啦! 當然都希望她憑半點主場之利入前十五名.

馬賽仍然不是我杯茶,但她應該幾有觀眾緣.

可惜的是當晚製作都比去年差, 舞台也令我失望. 尤其那架大貨車, 令我想起紙札舖那些囉! 那套跳彈床娃娃裙簡直嚇死我, 好核突!
唯一一讚是今年泳裝及旗袍設計不錯,但點解一套似樣晚裝都冇!? 整埋晒D SM衫比佳麗著, 把鬼咩!

剛剛翻看,當王君馨頒最上鏡小姐俾馬賽時, 鏡頭影到姚婷芝個樣雖然努力拍掌和微笑, 但真係像好辛苦好想喊咁! 我唸佢都俾好大壓力自己!

naruto said...

亞黎生,好靚仔呀!

Fun said...

to TT,
無累旅子個人咁定都有咁既表現証明佢好得3號。你應該影下佢當時個樣!實情我都有不少朋友話3號醜喎,R頭!希望無記會俾件見得人既晚裝佢去世姐啦..

to johnny,
thx for reading la~

to anonymous,
no way la~~ ^_^

to wordy,
好滿意賽果啦,如果換4號入埋前3名會仲好。3號既身材係平d既,不過出到去選個高度會幫唔少,stage presence會好好多.. 蘭西?唔係掛,佢真人好sharp架..

to robocon,
入左5名我真係諗以為3號頂籠得季軍,點知佢竟然得冠軍,開心到我呢。梁雅琳個晚好plain,完全唔起眼,得個大方。

梁倩汶講野好唔掂,問題環節仲係全場最低分添..

如果高海寧拎亞軍陳倩揚得季軍,咁就perfect。陳倩揚去國際小姐真係好大機會得友誼小姐架,佢又識日文,真係fit晒。

今年d props係有d漏。至於髮型就無得救啦,無記最鍾意紮起佢地d頭髮,最弊紮得唔靚丫嘛..

報導話姚婷芝慶功個時係最早離場,唔係好開心咁喎。算啦,佢擺明唔會選到既,等簽約做5線藝員吧啦..

to naruto,
我代老黎多謝你~~ n_n

Artman said...

其實已經有好幾年冇睇港姐, 今年因為質素標升所以有看, (雖然一邊竹戰一邊看).

馬賽其實當晚最靚最sharp, 身型輸蝕無話可說, 拿最上鏡小姐十分合理.

陳倩揚真係令我好surprised, 完全擺脫黃麗梅的影子, 雖不算好靚, 但大方夠晒.

坦白說3號當晚不算最靚, 表演亦不算太突出, 可能正如你所說的髮型關係, 宣佈前我預感會係7號, 好彩最後都係靚女贏左.

當晚班女勁多環節要跳舞, 辛苦晒, 仲以為選舞后, 但係12號的舞姿真的嚇死人.

林峰扮justin唱sexyback, 真係想xyz佢...

泳裝時見到有個男model係nel nel條仔, oh no...

Wordy said...

Fun,蘭茜顴骨到額頭都算輪廓分明架,我話張小姐呢 part 人有相似啫

Fun said...

to artman,
但係d forum依然有好多人話3號好醜.. 費解!

其實唔知跳咁多舞做咩,catwalk多d好過啦..

林峰唱歌先難聽到爆..

to wordy,
總之唔似啦 @_@

CH Mak said...

其实到最后3选1的时候真系是但一个都有机
3号够高
4号够劲
7号得体

Fun said...

夠勁先好~ -_-

??? said...

無累旅子個人咁定都有咁既表現証明佢好得3號。你應該影下佢當時個樣! ---> 我稔我當時應該似林良蕙獲選港姐個反應~

宣佈左6號黃麗梅係亞軍個下, 我真係以為 TVB 會選7號, 當時真係有 d 想走架!

其實如果真係7號冠軍, 我覺得同選黃麗梅或者馬賽無乜分別囉.

Leo said...

選美星動,勁!

其實我近年好怕睇港姐,今年無意間睇到後小半,司儀陣容、行頭同言談都似足奬門人,你老友阿王生做唔到呢個騷都真係唔駛恨囉!

阿寶 Francis said...

其實我覺得司儀...真係要換一下~! 換左志偉同叻哥走啦, 王祖藍其實都尚算OK, 點解唔試下鄧梓峰+李浩林呢? 我覺得會好少少~!
而全個選美會, 最重要有三parts, 泳裝, 問答同晚裝..佢地可以用旗袍sub 左晚裝環節...但係我覺得佢地有啲環節稍嫌求其....
我以為佢有咁大個台...可以扮下MU泳裝環節, fing 下條絲巾, catwalk 下呀...點知係....是旦行兩步...就趕住去辯論..有何儀態何見~??
其實前半個show 可以cut 左佢, 又咩科技, 又咩蛻變..冇樣好睇...好悶~!
全晚7號係咩樣, 我真係唔記得...我好留意到3,4 ,6 俾我既印象深刻一啲..唔知點解其實唔太喜歡11.

in btw, 林峯唱歌真係no way!!! 算啦..當晚容祖兒都走晒音..