7.14.2008

速報!環球小姐競選part II

2008年度環球小姐競選終於香港時間14日早上11時完滿結束,經過近兩小時激烈角逐,最後由賽前大熱之一,芳齡22歲、身高5呎10吋、來自委內瑞拉的Dayana Mendoza摘下后冠。這次亦是該國的代表第5度(79/81/86/96/08)登上環姐寶座,平了波多黎各的紀錄。

甫開場80位佳麗以色彩鮮艷兼閃令令的cocktail dress登場
大會司儀:Jerry Springer及Mel B.;二人是近年較出色的司儀組合

經過上星期二的初賽後,大會已從中挑選出15位佳麗進入準決賽,她們分別為:
1. 澳洲 - 螢光幕中所見實在靚到飛起,艷光四射
2. 哥倫比亞 - 笑容極度甜美,男生必buy
3. 捷克 - 有貴氣,但那頭過黑的秀髮有點礙眼
4. 多明尼加 - 身高6呎,台型十足
5. 匈牙利 - 唔知點解入選囉
6. 意大利 - 樣貌比真實年齡成熟,幾有氣質
7. 日本 - 成個張惠妹咁款
8. 科索沃 - 選佢應該係gimmick。成晚都嘴嘟嘟,行性感
9. 墨西哥 - 賽前大熱,各方面表現平均
10. 俄羅斯 - 同匈牙利一樣。咦,今年佳麗入住的酒店是由俄羅斯人所擁有架喎,唔通..
11. 南非 - 如果要留一席位與非洲佳麗,南非必然是首選
12. 西班牙 - 大大份又唔係好笑
13. 美國 - 實入架啦
14. 委內瑞拉 - 另一頂頭大熱,無理由落選
15. 越南 - 俾面派對

15強中雖不乏熱門人馬,但仍有多位大熱如巴拿馬、印度、比利時、挪威、愛爾蘭及烏克蘭小姐等全部出局,實在意外。隨即15位佳麗換上三點式泳裝埋身肉搏以爭取前10名位置。

左起:澳洲/哥倫比亞/捷克
左起:多明尼加/匈牙利/意大利
左起:日本/科索沃/墨西哥
左起:俄羅斯/南非/西班牙
左起:美國/委內瑞拉/越南

泳裝項目中哥倫比亞小姐得分最高,委內瑞拉小姐緊隨其後,美國小姐位列第3,西班牙小姐排第4,反而在先前泳裝單項比賽中得冠軍的墨西哥只排第5。樣貌與身材都屬超班馬的澳洲小姐只排第9,日本小姐排14。而越南小姐則以超低分包低。

獲得進級的十位佳麗分別為:
1. 澳洲 -
2. 哥倫比亞
3. 多明尼加
4. 意大利
5. 科索沃
6. 墨西哥
7. 俄羅斯
8. 西班牙
9. 美國
10. 委內瑞拉

接著10位佳麗換上自選晚裝騷哥利角逐5強。

左起:澳洲 - 一個字“靚”,只輸在台上表現不夠energy;哥倫比亞 - 捨棄典型的華麗“選美晚裝”,很fashionable
左起:多明尼加 - 無比醜,不論不類;意大利 - 款式不俗,但太低調
左起:科索沃 - 繼續嘴嘟嘟,表現比想像中好;墨西哥 - 改穿白色透視晚裝,初賽時的黃色晚裝似乎較好
左起:俄羅斯 - 擺明抄02年俄羅斯小姐那襲得到極高評價的Gucci晚裝;西班牙 - 這件晚裝突顯了其虎背熊腰的缺點
左起:美國 - oh my god,一出場即跣低,雖即時彈起繼續比賽但難掩尷尬面色。美國小姐連續兩年於晚裝項目中PK,karma乎?;委內瑞拉 - 果然食過夜粥,選最壓台佳麗肯定係佢
美國小姐連續兩年pk,慘~
美國小姐PK實況

晚裝項目中哥倫比亞小姐以9.829分再下一城排頭位。值得一提的是史上最高的準決賽晚裝分數亦是由哥倫比亞小姐所擁有(9.897),時為94年。第2至第5位是委內瑞拉、多明尼加、墨西哥及俄羅斯小姐、美國小姐一跌便跌到第8、意大利小姐排第9、澳洲小姐為包尾大班。

最後5強中有4位是拉丁美洲繼麗:左起 - 哥倫比亞/委內瑞拉/多明尼加/墨西哥/俄羅斯

5強佳麗最後需接受評判的提問,一問一答定生死,好緊張!今年的5強全數不諳英語,委內瑞拉所得到的問題是:Do you believe men or women have easier live and why。在翻譯的協助下她挺有信心地以不太流俐的英語回答:“Actually, God made men and women different. But the big difference between women and men--it doesn't matter what kind of life they live--is that men think that the faster way to go to a point is to go straight. Women, no. The faster way to go to a point is to go through curves and fixing every curve.”其餘佳麗表現平平,高下立見。

在最後問答環節前大會先頒獎兩個獎項;上圖:友誼小姐 - 眾佳麗投票選出薩爾瓦多為最友善的佳麗
由網民投票選出的最佳民族服裝獎得主:泰國小姐
泰國小姐挑選改量泰拳裝作為民族服
去年冠軍森理世堅持走偏鋒路線,成為首位穿著踢死兔為新一屆環姐加冕的師姐
亞軍是.. 哥倫比亞小姐,08年環球小姐是委內瑞拉小姐Dayana Mendoza!
委內瑞拉小姐淚盈於睫
多謝~多謝~
攝於賽後的記者會

10 comments:

lululu said...

venezuela was the last one i picked. i really prefer columbia and mexico. :(

TT said...

尋晚東張西望竟然罕有地用左一段頗長時間講環姐, 不單止講得獎名單, 仲講下綵排花絮, 又提"五強中有四位係拉丁美洲佳麗" (serge睇到實好歡喜), 非常資料性。 唔知係咪tvb今年會協辦國際小姐, 所以特登報道多d國際性選美等大家多多留意呢下?

Fun said...

to lululu,
哥倫比亞小姐一路領先,臨門撻Q我諗應係關條問題事,佢答個條問題係環姐歷史上出現過好幾次,答親既都無好下場,92年既超大熱委內瑞拉就係咁衰左。我係選墨西哥架!

to tt,
我有睇到喎都,希望終有一日港姐會回歸環姐啦~

阿寶 Francis said...

07 08 兩個miss USA 都係晚裝PK!!! 呢個仲邪~~~~~~~!!!!!! 今年日本小姐點解咁削架.....!!! 前兩年都好少少喎~! 澳洲小姐係靚~但係唔係選美格, 係明星格, i think~! 賽果算正常~! 都係大熱之選~!

??? said...

越南小姐個樣非常之 plain, 同一般香港 d 四五線既電視台藝員仔無乜分別.

美國小姐其實都幾醜, 不過身材好, 同埋行出台都有型有格, 最後咁樣 PK 法又真係幾慘.

最衰張嘉兒無得參加啦.......

Anonymous said...

日本小姐個樣好似整個, 去年的冠軍亦都走哂樣。

Unknown said...

most of the finalists have some kind of plastic surgery

Wordy said...

舊年 Miss USA 條裙後襬長而自踩坐地,今年又搵條差唔多,抵佢坐多次 :p

Fun said...

to wordy,
舊年既MUSA唔係踩親自己條裙架,佢係跣腳,成個向前坐低,兩腳伸到直一直!今年呢個好似遲左出黎,司儀嗌左兩次“Miss USA”佢成仆出黎,可能太心急,一出場就叉錯腳~~

Sergio Gonzalez said...

好感動, 好開心同十分滿意今屆賽果!!

TO TT:
錯過左冇睇東張西望添, 好想聽下佢點評述