1.13.2009

中森明菜Folk到

日本一代歌姬中森明菜自從憑《歌姬》系列谷底反彈後,一直十分眷戀這條翻唱路線,前幾張專輯都得到上佳成績。就以07年6月發行,翻唱演歌為主題的《艷華》專輯為例,除了銷量不俗外,還獲得日本唱片大賞的《企画賞》(企画賞是頒與在唱片製作及宣傳上表現出色的專輯)。經過一年零六個月後,Akina又有新搞作,在剛過去的08年平安日,她推出了全新專輯《Folk Song:歌姬 抒情歌》,今次同樣玩翻唱,主題是70年代的日語流行民歌。曲風方面依然一貫《歌姬》風格,沉鬱哀愁,配合Akina磁性而帶點沙啞苦澀的聲音,很動聽。在網上看過粉絲的評價,一般都覺得這張專輯是一張保持水準的製作。粉絲buy,但一般樂迷又如何?在今個星期的Oricon大碟榜中,《Folk Song:歌姬 抒情歌》初上榜只能進佔第30位,坊間反應很一般,似乎翻唱“水”未必再是Akina的食糊formula!

以下揀選了專輯中的4首作品及其原曲跟大家分享一下:

想い出まくら (回憶之枕)



想い出まくら:原唱 - 小坂恭子 (75年) - Oricon細碟榜冠軍作品,買出85萬,全年銷量排行第三



22才の別れ (22歲的離別)


22才の別れ:原唱 - 風 (75年) - Oricon細碟榜冠軍作品



冬が来る前に (在冬季來臨前)


冬が来る前に:原唱 - 紙風船 (77年)



わかって下さい (請你明白)


わかって下さい:原唱 - 因幡晃 (76年) - Oricon細碟榜冠軍作品、YAMAHA Popular Song Contest最優秀曲賞、世界歌謠祭入選作品。羅文亦曾將歌曲改篇為廣東版:背影。


註:《Folk Song:歌姬 抒情歌》一共有5個版本:初回盤A/B/C/D/通常盤,各有不同封面,而當中只有初回盤A附送DVD。港島區粉絲可到灣仔集成中心聲威閣購買,無行貨,水貨賣300大元!

7 comments:

Leo said...

我有歌姬2。好好聽。上張係精選,遲疑咗一排,冇買到。家下要買可能有啲難,而且實貴喇!

呢隻又得唔得?等我試聽下先!唔該勳哥!

Fun said...

上張係精選 --> 你講有dvd個張?

《艷華》好好聽,你要買啦!

《Folk Song:歌姬 抒情歌》今個禮拜已經跌出50位啦,唉~

Leo said...

《艷華》我有買呀,好似二百幾蚊。嗰期仲三百幾蚊買咗佢隻新演唱會DVD添。

我講嗰隻係《歌姬3》呀。

好似之前仲有隻係翻唱演歌架噃,你有冇?

Leo said...

噢咪住先,我有嗰隻係廿五周年精選,日版,翻唱私房歌,包括《月華》。

咁《艷華》係咪即係《歌姬3》?

睇返我隻《歌姬2》係港版,新藝寶發行,但《歌姬3》好似係新力發行?《歌姬1》好似冇港版,又好唔好聽架呢?日版係咪著和服做封面架?

Fun said...

《歌姬2》之後係《歌姬double decade》(卡通封面, 翻唱自己歌), 然後先係《歌姬3》!兩隻都已經係環球發行啦~ 《艷華》係《艷華》呀, 不過都屬於歌姬系列既~

Leo said...

嘩原來出到咁密,真係跟唔切囉!

多謝指教。剛試聽完,不改風韻。

咁多隻如果只揀一隻,買邊隻好呀?

Fun said...

of cuz《艷華》la~~~