生日飯局之桃花源記

認識GL至今已是第4年跟他慶祝生日，
繼05年法國私房菜、06年泰國菜及07年遊船河後，
今年由PL揸旗搞大龍鳳飯局，
地點是位於上環九如坊，剛開業兩週的桃花工房。
九如坊，毗連人氣食肆林立的歌賦街，
而桃花工房的前身是酒吧，
有一個時候幾乎每個週末我都會在那裡渡過幾小時，
當日它宣佈“摺埋”之時確實令不少蒲友頓失所依！
酒吧變餐廳，但老闆卻是同一人，他照舊非常好客，
加上命根才剛開業，甚麼都得落手落腳。
事前打聽過，餐廳走的是新派粵菜路線，
“新派粵菜”，老實說這四個大字確很令人費解，
粵菜可以有幾新派呢？芝士蒸石班？滷水魚子醬？
即是.. 用Jazz腔唱粵曲，一定九唔搭八，難聽死啦~
換著我就必定耍手擰頭no no no..
不過這是人家的生日飯局，點都要尊重主角的選擇，
那麼就錢照俾嘢照食啦！　

格局很像那些紐約高級中國餐館，相信席間的老外朋友會幾有歸屬感..
飯局開始前大家可先在bar side喝喝酒吹吹水..
cheers..
是夜menu..
蕃茄海澡肉碎湯
越式春卷 (這也算粵菜？)

左上：芝麻醬小黃瓜；左下：蒜蓉蒸鮑魚；右上：酥炸釀矮瓜；右下：椒鹽小蝦

左上：中式牛柳；左下：紅棗雲耳煮波菜；右上：風沙雞；右下：桃花炒飯 (海鮮炒飯)

老闆特意為主角預備了一個自製忌廉芝士蛋糕..
吃剩的食物被包得像愛瑪士手提包..

考眼力：圖中有幾人是沒有穿恤衫的呢？

結果這一頓飯吃了幾錢？

um.. 我覺得噢畸，不算太離譜，

但絕對可以平些少，皆因食物並不是貴價貨，

不過光顧得這類餐廳，都預了部份價格是附給裝修及service，

而於這兩個環節上，桃花工房是交足功課的。

老闆說這裡也會做午市，在附近上班的朋友可以試試如何喔！