1.07.2009

我看叱咤頒獎禮08

本來今年不打算寫叱咤頒獎禮了,但睇完十大勁歌之後又令我想寫一下..

叱咤向來都被認定為“較”為公正的一個頒獎禮,但近年都經常被指造馬..
例如:咩咩歌都未聽過又話入十大..
專業推介即係DJ話事啦..
話計播放率啫,鬼知係真唔係..
講得出以想上說話的人肯定非903聽眾,人家的規則都唔清楚就話人造馬?

喂,叱咤第一日頒獎已經話到明是統計播放率啦,是903的專業推介,不是觀眾票選XYZ或者幾個人圍埋攪個音統處俾分,每隻歌播過幾次都mark抵晒喎。亦即是話當人家問起獎項是如何得來的時候可以大大聲理直氣壯兼有埋supporting騷証據,咁點算造馬先?好啦,就算真是“造馬”,人家要用一年時間去勁播某某的歌去造馬,不是臨門先塞個唔知咩獎俾你,造馬都咁有誠意,ok啦吓嘛!

專業推介 叱咤十大
第十位:《我哋大家》- 林海峰
- 自己頒俾自己俾著第二個實被噓死。這首歌入十大跟去年的東京鐵塔Guru Guru一樣,自己人撐自己人囉。咩喎,啤梨都勁勁勁勁勁爆啦試過。
第九位:《撈月亮的人》- 楊千嬅
- 轉會後的作品質素簡直是插水式,那首《誇啦誇啦啦》簡直不X知所謂,實在令愛她的人非常氣餒。《撈月亮的人》算是合格之作,能擠身十大算執返身彩。若然下年的作品依舊so爛,可能她連在叱咤也要吃白果了。
第八位:《舉高隻手》- 農夫
- 不能否認他們算是上到地面,但我就.. 不敢恭維了。
第七位:《路…一直都在》- 陳奕迅
- 港星以國語歌殺入十大前科好像只有陳小春的《神啊救救我吧》。
第六位:《ABC》- 歐陽靖
- 903喪播之作!歐陽靖應該會好好珍惜今次上台機會,因為下年都應該..
第五位:《櫻花樹下》- 張敬軒
- 去年橫掃叱咤,今年即時放慢腳步。有一個建議給軒仔,唱live唱到最爆的時候可否學肥媽咁拉咪呢?
第四位:《跑步機上》- 容祖兒
- 以快歌得獎實屬難得,好期待香港可以多好多快歌囉。還有.. 容祖唱live真的好呀!
第三位:《下次再見》- 古巨基
- 好怕他終日著到Harry Porter咁~
第二位:《Love Song》- 方大同
- 好開心看見一個唔唱歌唔作歌唔彈結他會死的人可以在樂壇創一番成就。
叱咤樂壇至尊歌曲大獎:《囍帖街》- 謝安琪
- 不是說歌曲本身水準不夠好,只是08年好歌實在少到離譜,所以輕易以舉地成為本年最入屋的歌!。當晚Kay的live算是ok,不過可唔可以再好啲呢?

2008四台聯頒音樂大獎歌曲獎:《囍帖街》- 謝安琪
- 無可能是第二首啦!

叱咤樂壇生力軍獎項 - 一直好希望叱咤可以給與金銀銅的歌手都有演繹機會,今年終於有啦(雖然短)!
男歌手
金獎:陳偉霆
- 真的想在加記做尖見到他的時候叫他跳兩嘢來睇,因為真是幾好睇。
銀獎:狄易達
- 他都跳得好睇喎,不過個樣太像七仔收銀,望極都唔記得樣。
銅獎:徐浩
- sorry,真是第一次見佢個樣~
女歌手
金獎:G.E.M. 鄧紫
- 17歲、聲大大、噢畸樣、識講說話,加加埋埋會否成為走紅的條件呢?By the way, G.E.M原來解作Getting Everyone Move!
銀獎:胡杏兒
- A.胡杏兒 B. 鍾嘉欣 C.死,你揀邊樣...
銅獎:方珈悠
- 似乎做model適合些~
組合
金獎:RubberBand
- 賣點應該是勁似阿Jan的泥蜢!
銀獎:Mr.  
- 主音超似醫神~
銅獎:廿四味
- 哦.. 陳子聰~ 話時話,上兩個星期無記收費台重播阿梅一個97年的音樂特輯,入面有瘦過現在100磅的陳子聰呀,真是靚仔一名嚟呀!

叱咤樂壇唱作人
金獎:方大同
- 講唱作人,講08年,捨他其誰?
銀獎:王菀之
- 我有朋友好唔妥她,話聽到毛管棟.. 聽Ivana唱live我都會毛管棟,不過是好聽到毛管棟~
銅獎:林海峰
- 如他所說,得銅獎是實至名歸。

叱咤樂壇作曲人大獎:方大同
- 個人已有3首叱咤冠軍歌,再加上寫給別人的作品,得獎有理。
叱咤樂壇填詞人大獎:林夕
- 我點都係buy林夕多好多囉~
叱咤樂壇監製大獎:雷頌德
- zzzzzzz..
叱咤樂壇編曲人大獎:王雙駿
- 好彩是Carl叔叔而非麥雷!

叱咤樂壇至尊唱片大獎:《Binary》- 謝安琪
- 親身經過,只是昨晚的事!從加國回港渡假的SC想買這張專輯,但成個銅鑼灣除了HMV之外,全線無貨囉(仲)!

叱咤樂壇組合
金獎:農夫
- ................
銀獎:at17
- 出年努力啲啦好無!
銅獎:HotCha
- 我ok她們喎又~

叱咤樂壇女歌手
金獎:容祖兒
- 聽得出企圖用謙虛的語氣講得獎感受,咁咪好囉!
銀獎:謝安琪
- 出年起碼坐銀望金~
銅獎:王菀之
- 同年出道的衛蘭及謝安琪都先後殺入3甲,今年終於論到王菀之,遲到好過無到..

叱咤樂壇男歌手
金獎:方大同
- 從現場反應來看,方生應該可上一線尾了。
銀獎:古巨基
- 在醫神讓賽下依然未能坐正,陰功~
銅獎:陳奕迅
- 出年應會再度發力上路~

叱咤樂壇我最喜愛的男歌手:陳奕迅
- 我覺得醫神起碼可以繼續拎多3屆
叱咤樂壇我最喜愛的女歌手:謝安琪
- 一攪全民投票已知容祖兒無望,楊千嬅又唔爭氣,天時地利下造就阿Kay奪獎!
叱咤樂壇我最喜愛的組合:農夫
- ..........
叱咤樂壇我最喜愛的歌曲大獎:《囍帖街》- 謝安琪
- 現場樂迷投票,最後以三千多票砌抵對手勝出。以這首歌的流行/普及程度來說,三千多票其實算少..

08年樂壇真是悶到想死,09年各路歌手爭氣啦~~~

10 comments:

~LeuMaS~ said...

gosh~ i dunknw why myolie can win that award...

Ogake said...

每個台都有佢個標準啦~
只要唔係某樂迷心中心選擇就會被說成"做馬"~ 叱咤的獎我都覺得ok,真係算係咁多個之中較"正經"架啦~

lululu said...

甘菁菁件衫......青蛇......

cherry said...

總之2008年香港樂壇係水鬥水,邊個贏都係輸家。

Gary Lam said...

G.E.M. 既唱片有人比左我, 我睇左, 原來佢個名係解作.....

Goldfish
Education
Master

仲要影左好多張扮金魚既相, 同埋有貼紙送, 頂你, 好想星 Q 佢...

黑柴 said...

老實說,《囍帖街》唔係話真係超好聽,只不過08年冇咩好歌.陳輝揚都唔知去鬼咗邊!

容祖兒唱live真係超班,噚晚勁歌佢同謝安琪
jam《談情說愛》,高低立見,講真,我從來唔覺謝安琪唱得好好,尤其高音.

Fun said...

leumas,
其實903都播唔少架~

ogake,
係囉.. 我地都無《狼狽廿一世紀》 :p

lululu,
要幫lisa拍部甘青蛇傳~

gary,
下?Goldfish Education Master係講笑架咋下嘛?尋晚睇勁歌,原來佢有d chi lei gun喎.. 可以同 陳法蓉合唱呀~

黑柴,
《囍帖街》歌詞部份可以拎好高分既~ 陳輝揚做緊自己想做既事,唔好阻佢啦!

謝安琪唱live又真係唔爭氣,希望佢唔好淨係做一個studio歌手啦~

無累旅子 said...

原來 wikipedia 有講點解亞 GEM 好似黐脷筋咁架喎:

http://zh.wikipedia.org/w/index.php?title=G.E.M.&variant=zh-hk

Fun said...

Gem獨特的口音曾被誤認為海外歌手,其實她自4歲從上海移居香港後,香港才是她成長的地方。她獨特的口音,是因為左邊顎骨萎縮,上下顎牙齒不能咬合,導致說話時會漏風,而不是「黐脷筋」...

曾被誤認為海外歌手先好囉!

呢個解釋真係... 無得頂~

Leo said...

咦,乜你諗住返商台做咩?:P