生日飯局之鳳城老味

又來一單！

這個週末，其實我一共獲邀出席三個生日飯局，

但人得一個，分身乏術，所以我最後選擇過檔手拍交VT那邊！

VT是我小四的同班同學，交心近三十年啦，

大家像一家人，不去他的生日飯局，對唔住自己喔~

VT搞生日，不似我，一向都很低調，人數總不會超過十個，

而且永不會吃“鬼佬”菜，因為他喜歡坐圓台，方便大家傾偈喎！

今年主人翁左諗右度，最終決定到北角鳳城酒樓大快朵頤~~

大家要知道香港加九龍一共有四家鳳城，

包括：銅鑼灣百德新街、銅鑼灣禮頓道、

上環德輔道中、北角渣華道及旺角彌敦道，

當中只有渣華街、旺角彌敦道及上環德輔道中是原裝老舖，

銅鑼灣那兩家都是舊伙計自己出來開的，

食物質素絕對不及老舖一半水準！

所以大家以後幫襯就知應該去邊間~~

左/右上：蟹黃翅 - 全晚最貴係佢！不過真係有一排排翅，湯底亦夠濃郁，抵！；左/右下：炸蟹蚶 - 炸得剛剛好，鬆化不油膩 左上：家鄉煎藕餅；左下：苦瓜炆班仔；右上：大良炒鮮奶；右下：蝦子柚皮
左上：炒鵪鶉崧；右上：荷葉飯 - 荷香四逸，個個爭住食；左/右下：西米蓮蓉焗布甸 - 唔食走寶，熱辣辣，甜絲絲，其實我可以鯨吞起碼三碗
左/右上：壽包 - 全晚最唔掂，應該不是自家製，上檯時雖然熱辣辣但很明顯是用微波爐“叮返熱”，放了兩分鐘已開始變硬，失敗；左下：蔡瀾推薦，信得過無？；右下：哇一律十二元，可惜只限拜一至拜五
飲飽食醉後我們移師到VT家裡繼續狂歡，距離話遠唔遠，電車是最好選擇

墮落天使(北角版)