陰陽路六十九之鬼偷你底
好恐怖，聽就聽得多，原來真有其事架~~
今勻仲發生喺自己身上，真係詭異過陰陽路！
話說尋晚我去gym跳bodycombat，一粒鐘後身水身汗，由底到外都濕立立，跟住我就咋咋臨走返入更衣室，然後打開個locker，換衫沖涼啦。 行到去shower room既時候發覺滿晒，所以咪企喺出面等吓囉.. 等緊既時候，我後面有3個人，企正喺後面既係我個frd，識既， 而排喺佢後面就有一個老外同一個中國籍男子。 等咗差唔多4分鐘，有人行返出嚟，咁我咪入去囉.. 去到嗰一格既時候，我首先剝咗條底底掛起，再將圍住下半身既毛巾掛埋上去.. 跟手就拉簾沖啦，沖咗大概7分鐘左右，恐怖既事就發生啦~~~ 當我拉返開浴簾，拎起條毛巾之後.. 突然有陣陰風吹過... 跟住我發現..
呀~~~~~~~~~~~~~~~~~ 條底底唔見咗呀~~~~~~~ 嘩... 有鬼呀~~~~ 究竟邊鬼個撻架？心都寒埋！ 撻嚟做咩鬼呀？好鬼變態~~ 救命~~
其實我係咪應該報警呢？
如果我報警，警察叔叔會問我咩呢...
警察：先生，請問你點樣唔見架？
我：俾人撻..
警察：點解你咁肯定？
我：errrr...
警察：你會唔會喺gym度有仇口？
我：errrr...
警察：咁底底上面會唔會有啲特徵可以證明係你架呢？
我：errrr...
警察：先生，你咁樣我地好難做架喎~
由於我唔想警察叔叔難做，所以我決定打堂齋算數！
撻我底底個位人兄，聖誕快樂，新年進步呀吓！
18 comments:
會唔會係我地其中一位blog友所為呢? 哈哈哈!!
我相信應該係......
Wa....This 鬼 must have very good taste in men wo!
Which gym & which branch you visited?
你着條濕底去沖涼，但另冇帶一條乾淨既入 shower room……
話時話，你咁替警察叔叔着想，佢有冇黎一個「叔叔抱抱」 ^0^
我諗係條底自己偷走，同另外一條底私奔
might be your friend stole it...check his bag....
一定係有人暗戀你...條底底
恭喜恭喜
費仕騰,你reply得咁快既,係咪你偷架?又唔叫埋我去見証~
原來係香艷故事一則
for you :
傾斜的雨絲 傾斜的你與癡
傾斜的親我 傾斜的鏡子
傾斜倒掛襯衣 傾斜偷窺我
..
其實我討厭水龍頭的迴音
滴滴答答的挑撥 告訴我有多寂寞
有誰和誰走過 燈火一下下閃爍
只有老房子記得這些人的承諾
聽過誰的呼吸 像潮起潮落
有某某的聲音 一句句的隱沒
浴簾長了耳朵 說不定錄下來拿去廣播
在我和某某之前 這裡是誰的窩
有誰比誰快活 誰為誰而難過
留下多少指紋 說不定做過一樣的動作
我都好同意﹐佢可能係暗戀你o既人。依我用「打工狂想曲」裡王祖賢o既邏輯同口音﹐呢個人應該留意o左你好耐o架啦﹐但佢怕醜又唔敢向你表白﹐為o左頂癮同解佢相思之苦﹐佢唯有出此下策﹐將你充滿「汗香」o既底記sa去﹐留為紀念……
如果我住近一o的我一定幫你盯住條底記。
Seriously, 不過你就算唔報警都應該話俾個尖o既工作人員知道更衣室唔係幾「乾淨」﹐今次就話偷底記﹐下次點知會唔會有人玩偷拍﹖
其實.... 如果有人都係去我個gym既話應該知道銅記個邊係有幾位騎呢人既~
唉..
偷拍.. 希望大家唔會有一日響youtube見到我啦~
但係我希望渦~ :P
雖然有句話:干卿底事!(關我乜事)
但呢件事關你條底事更關你個人事
...仲應該係喜事...應該有人瘋戀你....
希望佢係一個可以讓你喜歡的人...那就真係聖誕快樂了!!!!
p.s.點解你不向gym d 人備案???
嘩.... 乜你痾膠茄(Ogake)份人咁變態架!!
係youtube見到人好變態咩?偷拍可以係偷拍你食野/行街個樣架嘛~~阿騰~你諗多左啦~
影人食野同行街都叫偷拍先好!!
我試過比人偷袜袜...
嗰次我將一對濕lup lup嘅袜袜同埋對鞋劈咗喺地下, 冇鎖到入lucker就走咗去洗白白，點不知爭係得對袜袜比鬼偷咗，鞋又冇唔見到喎...
啲gym點解咁多咁奇怪嘅鬼嘅呢...???
Post a Comment