咩意思

某日跟同事A有以下對話..

同事A：深圳電視台想邀請Laura上佢哋節目..
我：咁咪好囉！
同事A：上去又接受訪問又要唱歌又盛，我覺得要收佢哋錢！
我：收錢？
同事A：係！
我：errr.. 咁係咪淨係做嘉賓先？有無commercial value嘢呀？
同事A：咁就無..
我：咁好難收人錢喎~
同事A：點解？
我：淨係上去亮下相，我哋當俾面架咋喎..
同事A：唔係喎.. (下刪50字)
我：即係咁囉，TVB請嘉賓上獎門人，唔通收佢哋錢？
同事A：咁.. 我問下囉，咩都可以問啫~
我：(無佢咁好氣) 咁咩都可以問既，問下囉..

今朝早，我聽到佢同對方既電話對話..
同事A：無.. 我想講返邀請Laura既事，想話返你知可能有一個收費..
跟住我隔幾丈完聽到對方好大聲“咩話？？”..
同事A覆：唔係唔係.. 我既意思係想知道成個節目會係點，bla bla bla bla..
我心諗：問人收錢但又唔係咁既意思，咁.. 即係咩意思呢實在？

(講完)