11.10.2009

回憶總是Fun的 (生活篇 - 我在美加華語電台的日子)

94年夏天,亦即大學最後一個暑假,
我在家母的鼓勵下參加了電台的訓練班。
經過首輪面試,共25人可接受為期兩個月的訓練,
然後再從中揀卒加入電台工作!
94年11月,我有幸被選入早晨節目做PA,
首項工作是報導即日體育消息以及每半小時的交通情況!

美加華語電台,源於紐約,分台遍及洛杉磯、
芝加哥、蒙特利爾及多倫多,
是北美歷史最悠久的華語廣播電台。
但要收聽美加華語節目是需要購買一個指定收音機的,
即等於一個小cable,雖然比較麻煩,
但在90年代初,能有一個24小時不停廣播的華語頻道,
對華人來說已是莫大恩賜..

在美加華語電台工作過的猛人不少,
當中包括已移民加國,來自香港的台前/幕後人士,
例如:程乃根、江雪、苗可秀、湯正川、
孫明貞 (為IQ博士中小雲配音那位)。
另外亦有一些是離開美加華語回港後才加入娛樂圈的,
例如:陳芷菁、余宜發、彭晴 (港台DJ) 等等..

我在美加華語電台渡過了兩年半的日子,
由PA做到正式主持,由報告交通到有自己節目,
由雞手鴨腳剪錄音到熟手技工,
總之在這裡所發生的一齊都是美好的~

DJ訓練班畢業晚宴,你們認得多少位現時有在電視演出的主持呢?
苗可秀是下午主打節目的其中一位台柱。照片是攝於她某年的生日
96年台慶我跟發仔一起擔任司儀
龍翔鳳舞賀台慶.. 娘到呢..
那個年代當地華人旅行社很喜歡以DJ作招徠,吸引聽眾參加一些短線旅遊,DJ隨團出發,同團友唱吓歌、玩吓遊戲、影吓相就有$$收,幾可觀架.. 這一張應該是“五指湖三日兩夜”之旅的宣傳照

9 comments:

Leo said...

如果你肯重出江湖搞返個五指山團,肯定仲爆過當年九萬幾倍囉!

Agnes Tse said...

原來孫明貞移民左加國. 好懷念佢把聲.咦, 但佢配小雲, 樂蔚配小吉喎!

Fun said...

leo,
=="

Agnes,
made mistake tim.. ammended!! :)

Agnes Tse said...

敢問Fun哥個人節目係講乜野呢?

naruto said...

94....真係我走你黎

阿ta said...

wa! 原來你做過DJ! 好勁喎!!! 而家好想同你傾下電話聽下你講野呀!!
1994年,我岩岩果年出世。
你仲咩以前咁肥?同埋我覺得你而家個樣係後生果以前囉.....撞鬼!

成日同你一齊影相果個有D 似『今日VIP』的永業。
仲有圖1第1行右1果個好熟口面呀!

Fun said...

Agnes,
phone-in/傾偈/播歌

naruto,
我喺94年入電台,唔係94年先去加拿大喎

ta,
成日同你一齊影相果個有D 似『今日VIP』的永業 > 吓,你反而唔認得?我開埋名啦喎.. :)

best actor said...

94年我屋企好似已開始無咩點聽美加華語﹐開始專注電視 (果陣我仲讀緊co-op﹐多倫多同大學兩邊走﹐更無留意華語廣播)。不過我阿媽可能捧過你唔少場架。唔講開都唔知你係本地明星。

五指湖三日兩夜! wahaha! ;o)
有無大班賭場團?

TT said...

自從94年fairchild入主華語電視台及電台, 都好少聽美加華語, 所以真係冇乜聽過你既節目, 但我仲記得陳齊頌! haha