4.07.2010

懷舊老味 - 蓮香樓

復活節最後一日假期跟MM等人去了看早場,
散場時剛好是午餐時間,
MM提議在IFC搵食,但我反對..
投得反對票也就有責任提供別的選擇,
我建議先行過去中上環那邊才作打算。
在途中一邊說著說著,
突然腦內閃出“蓮.. 香.. 樓..”三隻大字,
噢,不知是否近日做得親善大使多,
連諗頭都咁鬼遊客!

蓮香樓源自廣州,與另一家陶陶居齊名,
而香港的蓮香樓原本有3間,
但現在就只剩下威靈頓街及鴨巴甸街這一家。

雖然蓮香樓地點也算就腳,但對上一次光顧.. um.. 已經是4年多前啦
時為下晝1點.. 人山人海到呢
這裡當然不會有高叉旗袍知客孖你登記然後帶位啦,要自力更生採取人釘人措施,一有人起身你就要一個蘿柚dut埋去!還有,若你是介意搭檯的話就請不要來了
每張檯側邊都放著一個舊式大水壺及銀痰罐一個
坐好叫茶,一人一隻大茶杯,自己想飲咩茶就咩茶。但唔好處是hur一聲就喝光一杯,一味要嗌住沖水
嗌嘢食啦.. 馬拉糕唔該..
臘腸卷、糯米雞、鴨腳紮唔該..
干蒸牛肉、雞紮、牛肚唔該..
荔蓉包.. 好好味囉,好味到要安哥
梅子蒸排骨
阿哥,寫碟菜遠牛河
話就話有點心車周圍巡,但基本上點心阿姐一出場就會被人圍,成棟點心就會在迅間消失
地下還保留著賣糖餅的部份.. 現在買餅大家可以用八達通
餅盒依然沿用幾十年前的設計.. 餅盒上的新娘.. 咁似sister Piano嘅?

Um.. 真是要約一次來蓮香樓吃晚飯,好掛住它們的免切叉燒飯、八寶鴨、咕嚕肉同大班兩味呀!

7 comments:

naruto said...

糖餅職員怒啤你呀

JeThorpe said...

"邊皮馬拉糕"看似很美味喎!
但那個銀痰罐再加廢水和垃圾真的有點嚇人,不要給我看見會比較開胃.

Artman said...

下次可以過黎佢(哎吔)姊妹蓮香居試下,一樣懷舊一樣好食.

阿ta said...

馬拉糕我抄愛!! 得唔得呀? 好唔好食呀?
茶錢1位幾多呀?

Fun said...

naruto,
係啤你喎..

Jethrope,
都係架其實..

Artman,
都可以試下噃.. 

Ta,
馬拉糕 is ok good la!

無留意幾銀荼$$$添,總之4個位埋單每位$45!

CH Mak said...

茶介好似每位$8.
....

$45, 我sit左比你添!!!

狂徒誌 said...

我記得已故父親話,蓮香的蓮蓉月餅係勁正,最正係佢個個紙盒月餅盒