尖沙咀蛇竇

蛇竇，蛇王之地也，
地點至緊要隱蔽！
我相信每個地區都有一至兩個蛇王聖地，
中環區數一數二的有永樂園。
而過了一個海來到尖沙咀啦喎，
表表者就有.. 星座冰室！
星座冰室在那裡架？
等我即刻帶大家去下..

大家首先要找到“香檳大廈”(Champagne Court?!?!?!?!?!)！大廈就在金巴利道，The Mira Hotel旁
一入到大廈的右手邊會見到這個門口.. 啱呀，係呢個啦，行落去喇
係咪好有重慶森林feel呢
到啦.. 隱蔽到如此地步，唔係唔做蛇竇呀？
一眼望晒，裝潢夠晒兜踎，絕對是作為蛇竇的另一元素
吔乜好呢
牆上也掛著(粉筆)餐牌
當日我點了這一碗杰撻撻嘢
蕃茄撈蛋丁配雞中翼！除配丁麵外，還可選通粉、米粉、米線等等.. 而蕃茄撈蛋則是星座冰室的鎮店之寶，賣相麻麻，成pat嘢咁，但質感其實是很滑溜的