無線的堅持

說起這個星光(勁唔)熠熠耀保良，
除了歌星陣容及表現外，我還有一點點想說的..

話說當晚節目邀請了三位應屆港姐亮相，
與當紅小生陳豪一起裝飾蛋糕籌款。

請大家先睇睇朱希敏、朱晨麗及許亦妮的造型~


無記的styling真是好有wow factor，
鑊鑊都令人wow wow(或小小)聲！

先看亞軍朱希敏(左)那條單膊花花裙，
非常有國內品味，穿來落街買餸就fit晒，
不過最畫龍點睛之處當然是腰間那條九唔搭八蝴蝶結啦，
好Karen Chan，正嘢！

冠軍朱晨麗(中)好彩啦今次，不算太醜呀，
雖然款式跟在一般五線婚紗店的七百元貨仔無異！

好啦，到季軍許亦妮，
裙的顏色及pattern已經夠晒搶眼，
而近鏡睇那塊布料原來是便宜到無朋友，
霎下眼以為是皺紙來...

即是咁，無記長年都仍那麼堅持自己的styling風格，
話之你死鬧，我都係覺得靚呀，吹呀？！
這種死性不改的態度，好令人欽佩囉ok？

如果香港政府做事有無線一半咁堅持，
反而會俾人鬧少啲也未定喎，起碼有“吉士”先呀~