8.10.2008

生日飯局之住宅式日本私房料理

為RY慶生後,週六又來另一生日飯局,
主角有兩位:RL加維奧娜!
聽聞今次飯局鬧了場小風波,
有人不想某人出席,但結果紙包唔住火,
某人知道自己不獲邀請,直情嬲到冒出煙來!
哎呀生日應該開開心心嘛,咪諗衰嘢~~
去年RL生日飯局玩著橫直間
今年歸於平淡,無主題,齋食就是了!
飯局搞手JK挑了上樓日本私房料理《大葉》,
這家料理就在我所居住的大廈對面,
由於夠隱蔽,聽聞得到不少明星、名模及髮型師青睞。
一向對這些住家式的上樓私房菜有點抗拒,
不是因為其食物質素,而是...
那個“像到別人家裡作客但是要付款”的感覺,挺怪。
《大葉》的面積應近二千呎,估計是由兩個單位打通而成,
店內有長檯、卡位甚至tatami房間,私隱度相當高。


可能我們太大棚人的關係,上菜的速度有如龜速,餓到我呢..

左上:無花果巴馬火腿和風沙拉;左下:日式煎餃子;右上:燒芝士年糕;右下:雜錦魚生
左上:福袋,用腐皮做袋包裹著鮑魚及螺肉;左下:三文魚海膽卷;右上:麻醬豆腐;右下:牛油果鰻魚卷
左上:柚子蜜雞翼;左下:麻醬冷麵;右上:炸蠔;右下:(左起) 牛奶布丁、柚子啫喱、紅豆黑芝麻豆腐布丁;這頓飯不算便宜,以這樣的價錢應有更好的選擇,食物質數亦只算噢畸而已,當中只有那個福袋較為突出..
左上:廚房;左下:兩個男的是廚師;右上:侍應姐姐;右下:tatami
左上:飲杯!;右上:繼續飲杯!;右下:壽星佬/婆
食飽飽邊有咁快散,轉場繼續飲啦,cheers

4 comments:

Ocean said...

我上次去只得我們6個人, 但上菜一樣龜速, 而且食物質素非常一般.....

Fun said...

真係好很慢,餓到我哋飛街~

其實真係得一兩樣ok囉,咁啲星點解咁鍾意去呢?!

阿寶 Francis said...

fun , 你講親噢畸都係...唔係咁噢畸, 哈哈~~~!! 啲菜式.....hmmm....唔噢畸囉...! 我諗貴在係夠靜~!

Fun said...

哈.. 例如呢?

呢位同學請加以說明之~~~ :)