速報！香港小姐11 Blogger’s Choice (結果公佈 partI)

蕭亮 (VO)：2011年度香港小姐競選Blogger’s Choice總決賽，現在開始..

蕭亮(VO) ：大會司儀，陳欣健先生.. 鄭旦瑞先生..

陳：各位嘉賓，全球嘅選美粉絲，大家好！位網友，由《Fun生活》主辦、《港乜姐》協辦嘅2011年度香港小姐競選Blogger’s Choice總決賽，現正式開始！

鄭：Phillip呀，唔經唔覺香港小姐Blogger’s Choice經已嚟到第3屆架啦噃。

陳：係呀阿旦， Blogger’s Choice雖然只係第3屆，但已經受到好多網民嘅捧場，實在好令人欣喜。

鄭：唔駛睇第二樣，淨係睇今年嘅評判陣用已經知道犀利，除咗11位指定評判外，我地仲一共招集咗19位網上評判添，而當中更加有來自新加坡、台灣、馬來西亞同紐約嘅網友，從而證明香港小姐Blogger’s Choice絕對係無遠弗界。

陳：好.. 事不宜遲，首先立即介紹下我地12位大會指定評判。佢地分別係1998年度香港小姐冠軍，而家已經移居上海嘅向海嵐小姐。

鄭：第二位係2008年度澳門小姐季軍，而且更會喺稍後時間到泰國參加地球小姐競選嘅伍家怡小姐。

陳：第三位係香港人氣blogger及專欄作家，自認係宅女一枚嘅素顏天使！

鄭：第四位係現定居美國明尼蘇達州Rochester，Miss Hong Kong Gallery嘅網主Ennis Bergman！

陳：第五位係嚟自加拿大多倫多，並且即將嫁人嘅Miss HK Beauty網主Rana Lee！

鄭：第六位係力證當年翁嘉穗並唔係環姐熱門，嚟自美國夏威夷，Johnny’s Pageant Page嘅網主Johnny Auyeung！

陳：第七位都係嚟自美國嘅評判喎，佢係現居西雅圖，大隻程度不遜於一眾港男嘅Pan Wu ，而佢亦都係Chinese Pageant Page嘅網主！

鄭：第八位係睇相俾相士批佢前生一定係latina嘅Serge Wong..

陳：第九位係無得去旅行應該會死嘅無累旅子..

鄭：第十位係平時個人唔多social social不過為選美都可以屈就一下去人多地方嘅Ryan Tam..

陳：第十一位.. 無咗佢香港小姐Blogger’s Choice都唔會進行得咁順利，同埋forever堅持廣東話選美is the best嘅港乜謝網主.. TT！

鄭：最後一位，當然係同是身兼Fun生活網主同澳門小姐national director職責嘅.. 葉Fun！

陳：30位評判喺根據14位候選佳麗嘅樣貌、身段、談吐、台型/catwalk skill 4個項目去評分，每個項目嘅最高分數係99分，而最低就係50分..

鄭：而每個評分項目中最高同最低嘅分數係會被撇除，餘下分數嘅總平均數就係嗰一個項目嘅分數啦..

陳：另外今年除咗會頒發冠亞季軍，最上鏡小姐、國際親善小姐、最佳泳裝演繹獎同最佳變臉大獎之外，今年亦曾設世界小姐香港代表同國際小姐香港代表兩個獎項，希望可以選出兩位適合參加國際性選美嘅佳麗。

鄭：阿旦，唔好講咁多啦，大家一定等到好心急架啦，不如先頒發4個單項獎.. 首先係最上鏡小姐！首先我地有情香港小姐2010 Blogger’s Choice最上鏡小姐，彭慧中小姐為我地頒獎..

陳：香港小姐2011 Blogger’s Choice，最上鏡小姐係.. Miss Hong Kong Blogger’s Choice 2011, Miss Photogenic is…
.
.
.
.
陳：大熱勝出，3號許亦妮小姐！No.3 Whitney Hui！


鄭：接住落嚟要頒發嘅係國際親善小姐，我哋有請頒獎嘉賓，舊年嘅國際親善小姐得主李雪瑩小姐！

陳：香港小姐2011 Blogger’s Choice，國際親善小係.. Miss Hong Kong Blogger’s Choice 2011, Miss International Goodwill goes to…
.
.
.
.
陳：係6號梁麗翹小姐！No.6 Nicole Leung！


鄭：第3個要頒發嘅單項獎係最佳變臉大獎，究竟邊一位佳麗係被評判一致認為喺容貌上有最大進步架呢？首先當然係要請出上屆嘅得主李雪瑩小姐！

陳：各位網友，2011年度香港小姐競選Blogger’s Choice，最佳變臉大獎嘅得主係..
Miss Hong Kong Blogger’s Choice 2011, The Best Improvement in Facial Beauty is..
.
.
.
.
陳：係.. 11號劉思希！No.11 Lisa Lau！


鄭：第4個將會嘅係《最佳泳衣演繹大獎》，有請上屆呢個獎嘅得住馬均怡小姐為我地頒獎！
陳：各位網友，2011年度香港小姐競選Blogger’s Choice，最佳泳衣演繹大獎嘅得主係.. Miss Hong Kong Blogger’s Choice 2011, The Best in Swimsuit is..
.
.
.
.
陳：5號朱晨麗小姐！No.5 Rebecca Zhu！


鄭：恭喜晒以上4位嘅得獎佳麗！

陳：阿旦呀，咁緊張嘅氣氛唔好俾佢停啦.. 跟住落嚟我地立即宣佈前8強嘅入圍名單..

鄭：咁就由我讀先啦.. 第一位進入8強嘅係.. 1號甄敏婷！


陳：第二位，14號朱希敏！


鄭：嘩一大一細嘅冧巴，跟住嘅都係大冧巴，11號劉思希！


陳：第四位進入8強嘅係.. 5號朱晨麗！


鄭：有5號又點得少得6號梁麗翹！


陳：仲有3個位置.. 第六位係.. 7號胡中慧！


鄭：第七個名額… 佢係.. 4號林慧倩！


陳：最後一位啦喎.. 你地認為會唔會係… 佢呢？3號許亦妮~


陳：恭喜以上8位獲得進入8強嘅佳麗！

鄭：咁究竟呢8位佳麗入面邊3個會成為今年Blogger’s Choice嘅冠亞季軍呢，至於世界小姐香港代表同國際小姐香港代表呢兩個獎項又花落誰家，我哋今晚先休息一晚，各位網友聽晚請同樣時間收睇2011年度香港小姐競選Blogger’s Choice partII啦！

陳：聽晚見！！