8.02.2008

速報!香港先生08 (賽前預測) - 追加泳裝秀

(太陽報)
《香港先生選舉》將於今晚舉行,12位港男昨日先來一場埋身肉搏戰,齊齊穿上緊身泳褲激凸示人。其中成功減肥的(12)朱允崇更連環出擊,燦爛笑容、Cute爆揮手加360度轉體騷肌,狀態大勇!

無線昨日安排「少年組」及「盛年組」候選香港先生作最後綵排,12位僅穿泳褲的半裸候選港男同台列陣,場面激凸震撼!各人在台上擺出自信甫士,大熱門(12)朱允崇甫出場便作360度轉身,谷胸收腹兼露背肌,在台上勁擺甫士,玩足三分鐘,臨離開前還鬼馬地轉身揮手扮Cutie,搞到被美術總監Karen訓話:「企好啲啦!整古做怪,張張相都係咁!」事後他對被責懵然不知,還笑笑口說:「玩吓啫!聽唔到有人話,我廣東話唔好,比賽時會盡力,講唔到中文咪講英文。(Fit咗?)減肥成功,信心多咗。」

12位港男各出奇謀展示實力,盛年組的(10)黃文迪和(11)霍俊毅成功練出六舊腹肌,身形較遜色的(7)陳世強則以騎呢招突圍,突然高舉雙手扮神愛世人,令人爆笑。而(8)何君誠則不慎露毛,事後他笑說不知情:「唔尷尬,事前已Check清楚。(冇身材怕蝕底?)每人有獨特長處,好滿意身形。」影大合照時,(2)招天佑被(1)黃晉業和(3)溫家偉夾擊,被兩人強勁肩膊逼到只能側身站立,即時黑面。招天佑直言排位時好逼:「我想影埋個手牌。(同(1)唔啱?)No!No!No!我哋好Friend!」而他和(3)溫家偉因減肥過度,泳褲不合身而出現鬆脫,情況尷尬。其後大會安排一班港男換衫接受訪問,但(4)陳冠標卻突然只穿泳褲衝出台前,即被工作人員喝令:「你入去支著番件衫啦!」明顯想以標奇立異突圍。

此外,(10)黃文迪被影到與緋聞女友呂慧儀撐檯腳,他表示對方提醒他要放鬆心情,由於最近弄傷腰骨,故此背部留有紅印,他說:「因為貼藥布搞到敏感,頸背同腰雖然已扭番正,但骨醫建議我唔好郁太多,所以冇咁靈活。(表演咩必殺技?)唔講,畀大家驚喜。」

今晚假將軍澳電視城舉行的《香港先生選舉》,由鄭裕玲、丘凱敏和楊千嬅擔任司儀,據知舞台中央有一個水池,港男將以濕身姿態示人。監製何小慧透露已邀請逾50名演藝界靚女擔任評判,屆時還有各階層女性出席。12位參賽者除了競逐「少年組」和「盛年組」冠軍,餘下10位參與復活戰,連同冠軍人馬演出1分鐘的「電影角色演繹」及「終極必殺技」武術環節,再由匯應通、giv及網上投票選出「香港先生」。


12位香港先生昨日以泳裝會晤新聞界
少年組(1號至6號)
2號招天佑
3號溫家偉
4號陳冠標
6號羅天宇
7號陳世強
8號何君誠
9號呂熙
10號黃文迪
11號霍俊毅
12號朱允崇
12號朱允崇是今年頂頭大熱之一

3 comments:

TT said...

就快開始, 好緊張!

TT said...

10同11都輸哂.... 嗚嗚!!!

Ogake said...

一D都唔覺個冠軍好~~~D post真係唔知佢想點呀~