8.04.2008

週六真滋味

在剛過去的週末友人鄧豆回港小休幾天,
我當然全程陪食陪濕平陪飲酒倍睇港生啦!
週六下午先到國金二期的國金軒吃點心,
一直聽聞這家“高級嘢”的點心挺不錯,
今趟終可親口驗證是龍還是鳳了。

取址國金二期擺明做有錢人/商家/優皮生意,裝修當然一絲不苟;左上:內有多盞超巨型水晶吊燈;左/右下:樓底超高,座位勁闊;右上:靠窗的位置可看到被填到不知所謂的維港景色
點心來了!左上:海鮮餃;左下:漁湯鮮竹卷;右上:波菜鮮蝦餃;右下:星斑卷
左上:春卷;左下:牛肉腸粉;右上:酥炸米粉鵝肝卷;右下:金錢肚
左上:炸南瓜蝦餅;右上:柚子蜜天使翼;左/右下:燒腩肉
左上:黃金流沙飽 ;右上:熱到辣口的流沙餡,千奇咪大啖咬落去;左下:風沙雞腳;右下:作為一間“高級嘢”,所有點心都屬中上水準,而最滋味的莫過於那個甜甜酸酸的柚子蜜天使翼及放涼了近30分鐘還脆卜卜的燒腩肉。不過依這個價錢來看,我覺得半島的嘉麟樓比較優勝..
點心之後鄧豆血拼了約個半小時,左三(大)袋右兩(大)袋,真係促進香港經濟不遺餘力。濕完平當然要歇歇飲杯嘢。週六天清氣朗,去國金二期頂樓的G-Bar最啱數..
左上:我的Pineapple&Mint Martini;鄧豆的Expresso set;左/右下:無辦法,真係又要唱“看午後太陽,洒一片金黃..”..
其實這裡的夜景也很養眼,如果天氣不是那麼悶熱,我會建議大家在夜晚的時候選坐在露台位置..

5 comments:

朱朋 said...

重出江湖, 原來係做闊太:p
個流沙飽好似好正, 睇到吞口水添....

男人老狗 said...

請問你哋幾多人去飲茶,可以叫到成枱嘢食咁厲害!

國金軒環境不俗,食晚飯對住維河嘅幻彩fing香江送飯幾好嫁!

費仕騰 said...

如果再晏d 5點靚我建議你唱你教我新識既一首歌: 陽光收工, 熱流仍在傾瀉..... 夏之火花, 早晚都發射!!

Fun said...

to朱朋,
拜六去行吓街啫,咁易做闊太啦喎.. 唔知晚飯係咩價錢呢..

to男人老狗,
其實得4個 :p

to TT,
呢隻係“夜之節拍”,留返夜晚唱啦梗係~

費仕騰 said...

但佢係"岩岩收工"嘛... 5點幾6點差唔多啦!! 最好用小張曼玉"張倩儀"個腔唱!