希慎星巴克.. 光榮引退
好傷心呀..
銅鑼灣希慎道嘅星巴克，
尋日光榮引退啦！
呢間係全港第一間星巴克，
唔經唔覺就開咗十年..
無啦啦要閂門，真陰功，
我以後同朋友每個拜日下晝嘅coffee gathering，
要改去邊呀咁..
雖然銅鑼灣仲有好多間星巴克，
但成個package嚟計，
真係無一間有希慎呢間咁好架呢。
再者，幫襯咗咁耐，有感情架嘛，
改咗去第二度就係另一回事啦..
唉~~~
呢間星巴克位對正大馬路(希慎道同禮頓道)，再加上弧形嘅窗口，絕對係to see and be seen嘅最佳位置
呢度同隔離嘅翠園會一齊摺埋，聽講三層高嘅翠園會變成I.T喎.. 點啫，成個銅鑼灣周圍都係mall，真係夠啦，香港係咪無嘢可以offer俾遊客架？好激心
有同道中人喎，帶晒相機嚟影相留念
唉..
唉..
唉..
臨別依依，飲番杯綠茶黑芝麻拿鐵同焦糖咖啡
店入面其中一道牆貼滿照片同顧客/店員寫上嘅祝福語
keep in touch.. 再邂逅是那天
9 comments:
呢間係我第一間認識既星巴克, 同前度都留下唔少光陰.... 要走既點留都係要走~
我只係覺得真係夠shopping嘅地方啦... 好煩呀..
i also went there on sunday. so many ppls. um...do you think starbucks in hk (especially the urban area) only for those students?! ahahah...what a scene...
CL
呢間係我第一間去既Starbucks
中學七年每日放學都經過呢度..
銅鑼灣最舒服既starbucks就係呢間
好唔捨得呀:(
你唉到我個心都實哂呀陰公..........
呢間係第二間,全香港第一間星巴克係中環交易廣場
我都記得第一間應該係交易廣場, 尋日先經過希慎道呢間, 但我唔知道佢即將關門大吉呢!
好似早年去過一次咁大把。好難揾位！
杯綠色嘢好難飲！
chris,
yes.. students just flood the whole place!
que,
yes, dunno where to go lu..
TT,
SIGH!
Anonymous & Ocean,
I just checked Hysan Starbucks opened just few days after Exchange Sq :)
Leo,
YES, the green latte with black seasme is kinda.. awful!!
Post a Comment